بابا بڈھن گردی درگاہ پر حملہ کرنے والے بجرنگ دل کارکنوں کی مخالفت میں گلبرگہ میں ایس ڈی پی آئی کا احتجاجی مظاہرہ
گلبرگہ، 5/دسمبر( ایس او نیوز؍پریس ریلیز) بابا بڈھن گردی درگاہ پر حملے کرنے اورمقبروں کی بے حرمتی کرنے والے بجرنگ دل کے فرقہ پرست عناصر کی گھناؤنی حرکت اور اس معاملے میں کانگریس حکومت کی غیر فعالی پر برہم گلبرگہ ایس ڈی پی آئی نے منی ددھان سودھا کے قریب احتجاجی دھرنا اور مظاہرہ کیا۔ اس موقع پر کرناٹک ریاستی سکریٹری عبدالرحیم پٹیل، ایس ڈی پی آئی لیڈر محمد محسن ، گلبرگہ ضلعی جنرل سکریٹری شاہد نصیر گلبرگوی،آل انڈیا امامس کونسل ضلع گلبرگہ کے صدرمولانا عتیق الرحمن اشرفی ، علیم الہی سمیت سینکڑوں کارکنان شریک رہے۔ اس احتجاجی مظاہرے میں پارٹی کارکنوں نے ریاستی وزیر اعلی سدارامیا سے مطالبہ کیا کہ وہ بابابڈھن گری پر حملہ کرنے والے بجرنگ دل کے کارکنوں کو فوری طورپر گرفتار کرکے سخت سے سخت سزا دینے اور بی جے پی اور بجرنگ دل کے لیڈروں کی اشتعال انگیز بیانات پر روک لگانے کا مطالبہ کیا اور احتجاجی مظاہرے کے اختتام میں ضلعی ڈپٹی کمشنر کے توسط سے وزیر اعلی کرناٹک کو میمورینڈم پیش کیا گیا۔