ہوناور:کمٹہ شہر کاکچرا ہوناور کے کچرا نکاسی مرکز پر پھینکنے کے خلاف ہائی کورٹ کا عبوری حکمِ امتناعی

Source: S.O. News Service | By Abu Aisha | Published on 21st April 2017, 9:23 PM | ساحلی خبریں |

ہوناور:21/اپریل(ایس اؤنیوز)کمٹہ شہر کا کچرا ہوناور پٹن پنچایت کچرانکاسی مرکز میں پھینکے جانے کےخلاف دھارواڑ ہائی کورٹ بنچ نے عبوری حکم امتناعی جاری کی ہے۔

معاملے کو لے کر ہوناور پٹن پنچایت کی صدر زینت بی نے پریس کانفرنس کے ذریعے جانکاری دی، پنچایت کے سنئیر ممبر نیل کنٹھ نائک نے مزید تفصیلات بتاتے ہوئے کہاکہ ہوناور پٹن پنچایت کے تمام ممبران کی طرف سے متفقہ طورپر لئے گئے فیصلے کے تحت صدر اور میں ہائی کورٹ میں کیس درج کیا تھا۔ ہوناور شہر کے رام تیرتھ چاندرانی کے قریب موجود کچرانکاسی مرکز میں اترکنڑا ضلع ڈپٹی کمشنر کے حکم نامے کے تحت کمٹہ شہر کا کچرا بھی پھینکا جارہا تھا، جس کی تمام ممبران نے سخت مخالفت بھی کی تھی ۔ رکن اسمبلی ، ڈی سی کے ساتھ منعقدہ میٹنگ میں بھی اس کی پرزور مخالفت کی گئی لیکن کسی نے بھی ہوناور پنچایت کے ممبران کے فیصلے کا احترام نہیں کیااور پنچایت کی قرارداد کو ڈی سی نے معطل کردیا تھا۔ جس کے نتیجے میں عوامی مخالفت کے باوجود رات کے اوقات میں کمٹہ کا کچرا لاکر ہوناور کے مرکز میں پھینکا جارہاتھا۔ ہوناور کے عوام، ادارے اور پنچایت ممبران نے جب کمٹہ سے کچرا لے کر ہوناور کے مرکز پہنچی لاری کو روک کر احتجاج کیا تھا تو رکن اسمبلی شارداشٹی جائے وقوع پہنچ کر ڈی سی فیصلے کو کھلے عام آڑے ہاتھوں لیا تھا، اس کے بعدبھی کچرا پھینکنے کو نہیں روکا گیا۔ تو ہم مجبور ہوکر کوئی راستہ نہ پاتے ہوئے عدالت کادروازہ کھٹکھٹایا ۔ فی الحال دھارواڑ ہائی کورٹ نےعبوری طورپر امتناعی احکام جاری کی ہے، جس کی ایک نقل کمٹہ بلدیہ اور متعلقہ افسران کو ارسال کی گئی ہے۔ امتناعی احکامات کے دوران اگر کچرا لاکر ہوناور مرکز میں پھینکا جاتاہے تو عدالت کی توہین ہوگی، قانونی جدوجہد جاری رہنے کی اطلاع پنچایت کی صدر زینت بی نے دی۔ پنچایت ممبران سی جے نائک، منجوناتھ کھاروی پریس کانفرنس میں موجود تھے۔

ایک نظر اس پر بھی

بھٹکل میں راہول گاندھی کا وزیراعظم مودی پر راست حملہ؛ سی بی آئی کا بتایا نیا مفہوم؛ کہا سینٹرل بیورو آف اللیگل مائننگ

وزیراعظم نریندر مودی پر راست نشانہ لگاتے ہوئے کانگریس صدر راہول گاندھی نے بھٹکل میں اپنے انتخابی جلسہ میں کہا کہ   مودی بسونا کی مورتی پر پھول کا ہار پہناتے ہیں  اوربڑی بڑی باتیں بھی کرتے ہیں ، لیکن بسونا نے جو کہا تھا اُس پر عمل نہیں کرتے۔راہول کے مطابق   بسونا نے کہا تھا کہ ...

اترکنڑا ضلع کے 62پرچہ نامزدگیوں میں سے 4مسترد :58قانونی طورپر درست

ریاستی ودھان سبھا انتخابات کے لئے اترکنڑا ضلع کے 6حلقوں سے کل 62امیدواروں نے پرچہ نامزدگی داخل کئے تھے۔افسران کی طرف سے 25اپریل کو نامزدگیوں کی جانچ پڑتال کے بعد ضلع میں کل 4پرچہ نامزدگیوں کومستردکیاگیا بقیہ 58 صحیح قرار دئیے گئے ہیں۔ کاروار میں تین اور ہلیال میں ایک پرچہ ...