کل منگل کو بھارت بند؛ بھٹکل سمیت اُڈپی اور مینگلور وغیرہ میں اسکولوں اور کالجوں میں چھٹی کا اعلان؛ سرکاری بس سروس بھی بند میں شامل

Source: S.O. News Service | By I.G. Bhatkali | Published on 7th January 2019, 9:10 PM | ساحلی خبریں | ان خبروں کو پڑھنا مت بھولئے |

بھٹکل7/جنوری (ایس او نیوز) سینٹرل ٹریڈ یونین کی جانب سے 8 اور 9 جنوری کو بھارت بند کا اعلان کئے جانے کے بعدریاست کرناٹک کے ساحلی اضلاع  اُترکنڑا ، دکشن کنڑا اور  اُڈپی میں  ڈپٹی کمشنرس کی جانب سے اعلان کیا گیا ہے کہ  کل 8/جنوری منگل کو  تینوں اضلاع میں اسکول اور کالجس بند رہیں گے۔

اُترکنڑا ڈپٹی کمشنر مسٹر ایس ایس نکول،دکشن کنڑا ڈپٹی کمشنر سسی کانت سیٹھی اور اُڈپی ڈپٹی کمشنر پرینکا میری فرانسس نے الگ الگ پریس ریلیز جاری کرتے ہوئے بتایا ہے کہ مزدور یونینوں کے ذریعے بلائے گئے بھارت بند کو دیکھتے ہوئے  کل 8/ جنوری کو تمام تعلیمی ادارے بند رہیں گے۔

مرکزی حکومت کے خلاف منائے جارہے بھارت بند کو کئی دیگر اسوسی ایشنوں کا تعاون حاصل ہے،  کرناٹک کے ساحلی اضلاع سمیت اُدھر ریاست کےصدر مقام بنگلور میں بھی کل بھارت بند کا گہرا اثر پڑنے کا امکان ہے، جہاں KSRTC بس سروس اور BMTC سروس بھی بند رہے گی۔ سرکاری بسوں کے بند ہوجانے سے مینگلور، اُڈپی اور ضلع شمالی کینرا میں بھی  بند کا خاصا اثر نظر آئے گا۔

بنگلور میں آٹو رکشہ ڈرائیورس بھی احتجاج میں شامل ہونے کی خبر ہے، مگر پتہ چلا ہے کہ  بھٹکل سمیت  ضلع شمالی کینرا میں آٹو رکشہ سروس حسب معمول جاری رہیں گی۔

ایک نظر اس پر بھی

اُترکنڑا سے چھٹی مرتبہ جیت درج کرنے والے اننت کمار ہیگڑے کی جیت کا فرق ریاست میں سب سے زیادہ؛ اسنوٹیکر کو سب سے زیادہ ووٹ بھٹکل میں حاصل ہوئے

پارلیمانی انتخابات میں شمالی کینرا کے بی جے پی امیدوار اننت کمار ہیگڈے نے پوری ریاست کرناٹک میں سب سے زیادہ ووٹوں سے کامیابی حاصل کی ہے۔ انہوں نے 479649 ووٹوں کی اکثریت سے کانگریس  جے ڈی ایس مشترکہ اُمیدور  آنند اسنوٹیکر  کو شکست دی ۔

ریاست میں کبھی ہار کا منھ نہ دیکھنے والے سیاسی لیڈروں کی ذلت بھری شکست

ریاست کرناٹکا میں انتخابی میدان میں کبھی ہار کا منھ نہ دیکھنے والے چند نامورسیاسی لیڈران جیسے ملیکا ارجن کھرگے، دیوے گوڈا، ویرپا موئیلی اورکے ایچ منی اَپا وغیرہ کو اس مرتبہ پارلیمانی انتخاب میں انتہائی ذلت آمیز شکست سے دوچار ہونا پڑا ہے۔ 

منگلورو:کلاس میں اسکارف پہننے پر سینٹ ایگنیس کالج نے طالبہ کو دیا ٹرانسفر سرٹفکیٹ۔طالبہ نے ظاہر کیاہائی کورٹ سے رجوع ہونے اور احتجاجی مظاہرے کاارادہ

کلاس روم میں اسکارف پہن کر حاضر رہنے کی پاداش میں منگلورومیں واقع سینٹ ایگنیس کالج نے پی یو سی سال دوم کی طالبہ فاطمہ فضیلا کو ٹرانسفر سرٹفکیٹ دیتے ہوئے کالج سے باہر کا راستہ دکھا دیا ہے۔

بھٹکل میں رمضان باکڑہ کی نیلامی؛ 40 باکڑوں کے لئے میونسپالٹی کو 1126 درخواستیں

رمضان کے آخری عشرہ کے لئے بھٹکل  میں لگنے والے رمضان باکڑہ کی آج میونسپالٹی کی جانب سے  نیلامی کی گئی۔ بتایا گیاہے کہ 40 باکڑوں کی نیلامی کے لئے  میونسپالٹی کے جملہ 1126 درخواست فارمس فروخت ہوئے تھے۔ 

مسلمانوں کے خلاف اشتعال انگیز بیانات دینے والوں کی بھاری اکثریت کے ساتھ جیت

مسلمانوں کے خلاف ہمیشہ اشتعال انگیز بیانات دینے والوں کو اس مرتبہ لوک سبھا انتخابات میں بھاری اکثریت کے ساتھ کامیابی حاصل ہوئی ہے۔ اترکنڑا لوک سبھا حلقے کے بی جے پی اُمیدوار اننت کمار ہیگڈے جنہوں نے کہا تھا کہ جب تک اسلام رہے گا دہشت گردی رہے گی،اسی طرح انہوں نے  دستور کی ...

ایچ کے پاٹل نے راہل گاندھی کو بھیجا استعفیٰ

ریاست میں کانگریس کے تشہیری مہم کمیٹی کے صدر ایچ کے پاٹل نے لوک سبھا انتخابات میں ریاست میں پارٹی کی شکست کی اخلاقی ذمہ داری لیتے ہوئے اپنے عہدے سے استعفی دینے کی پیشکش کی ہے۔