کاروار21/جولائی (ایس او نیوز)  ضلع اُترکنڑا کے یلاپور میں گذشتہ کچھ دنوں سے جاری زوردار بارش کے نتیجے میں جمعہ اور سنیچر کی درمیانی رات کو ایک مکان کی دیوار گرگئی۔ بتایا گیا ہے کہ یہ مکان  مزدوری کرنے والے نتاش دیلیم کا ہے۔ 

ذرائع نے بتایا کہ دیوار گرنے سے چھت کو بھی نقصان پہنچا ہے، البتہ گھر پر موجود کسی کو کوئی چوٹ نہیں لگی۔

خیال رہے کہ ضلع بھر میں گذشتہ ہفتہ عشرہ سے  موسلادھار بارش کا سلسلہ جاری ہے، جس کے نتیجے میں کئی علاقوں میں درخت اور بجلی کے کھمبے بھی گرنے کی اطلاعات ہیں۔