چنداور کے بعد اب ہوناور میں تشدد کے واقعات ؛عوام میں خوف وہراس؛ حالات کشیدہ؛ 41 گرفتار

Source: S.O. News Service | Published on 8th December 2017, 1:19 AM | ساحلی خبریں |

ہوناور:7/ دسمبر(ایس اؤنیوز)  قریبی دیہات چنداور  کے بعد اب ہوناور میں بدھ کی شب کو اچانک دو فرقوں کے درمیان ہوئی جھڑپوں کے بعد حالات کشیدہ ہوگئے ہیں بتایا گیا ہے کہ حالات پر قابو پانے کے لئے پولس نے حفاظتی انتظامات سخت کرنے کے ساتھ ساتھ آج جمعرات کو 41 افراد کو گرفتار کرلیا  ہے جس میں 29 مسلم نوجوان بھی شامل ہیں۔  بتایا گیا ہے کہ ایک طرف پولس نے کچھ گھروں میں گھس کر   کچھ لوگوں کو گرفتار کیا  تو شرپسندوں نے بھی کچھ مکانوں کے اندر گھس کر توڑ پھوڑ مچائی ہے، جس سے  ہوناور کے عوام میں خوف وہراس کی لہر دوڑ گئی ہے۔

ذرائع سے ملی اطلاع کے مطابق آج جمعرات صبح  جھڑپوں کے دوران پولس نے ہلکی لاٹھی کا سہارا لیتے ہوئے لوگوں کو منتشر کرنے کی بھی خبر ہے، البتہ بعد میں جب پولس نے اپنا کریک ڈائون شروع کیا تو 41 لوگوں کو بھی گرفتار کیا ہے، جس میں ہوناور جماعت کے کچھ ذمہ داران بھی شامل ہیں۔

 ساحل آن لائن سے فون پر گفتگو کرتے ہوئے ہوناور کے ایک لیڈر نے بتایا کہ بدھ کو جیسے ہی بھٹکل اورکمٹہ میں  پروگراموں میں شریک ہونے کے بعد ریاستی وزیراعلیٰ سدرامیا  کاروار کے لئے روانہ ہوئے، اُسی شام قریب  سات بجے  ہوناور سرکل پر ایک سڑک حادثہ کو بنیاد بناتے ہوئے شرپسندوں نے  ٹمپو  پر پتھرائو شروع کردیا، بتایا گیا ہے کہ ہوناور سرکل پر رکشہ اور بائک کی ٹکر میں کاسرکوڈ کا رہنے والا  عادل ابن عبدالرحمن نامی ایک 16 سالہ لڑکا زخمی ہوا تھا،  جس کے بعد کچھ لوگوں نے ٹمپو اسٹائنڈ پر پہنچ کر  پتھرائو  شروع کردیا۔ واردات میں قریب دس  ٹمپو  کو نقصان پہنچنے کی خبرہے، جبکہ کچھ ہوٹلوں اور دکانوں میں بھی توڑ پھوڑ مچائی گئی ہے۔

ہوناور سے ایک ذرائع نے بتایا کہ بائک اور رکشہ کے درمیان ہوئے حادثہ کے بعد معاملہ رفع دفع ہوچکا تھا،  اس بنا پر یہ کہنا غلط ہوگا کہ حادثے کی وجہ سے  پتھرائو کیا گیا۔ اس ذرائع کے مطابق حادثہ شام قریب سات بجے پیش آیا تھا، جبکہ ٹمپو اسٹائنڈ پر پتھرائو کی واردات رات نو بجے پیش آئی۔

پولس ذرائع سے ملی اطلاع کے مطابق  ہوناور کے ٹمپو اسٹائنڈ کے قریب رات نو بجے اچانک کچھ  لوگوں نے پتھرائو شروع کردیا جس میں  نرسمہا میستا اور شرتھ نامی دو  افراد کو شدید چوٹیں آئی ہیں۔ زخمیوں میں شرتھ کی حالت نازک ہونے کی بنا پراُسے منی پال اسپتال منتقل کیا گیا ہے۔ پولس ذرائع کے مطابق ضلع کے پولس دستوں کو وزیراعلیٰ سدرامیا کی سیکوریٹی پر مامور کیا گیا تھا، جس کی بنا پر ہوناور  میں پولس اہلکاربے حد کم تھے، سمجھا جارہا ہے کہ اسی کافائدہ اُٹھا کر چند شرپسندوں نے حالات کو خراب کرنے کی کوشش کی۔

جھڑپوں میں پولس کا ایک اہلکار بھی زخمی ہونے کی خبر ہے۔

ساحل آن لائن سے فون پر گفتگو کرتے ہوئے پولس کے ایک اعلیٰ آفسر نے بتایا کہ ہوناور میں اب پولس کا نہایت سخت بندوبست کیا گیا ہے اور حالات پر مکمل طور پر قابو پالیا گیا ہے۔   البتہ دونوں فرقوں کےلوگوں میں پولس کی گرفتاریوں کو لے کر ناراضگی پائی جارہی ہے اور لوگ الزام لگارہے ہیں کہ پولس نے اُن کے گھروں میں گھس کر  اُن کے لڑکوں کو حراست میں لیا ہے۔کچھ لوگوں کا کہنا ہے کہ پولس نے  جن  لوگوں کو گرفتار کیا ہے اُن میں سے اکثرلوگ بے قصور ہیں۔

ایک نظر اس پر بھی

کاسرگوڈ:غیرمحسوب14لاکھ روپے نقد لے جاتے ہوئے ایک شخص گرفتار

مصدقہ خفیہ اطلاع پر کارروائی کرتے ہوئے کُمبلے پولیس اسٹیشن کے افسران نے شانتی پالّا کے علاقے میں ایک کارروک لی اور اس کی تلاشی لینے پر کار کی سیٹ کے نیچے چھپاکر رکھے گئے 14,26,500روپے نقد بر آمد کیے جس کے تعلق مذکورہ شخص کے پاس کوئی حساب وکتاب نہیں تھا۔

کاروار: حادثات کے مواقع پر زخمیوں کا وڈیو نہ کریں بلکہ فوری ابتدائی علاج کرکے احسان کریں: ٹی، گوندیا

حادثات کے موقعوں پر فوری ابتدائی علاج دینے سے زخمیوں کی زندگی بچانا زیادہ ممکنات میں سے ہے۔ اچانک پیش آنے والے حادثات کے موقع پر عوام جائے حادثہ پر ہی زخمیوں کو ممکن بھر ابتدائی علاج کریں تو زندگی بچ سکتی ہے ۔ ان خیالات کااظہار ضلع سنئیر سول جج اور ضلع قانونی خدمات بورڈ کے ممبر ...

بھٹکل ودھان سبھا حلقہ سے بی جےپی امیدوار کے طورپر جے ڈی نائک کو ٹکٹ دیئے جانے کے اشارے،یڈیورپا اور شوبھا کرندلاجے نے تیاری کرنے کی دی ہدایت

اپریل ،مئی میں ہونےو الے ریاستی انتخابات کے لئے جنگ کا میدان تیار ہورہاہے، بی جےپی اپنے امیدواروں کی فہرست کو حتمی شکل میں دینےمیں ہے ، بی جے پی کے ریاستی صدر بی ایس یڈیورپا نے بھٹکل ودھان سبھا حلقہ سے بطور بی جے پی امیدوار کے جے ڈی نائک کو تیاری کرنے کاحکم دیا ہے۔