ہندوتواوادیوں پر ظلم اور سناتن سنستھا پر پابندی کا مطالبہ کرنے والوں کے خلاف ہندوتنظیموں کی احتجاجی ریالی

Source: S.O. News Service | By Shahid Mukhtesar | Published on 5th September 2018, 1:05 PM | ساحلی خبریں |

منگلورو5؍ستمبر (ایس او نیوز) ترقی پسند ادیبوں اور دانشوروں کی طرف سے سناتن سنستھا پرپابندی لگانے کا جو مطالبہ ہورہا ہے اس کے خلاف سری رام سنیا، ہندو جاگرن سمیتی اور دیگرہندوتواوادی تنظیموں کے بینر تلے منگلورو جیوتی سرکل سے ڈپٹی کمشنر دفتر تک ایک زبردست احتجاجی ریالی منعقد کی گئی۔واضح رہے کہ پنسارے، دابولکر، کلبرگی اور گوری لنکیش جیسے دانشوروں اور مفکروں کو قتل کرنے کے معاملے میں ایس آئی ٹی نے جن ملزموں کو گرفتار کیا ہے ان کاتعلق سناتن سنستھا بتایا جاتا ہے۔

احتجاجیوں نے جو بینر س اور پلے کارڈس اٹھارکھے تھے اس میں ہندوتواوادیوں کے خلاف ناانصافیوں اور سناتن سنستھا پر پابندی لگانے کے جو مطالبے کی مخالفت کی گئی تھی۔ مظاہرین نے کانگریس پارٹی، مفکرین اور ترقی پسند دانشوروں کے خلاف نعرے بازی کی۔

اس احتجاجی مظاہرے سے خطاب کرتے ہوئے ہندوتووادی لیڈر چیترا کنداپور نے کہا کہ گوری لنکیش، عمر خالد اور کنہیا کمار جیسے خودساختہ ملک دشمن اسٹوڈنٹ لیڈرس کی حمایت کررہی تھیں۔جواہر لعل نہرو یونیورسٹی پر سنگین الزامات لگاتے ہوئے چیترا نے کہا کہ ہم لوگ مندر کی ڈبی میں بھی اس سے زیادہ رقم ڈالتے ہیں جبکہ اس یونیورسٹی میں پی ایچ ڈی کرنے کی فیس صرف 11روپے ہے۔ سوچاجاسکتا ہے کہ وہاں کس قسم کی تعلیم دی جاتی ہوگی۔ وہاں سے تعلیم پانے والے دہشت گرد بن کر باہر نکلتے ہیں۔ اس یونیورسٹی سے دیش کے دشمن پید اکیے جارہے ہیں۔

چیترا نے ایس آئی ٹی پر اپنی بھڑاس نکالتے ہوئے کہا کہ وہ گوری لنکیش قتل معاملے میں ہندوتواوادی کارکنان کومسلسل نشانہ بنارہی ہے۔اس نے کہا کہ:’’ اس طرح کے جھوٹے الزامات ہمیں اور زیادہ مستحکم کریں گے۔ ہم لوگ ایس آئی ٹی افسران کی طرح بدعنوان نہیں ہیں۔بدقسمتی کی بات ہے کہ کچھ لوگوں اور اداروں کا مقصد ہندوؤں کوبرباد کرنا ہوگیا ہے۔یہ لوگ لاشوں کو سامنے رکھ کر پیسہ اکٹھا کرتے ہیں۔ دابولکراور پنسارے کے قتل کے بعد ایسا ہی کیا گیا ہے۔‘‘
چیترا نے اپنی شعلہ بیانی جاری رکھتے ہوئے کہا کہ :’’ جب 24ہندوکارکنان کا قتل ہواتوپی ایف آئی والے اس میں ملوث تھے۔تب تو ان پر پابندی نہیں لگائی گئی۔سیمی(SIMI)پر اس لئے پابندی لگائی گئی تھی کہ وہ دہشت گردانہ سرگرمیوں میں ملوث تھے۔ مگر پی ایف آئی والے اس سے قبل سیمی کا حصہ تھے۔ صرف ان کا نام اور بینر تبدیل ہوا ہے، مگر ایجنڈہ اب بھی وہی ہے۔‘‘

