ہوناور23؍جولائی (ایس او نیوز)ریلوے پٹری پر پتھر رکھتے ہوئے ٹرین کی آمد و رفت میں رکاوٹیں پیدا کرنے کا واقعہ یہاں سامنے آنے کے بعد خبر ملی ہے کہ ریلوے افسران نے نیلے کیری سرکاری پی یو کالج کے طلبہ سے اس معاملے میں پوچھ تاچھ کی ہے۔ افسران کو شک ہے کہ کچھ طلبہ اس طرح کی شرارت میں ملوث ہیں ، جس سے حادثے کی خطرات بڑھ جاتے ہیں۔

چند دنوں پہلے کمٹہ ریلوے اسٹیشن پر گوڈس ٹرین پٹری سے کھسکنے اور پارکنگ شیڈ سے ٹکرانے کا معاملہ سامنے آچکا ہے۔معلوم ہو ا ہے کہ اس ضمن تحقیقات کرنے والی ریلوے افسران کی ٹیم کو یقین ہوگیا ہے کہ یہ حادثہ کالج کے طلبہ کی شرارت کی وجہ سے ہوا ہے۔ لہٰذا ریلوے افسران نے کالج کے چند طلبہ سے کچھ گھنٹے تک تفتیش کی اور پھر اس کے بعد انہیں گھر جانے دیا گیا۔