ہوناور کے مہلوک پریش میستا کے خاندان کو حکومت کی طرف سے 5لاکھ روپئے معاوضہ منظور

Source: S.O. News Service | By Abu Aisha | Published on 11th January 2018, 8:44 PM | ساحلی خبریں |

کاروار:11/ جنوری (ایس اؤنیوز)ہوناور کے نوجوان پریش میستا کی ہلاکت کا معاملہ اب بھی راز میں ہے، وزیراعلیٰ معاوضہ فنڈ سے ان کے خاندان کے لئے 5لاکھ روپئے منظور کئے گئے ہیں،مہلوک کے حقیقی وارثین کو معاوضہ رقم پہنچانے کے لئے ضلع ڈی سی کو 3جنوری کو وزیر اعلیٰ کے جوائنٹ سکریٹری پی اے گوپال کی طرف سے لکھے گئے خط میں کہاگیا ہے۔

گذشتہ سال 7دسمبر کو ہوناور کے پریش کملاکر میستا کی گم شدگی کو لےکر شکایت درج ہوئی تھی ، دوسرے دن اس کی نعش شہر کے تالاب میں پائی گئی تھی ، جس کے نتیجے میں ہوناور میں ماحول کشیدہ ہونے کے علاوہ کمٹہ ، کاروار، سرسی میں احتجاج ہواتھا، کمٹہ میں آئی جی پی کی سواری کو نذر آتش کیاگیاتھا تو سرسی کو پتھراؤ کے واقعات ہوئے تھے۔

اس دوران ضلع نگراں کار وزیر دیش پانڈے نے پریش میستا کے گھر پہنچ کر تعزیت کرتےہوئے ذاتی طورپر ایک لاکھ روپئے کی امداد کی تھی بعد میں خاندان والوں نے مالی تعاون لینے سے انکار کیا تھا۔ جس پر برسراقتدار پارٹی والوں نے اپنی بے اطمینانی کا اظہار کیاتھا، اس کے بعد بی جے پی سمیت دیگر تنظیموں نے سرکار کی طرف سے معاوضہ کا مطالبہ کیا تھا۔

پریش میستا کی موت کے بعد اترکنڑا ضلع ڈپٹی کمشنر نے خاندان کے معاوضہ کے لئے 12دسمبر کو خط لکھاتھا۔ اب ریاستی حکومت نےپریش میستا کے خاندان کو 5لاکھ روپئے بطور ہرجانہ منظور کئے ہیں۔ اس سلسلے میں مہلوک پریش میستا کے والد کملاکر میستا نے کہاہے کہ سرکاری طورپر منظورشدہ معاوضہ کو قبول کرنے کے متعلق ابھی تک کوئی فیصلہ نہیں لیاگیا ہے، اپنے سماج والوں کے ساتھ سوچ بچار کے بعد فیصلہ لئے جانے کی بات کہی۔

ایک نظر اس پر بھی

بھٹکل رکن اسمبلی کی کار روک کر بی جےپی کارکنان نے کی نعرے بازی

پیر کو جب دوحریف سیاسی پارٹیوں کے امیدوار پرچہ نامزدگی داخل کرنےکے دوران کچھ انہونی واقعات پیش آئے ۔ کانگریس امیدوار منکال وئیدیا اے سی دفتر میں پہلے پہنچ کر اپنا پرچہ داخل کرنےمیں مصروف تھے تو اسی وقت بی جے پی امیدوار سنیل نایک بھی اپنےلیڈران کے ساتھ پرچہ داخل کرنے کے لئے ...

بھٹکل بی جےپی میں عدم اطمینانی کا دور : امیدوار کے پرچہ نامزد گی کے دوران اہم اور سنئیر لیڈران غائب

پیر کو بی جے پی امیدوار سنیل نائک جب پرچہ نامزدگی کے لئے ہزاروں حمایتوں کے ساتھ روڈ شو کرتے ہوئے نکلے تو سابق وزیر اور بی جے پی لیڈران شیوانند نائک، سابق رکن اسمبلی جے ڈی نائک، بھٹکل کے ہندو برانڈ لیڈر ،بی جےپی ضلع نائب صدر گوند نائک کا نظر نہیں آنااورپروگرام کے بالکل آخر میں ...

بھٹکل رکن اسمبلی منکال وئیدیا اور بی جے پی امیدوار سنیل نائک دونوں کروڑوں جائیداد کے مالک

ریاست کے مختلف مقامات پر وزراء اور ارکان اسمبلی کی جائیداد میں دوگنا ، تگنا اضافہ ہواہے تو بھٹکل کے رکن اسمبلی منکا ل وئیدیا اپنی ذاتی سواریوں ، ڈامبر پلانٹ، ٹپر ، ہٹاچی وغیرہ کو فروخت کرتے ہوئے اپنی جائیداد میں 57،85410 روپئے کا اضافہ کر لیا ہے۔

اننت کمارہیگڈے کو فون پر ملی جان سے مارنے کی دھمکی۔سرسی پولیس اسٹیشن میں شکایت درج

مرکزی وزیر برائے اسکل ڈیولپمنٹ اننت کمار ہیگڈے کو مبینہ طور پرکسی نے انجان نمبر سے فون کرکے جان سے مارنے کی دھمکی دی ، جس کے تعلق سے اننت کمار کے پرسنل اسسٹنٹ سریش شیٹی نے سرسی ٹاؤن پولیس اسٹیشن میں شکایت درج کروائی ہے۔

بھٹکل میں کانگریس کی طرف سے منکال وئیدیا اوربی جے پی کی طرف سے سنیل نائک نے داخل کیا پرچہ نامزدگی

کرناٹکا ودھان سبھا انتخابات کے لئے پرچہ نامزدگی داخل کرنے کے لئے آخری تاریخ 24/ اپریل ہے اور آج پیر کو دو اہم سیاسی حریف پارٹیوں کے طرف سے پرچہ نامزدگی داخل کی گئی ہے۔ کانگریس کی طرف سے آج منکال وئیدیا نے اپنا پرچہ نامزدگی داخل کیا تو بی جے پی کی طرف سے سُنیل نائک نے  سینکڑوں ...