ہوناور:حکومتوں اور محکمہ کی جانب سے بروقت سہولیات کی عدم فراہمی سے ناراض لکچرر حضرات نے سیاہ پٹی باندھ کر کیا احتجاج
ہوناور :4/ اگست (ایس اؤ نیوز) سرکاری ڈگری کالج کے لکچرر حضرات نے مرکزی اور ریاستی حکومت اور محکمہ کی جانب سے بروقت سہولیات فراہم نہ کرتے ہوئے نظر انداز کئے جانےکی مخالفت میں اے آئی ایف ، یو سی ٹی اؤ اور کے جی سی ٹی اے نامی تنظیموں کی جانب سے مشترکہ طورپر اعلان کردہ احتجاج کی حمایت میں سیاہ پٹی باندھ کر کلاسوں میں حاضری دی۔
حکومتوں اور محکمہ کی جانب سے بروقت سہولیات مہیا نہیں کی جارہی ہیں، جس کی وجہ سے اسوسی ایٹ پروفیسر اور کارگزار پرنسپال کے طورپر ہی لکچرر حضرات وظیفہ یاب ہونا افسوس ناک ہے۔ اب اگر ہم نے صد ا بلند نہیں کی تو آئندہ دنوں میں اس کی بھاری قیمت چکانی پڑے گی اسی لئے ہم اپنے مطالبات کے لئے احتجاج کی حمایت کی ہے اور سیاہ پٹی باندھ کر تدریسی خدمات انجام دے رہے ہیں۔ ہم اپنے احتجاج کے ذریعے حکومتوں اورمحکمہ کی توجہ اپنی جانب مبذول کرنے کی کوشش کئے جانےکی بات احتجاجیوں نے کہی۔