کمٹہ 13؍دسمبر(ایس او نیوز) ہوناور فساد کے پس منظر میں سوشیل میڈیا اور خاص کر وہاٹس ایپ پر افواہیں پھیلا کر ماحول خراب کرنے کے الزام میں کاروار کے ایک ہائی اسکول ٹیچر کو پولیس نے گرفتار کرلیا ہے۔

گرفتار شخص کا نام تمپّا نائک ہے جوچنڈیا کے نیو پاپولر اسکول میں فیزیکل انسٹرکٹر ہے۔ اس نے مبینہ طور پر فسادات کے پس منظر میں ہندوؤں کی حمایت میں مختلف پیغامات، اشتعال انگیز جھوٹی خبریں اور افواہیں پھیلائی تھیں۔گرفتاری کے بعد تمپا نائک کو عدالت میں پیش کیا گیا جہاں سے اس کو 21دسمبر تک عدالتی حراست میں بھیج دیا گیاہے۔