بیلتھنگڈی میں لٹیروں نے گھر کے مالک کو باندھ کر نقدی، زیورات اور دیگر اشیاء لوٹ لی
بیلتھنگڈی 29؍نومبر (ایس او نیوز) دھرمستھلاپولیس اسٹیشن کے حدود میں سپاری کے ایک تاجرکو اس کے اپنے گھر میں باندھ کر لٹیروں نے نقدی ، زیورات، اے ٹی ایم کارڈز اور بڑی مقدار میں جمع کی گئی سپاری لوٹ لی جس کی مالیت کا اندازہ لاکھوں روپے لگایا گیا ہے ۔
لٹیروں کاشکار ہونے والے شخص کا نام ناگیش پرساد (۳۸سال) بتایا جاتا ہے۔ شبہ کیا جاتا ہے کہ لٹیرے شام کے وقت ناگیش کا پیچھا کرتے ہوئے اس کے گھر تک پہنچے ہونگے اور پھر موقع ملتے ہی لوٹ کی کارروائی انجام دی ہوگی۔
دھرمستھلا پولیس نے موقعۂ واردات پر پہنچ کر معائنہ کیا اورکیس درج کرلیا ہے۔