ہوناور معاملہ پر وزیر اعلیٰ سے روشن بیگ کی نمائندگی،حالات پر نظر رکھنے ضلع انچارج وزیر دیش پانڈے کمٹہ روانہ

Source: S.O. News Service | By Shahid Mukhtesar | Published on 12th December 2017, 12:32 AM | ساحلی خبریں | ریاستی خبریں |

بنگلورو11 دسمبر (ایس او نیوز) اترکنڑا کے ہوناور میں 8 دسمبر کو پریش میستا نامی نوجوان کی مشتبہ حالت میں نعش بازیافت ہونے کے معاملہ کو سنگھ پریوار کی جانب سے فرقہ وارانہ رنگ دینے کی جو کوششیں ہورہی ہیں، اس سے آج وزیر برائے شہری ترقیات و حج آر روشن بیگ نے وزیر اعلیٰ سدارامیا کو باخبر کرایا اور بتایا کہ پوسٹ مارٹم رپورٹ میں تک قتل کا کوئی جواز نہیں ہے، اس کے باوجود اس معاملہ کو فرقہ وارانہ رنگ دینے کوشش ہورہی ہے۔

جناب روشن بیگ نے ہوناور کے حالات سے جب وزیر اعلیٰ کو واقف کرایا تو انہوں نے فوری طور پر وزیر صنعت و ضلع نگراں کار آر وی دیش پانڈے کو ہدایت دی کہ وہ ہوناور پہنچ کر حالات کا جائزہ لیتے ہوئے کشیدہ حالات کو قابو میں لانے کے علاوہ مقامی اقلیتوں میں عدم تحفظ کا جو احساس پایا جارہا ہے، اسے دور کرنے کی کوشش کریں۔ اسی طرح انہوں نے ویسٹرن رینج  کے آئی جی پی ہیمنت نمبالکر اور اے ڈی جی پی کمل پنتھ کو ہدایت دی  کہ وہ ہوناور میں کیمپ کرتے ہوئے حالات کو قابو میں لانے کی کوشش کریں۔

اس سے پہلے کہ دیش پانڈے اور پولس کے اعلیٰ حکام ہوناور پہنچتے، اُدھر ہوناور کے پڑوس میں واقع کمٹہ میں آج پیر کو بی جے پی اور سنگھ پریوار کے کارکنوں نے احتجاجی ریلی کا اہتمام کرتے ہوئے زبردست ہنگامہ برپا کیا اور مسلم دکانوں اور مکانوں پر پتھرائو کرنے کے بعد پولس پر پتھرائو شروع کردیا۔ احتجاجیوں نے جب بسوں پر چڑھ کر مسلم جوڑوں پر حملہ کرنے کی کوشش کی تو پولس نے زبردست لاٹھی چارج کرتے ہوئے  شرپسندوں کی کوششوں کو ناکام بنادیا۔ اس دوران احتجاجی شرپسندوں نے پولس وین پر پتھرائو کرکے نقصان پہنچانے کے ساتھ ساتھ انسپکٹر جنرل آف پولس کی کار کو بھی نذر آتش کردیا۔

اُدھر وزیر اعلیٰ سے ہوناور معاملہ پر تبادلہ خیال کے بعد جناب روشن بیگ نے بتایا کہ ہوناور میں لاپتہ پریش میستا (18) کی نعش تالاب سے بازیافت ہوئی تھی، اور اس نوجوان کا تعلق سنگھ پریوار یا کسی ہندو تنظیم سے ہونے کے کوئی ثبوت نہیں ہیں۔ ریاست میں عنقریب ہونے والے اسمبلی انتخابات کے پیش نظر بی جے پی کے ذریعہ معمولی واقعات کو بھی فرقہ وارانہ رنگ دینے کی کوشش ہورہی ہے، تاکہ سیاسی فائدہ حاصل کیاجاسکے۔ جبکہ ریاستی حکومت اس طرح کی کسی بھی سازش کو کامیاب ہونے نہیں دیگی۔ انہوں نے بتایا کہ متوفی نوجوان کا پوسٹ مارٹم تحصیلدار کی موجودگی میں کیاگیا، جس کی مکمل ویڈیو گرافی بھی ہوئی اور خود میجسٹریٹ نے اس کا نظارہ کیا ہے۔ پوسٹ مارٹم رپورٹ میں بھی اسے قتل نہیں مانا گیا ہے، اس کے باوجود اس معاملہ کو فرقہ وارانہ رنگ دینے کی کوشش ہورہی ہے،جو قابل مذمت ہے۔ جناب روشن بیگ نے مزید بتایا کہ وہ خود کمٹہ اور ہوناور کے مقامی لوگوں سے اسی روز سے رابطہ میں ہیں اور ذاتی طور پر ہوناور کے حالات کی مسلسل نگرانی کررہے ہیں۔ ایسے میں مسلمانوں کو خوفزدہ ہونے یا احساس عدم تحفظ کا شکار ہونے کی ضرورت نہیں ہے۔

ایک نظر اس پر بھی

بھٹکل اور ہوناور میں جماعت اسلامی ہند کے زیراہتمام ’سوہاردا افطار کوٹا‘کاانعقاد: برادران وطن نے کیا مسجد اور نماز کا بھی  نظارہ

جب ہم آپس میں ایک دوسرے سے ملتےہیں ، بس میں سفر کرتےہیں تو دنیا بھر کی باتیں کرتے ہیں، سیاست، معیشت، تجارت، بازار وغیرہ پر بہت ساری باتیں کرتےہیں جب کبھی مذہب کے متعلق بات کریں تو فوراً ٹوک دیتے ہیں کہ نہیں صاحب ہم سب آپس میں اچھے ہیں یہ مذہب کی باتیں کیوں؟ ۔ جب کہ سچائی یہ ہے کہ ...

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