سناتن سنستھا کے لیڈر گروپرساد نے اپنے خطاب میں کانگریس اور ایس آئی ٹی کے خلاف بہت چیخ و پکار کی۔گروپرساد کا کہنا تھا کہ:’’ جب گوری لنکیش کا قتل ہواتو راہل گاندھی نے ٹویٹ کیا تھا کہ اس میں ہندوکارکنان ملوث ہیں۔ایس آئی ٹی نے اسی بیان کے مطابق تحقیقات کی تاکہ راہل گاندھی کو سچ ثابت کیا جاسکے۔کئی ہندو کارکنان کو اس تاریخ سے پہلے گرفتار کیاگیاتھا جس تاریخ کو ان کی گرفتاری دکھائی گئی ہے۔ سوال یہ پیداہوتا ہے کہ تب تک انہیں کہاں رکھاگیا تھا ؟ان ہندوکارکنان کو ٹارچر کرتے ہوئے اقبال جرم کے لئے مجبور کیا گیا ہے۔‘‘

ایک نظر اس پر بھی

بھٹکل : دوست کو بچانے کی کوشش میں شیرور کا نوجوان خود جھلس گیا؛ شدید زخمی

اپنے دوست کو بچانے کی کوشش میں بھٹکل کے پڑوسی علاقہ شیرور  کا ایک نوجوان خود بری طرح جھلس جانے کی  واردات گوا کے مڈگائوں میں پیر کو پیش آئی ہے، مگر نوجوان کے بقول وہ  کسی نہ کسی طرح آج بدھ شام کو بھٹکل سرکاری اسپتال پہنچنے میں کامیاب ہوگیا، جہاں سے اُسے اب اُڈپی شفٹ کیا گیا ...

ڈوبتے دوستوں کوبچا کر خود موت کا شکار ہونے والے سرسی کے لڑکے کوحکومت کی طرف سے ’ہوئیسلا‘ بہادری ایوارڈ

ندی میں تیرنے کے دوران  ڈوبنے والے  2 دوستوں کی حفاظت کرتے ہوئے موت کا شکار ہو ئے  سرسی کے   ہیمنت ایس ایم نامی لڑکے کو  کرناٹکا حکومت نے ’ہوئیسلا‘ایوارڈ سے نوازے جانے کا اعلان کیا ہے۔

شیرور توحید پبلک اسکول میں مستقبل کے معمار ’یوم ِ اطفال ‘ کا خوبصورت پروگرام

بچے پھولوں کی طرح معصوم ہوتے ہیں ،بڑے  جو کرتے ہیں بچے بھی  وہی سیکھتے ہیں اسی لئے بڑوں کو بہترین و مثالی  نمونہ  پیش کرنا چاہئے تاکہ مستقبل میں  بچے بھی انہی  کے نقش قدم پر چل کر  بڑے بنیں۔ان خیالات کا اظہار اسکول کے استاد مولوی ضیاء الرحمن رکن الدین ندوی نےکیا۔

بھٹکل :’حضرت محمدﷺبنی نوع انسان کے عظیم رہنما ‘عنوان کے تحت جماعت اسلامی ہند کرناٹک کی 16نومبر سے ریاست گیر سیرت مہم : ہرایک انسان کو نبی ﷺ کی سیرت کا مطالعہ ضروری

آپسی عدم اعتماداور نفرت کی فضا کو دور کرتے ہوئے امن وسلامتی ، بھائی چارگی اور انسانیت کا پیغام پہنچانے جیسے  نیک مقاصد کو لے کر جماعت اسلامی ہند حلقہ کرناٹکا کے زیراہتمام 16نومبر سے 30نومبر تک ’’حضرت محمد ﷺ بنی نوع انسان کے عظیم رہنما‘‘ کے عنوان سے ریاست گیرسیرت مہم ...