بھوپال میں لگا ’راہل گاندھی مستقبل کے وزیراعظم‘ والا پوسٹر، کہا رام بھکت بنوائیں گے مندر

Source: S.O. News Service | By Shahid Mukhtesar | Published on 7th February 2019, 8:40 PM | ملکی خبریں |

بھوپال7فروری (ایس او نیوز؍ آئی این ایس انڈیا ) لوک سبھا انتخابات سے پہلے تمام سیاسی پارٹیاں اپنی تیاریوں میں لگی ہیں اور ان کے رہنماؤں نے تابڑ توڑ دورے شروع بھی کر دئے ہیں۔بھارتیہ جنتا پارٹی (بی جے پی) کے سینئر رہنماؤں سمیت کانگریس بھی اسی مہم میں جٹ گئی ہے۔

کانگریس کے قومی صدر راہل گاندھی کل یعنی جمعہ کو مدھیہ پردیش کے دارالحکومت بھوپال کا دورہ کرنے والے ہیں، لیکن ان کی اس سفر سے پہلے دارالحکومت میں لگا ایک پوسٹر سب کی توجہ کھنچ رہی ہے۔اس پوسٹر میں کانگریس صدر راہل گاندھی کو مستقبل کا وزیر اعظم بتایا گیا ہے۔دراصل، راہل گاندھی 8 فروری کو کسان شکریہ ادا پروگرام کے لئے بھوپال آ رہے ہیں۔

بھوپال میں اس ریلی کو کامیاب بنانے کے لئے ایک طرف کانگریس اس کی تیاری میں زور شور سے لگ گئی ہے تو وہیں کچھ بہت پرجوش کارکنوں نے راہل گاندھی کے استقبال کے لئے پوسٹر بھی لگا دئے ہیں۔کانگریس کے ریاستی دفتر کے باہر ایسا ہی ایک پوسٹر لگایا گیا ہے جس میں راہل گاندھی کو ملک کا وزیر اعظم بتایا گیا ہے۔کانگریس کارکنان کا کہنا ہے کہ گزشتہ سال کے آخر میں اسمبلی انتخابات میں تین ریاستوں میں ملی جیت سے صاف ہو گیا ہے کہ عوام نے بی جے پی کو مسترد کردیا ہے اور اس وجہ کانگریس کی جیت کو وہ فیصلہ مان رہے ہیں۔کارکنوں کی مانیں تو لوک سبھا انتخابات میں اگر کانگریس جیتی تو راہل گاندھی ہی وزیر اعظم بنیں گے، لہذا ممکنہ وزیر اعظم کا پوسٹر لگایا گیا ہے۔دارالحکومت بھوپال کے ایک اور گوودپرا علاقے میں بھی راہل گاندھی کے استقبال کے لئے لگایا پوسٹر بھی بحث میں ہے۔اس پوسٹر میں کانگریس کارکنوں نے راہل گاندھی کو ’رام بھکت‘ بتاتے ہوئے لکھا ہے کہ ایودھیا میں رام مندر راہل گاندھی بنوائیں گے۔ اس کے علاوہ اسی پوسٹر میں وزیر اعلی کمل ناتھ کو ’ہنومان بھکت‘ بتایا گیا ہے۔

گزشتہ سال کے آخر میں ہونے والے اسمبلی انتخابات میں بھی ریاست میں جم کر ’پوسٹر سیاست‘ ہوئی تھی۔بھوپال میں ہی راہل گاندھی کے روڈ شو سے پہلے انہیں شیوبھکت بتانے والے پوسٹر لگائے گئے تھے جس کی کافی بحث ہوئی تھی۔وہیں اسمبلی انتخابات کے دوران جب راہل گاندھی چترکوٹ گئے تھے توانہیں’رام بھکت‘ والے پوسٹر لگائے تھے۔
 

ایک نظر اس پر بھی

اعظم خان کے سامنے بی جے پی کا کوئی بھی ہتھکنڈہ کارگر نہیں ہوگا: مایاوتی

اترپردیش کے رامپور پارلیمانی سیٹ سے سماجوادی کے قدآور لیڈر و پارٹی امیدوار اعظم خان کی حمایت میں ووٹروں سے ووٹ کرنے کی اپیل کرتی ہوئیں بی ایس پی سپریمو مایاوتی نے کہا کہ مرکز میں برسراقتدار پارٹی لاکھ ہتھکنڈے اپنائے لیکن رامپور سے اتحاد کے امیدوار اعظم خان کی جیت یقینی ہے۔

مودی چنندہ صنعت کاروں کے چوکیدار، عوام دوسرا موقع نہیں دے گی: راہل گاندھی

کانگریس صدر راہل گاندھی نے آج کہاکہ ملک کی چوکیداری کرنے کا دعویٰ کرنے والے وزیراعظم نریندر مودی حقیقت میں انیل امبانی سمیت کچھ چنندہ صنعت کاروں کے چوکیدار ہیں اس لئے عوام نے انہیں ڈیوٹی سے ہٹانے کا من بنا لیا ہے۔

فلم کے بعد پی ایم مودی پربنی ویب سیریز کے نشریات پربھی الیکشن کمیشن نے لگائی روک

وزیر اعظم نریندر مودی کے ساتھ منسلک ایک ویب سیریز کو الیکشن کمیشن کی جانب سے جھٹکا لگا ہے۔دراصل الیکشن کمیشن نے اس ویب سیریز کو ریلیز کر رہے پلیٹ فارمس ارس ناؤ کو نوٹس جاری کر اسے فوری اثر سے ہٹانے کا حکم دیا ہے۔