ہوناور:17/ نومبر (ایس اؤنیوز)شہر کے قریب موروکٹے میں مسافروں کی سہولت کے لئےقائم کیا گیا بس اسٹاپ پودوں، درختوں ، جھاڑ جھنکار میں گم ہو گیا ہے اور کسی استعمال کے لائق نہ ہوکر ویران پڑاہے۔

تعلقہ مرکز سے صرف 2کلومیٹر دورقومی شاہراہ سے متصل موروکٹے نامی دیہات کے لئے اس بس اسٹانڈ کی تعمیر کی گئی تھی ۔ حالت یہ ہے کہ بس اسٹانڈ کوراستے سے جائیں پتہ ہی نہیں چلتا۔ عمارت کے اطراف کانٹے بھراٹے ہیں، قریب جاکر دیکھیں تو محسوس ہوتاہے کہ ہاں ! یہ بس اسٹانڈ ہے۔ عمارت موگوا گرام پنچایت کے حدود میں آتی ہے۔ عوامی نمائندے اور افسران روزانہ اسی راستے آتے جاتے ہیں، غالباً کسی کو اس کا خیال نہیں ہے کہ یہ ہماری دیہات کا بس اسٹانڈ ہے۔ عمارت کے چاروں طرف پارتھینیم کے درخت اور کانٹے اتنے اگ آئے ہیں کہ اند رجانا ناممکن ہے۔ دور سے بس اسٹانڈ نظر آتاتوہے لیکن مسافروں کے لئے کوئی سایہ نہیں ہے اور نہ استعمال کے قابل ہے۔عوام کا مطالبہ ہے کہ متعلقہ ذمہ داران اس طرف توجہ دینا ضروری ہے ورنہ جھاڑی کے درمیان عمارت گم ہوجائے گی اور ناجائز کاموں کے لئے راہ دینے کا خدشہ ہے۔ عوام کی مانگ ہے کہ ہزاروں روپئے کی لاگت سے تعمیر کردہ عمارت کو دوبارہ عوامی سہولیات کے لئے تیار کریں۔