ہوناور : شراب دکان بند کرنےدیہی خواتین سمیت عوام کا احتجاج :افسران کو سونپا میمورنڈم
ہوناور :23/ اکتوبر (ایس اؤنیوز)تعلقہ کے منکی کمبارکیری کراس پر منتقل کی گئی شراب کی دکان بند کرنےکا مطالبہ لے کر گرام پنچایت کے ممبران اور عوام نے ایکسائز آفیسر کو میمورنڈم سونپا۔
سپریم کورٹ کے آرڈر کے مطابق منکی ماوین کٹا پر موجود شراب کی دکان کو منکی کراس منتقل کرتے ہوئے سنیچر سے شراب بیچی جارہی تھی۔ اتوار کو ہی مقامی گرام پنچایت کے ممبران اور عوام متحد ہوکر شراب کی دکان فوری طورپر بند کرنے پر زور دیا۔ عوام نے بتایا کہ پاس پڑوس میں اسکول ، کالج اور مندر ہیں ، شراب دکان کے بالکل پاس میں ہی کونکن ریلوے کی لائن بھی ہے جہاں شراب کے نشے میں جھومتے ہوئے لائن پر چلے جانے اور اپنی جان کھونے کا خطر ہ ہے اسی لئے یہاں شراب کی دکان کو بند کرنے پر زور دیا۔
ایک ماہ پہلے عوام کو جیسے ہی منکی کراس پر شراب دکان منتقل ہونے کی اطلاع ملی تو اسی وقت انہوں نے متعلقہ محکمہ، تحصیلدار اور ڈی سی کو میمورنڈم سونپتے ہوئے دکان کو منظوری نہیں دینےکی مانگ کی تھی ۔ لیکن اس کے باوجود متعلقہ محکمہ کے افسران نے جائے وقوع کا معائنہ کرتے ہوئے دکان کی منظوری دی ہے۔ اس موقع پر پنچایت ممبر اوشانائک نے بتایاکہ گرام پنچایت سے جگہ کی اجازت نہیں لی گئی ہے۔ عمارت کی منظوری کے متعلق جب پنچایت کے صدر گوندنائک سے پوچھاگیا تو انہوں نے کہاکہ میں نے کسی طرح کی منظوری نہیں دی ہے۔ پنچایت کی تمام خاتون ممبران نے شراب دکان کے خلاف احتجا ج کا فیصلہ لے کر یہاں پہنچے تو ہم نے بھی ان کی حمایت کرتے ہوئے ان کےساتھ شریک ہونےکی با ت کہی۔