ؓبابابڈھن گری درگاہ پر حملہ کرنے والے بجرنگ دل کارکنوں اور ریاستی کانگریس حکومت کی لاپرواہی کی مذمت کرتے ہوئے بنگلور ومیں ایس ڈی پی آئی کا احتجاجی مظاہرہ
بنگلورو،5؍دسمبر (ایس او نیوز؍ پریس ریلیز)بابا بڈھن گردی درگاہ پر حملے کرنے اورمقبروں کی بے حرمتی کرنے والے بجرنگ دل کے فرقہ پرست عناصر کے خلاف ایس ڈی پی آئی کی جانب سے ریاست گیر سطح پر احتجاجی مظاہروں کا انعقاد کیا ،اسی احتجاجی مظاہرے کے ایک حصہ کے طور پر بنگلور ، پنپا پارک میں بنگلور ضلعی ایس ڈی پی آئی کی جانب سے احتجاجی مظاہرے کا انعقاد کیا گیا ۔ اس احتجاجی مظاہرے میں مقررین نے اپنے خطاب میں کانگریس حکومت پر الزام لگایا کہ وہ ریاستی حکومت ریاست کے لاء اینڈ آرڈر کو قابو کرنے میں بری طرح ناکام ہوئی ہے۔ جس سے ان فرقہ پرستوں کی حوصلہ افزائی ہوئی ہے اور انہوں نے با با بڈھن گری درگاہ کی بے حرمتی کرنے اور دو مقبروں کی توڑ پھوڑ کرنے کی جرات کی ہے۔ ایس ڈی پی آئی مقررین نے ریاستی حکومت کی لاپرواہی پر سخت اعتراض کرتے ہوئے کہا کہ ریاست کرناٹک میں فرقہ پرست عناصر کئی عرصے سے سر گرم ہیں اور ریاست میں مذہبی منافرت پھیلا کر عوام کو تقسیم کرکے اپنی سیاسی فائدہ حاصل کرنا چاہتی ہیں۔ ایسے میں اپنے آپ کو سیکولر اور مسلمانوں کی ہمددرد بتانے والی کانگریس حکومت اس معاملے میں غیر فعال کیوں ہوئی ۔ حکومت، انتظامیہ اور انٹلی جنس کو پہلے ہی پتہ تھا کہ با با بڈھن گری درگاہ میں اس طرح کے واقعات پیش آنے والے ہیں لیکن حکومت اس سے لاپرواہی برتنے کی وجہ سے آج ریاست کرناٹک کا ماحول خراب ہوا ہے اور مسلمانوں اور سیکولر پسند عوام کے جذبات مجروح ہوئے ہیں۔ اس احتجاجی مظاہرے میں بنگلورو ضلعی جنرل سکریٹری محمد شریف ، ضلعی ورکنگ کمیٹی اراکین اور بنگلور ضلعی میڈیا انچارج مزمل پاشاہ سمیت سینکڑوں کارکنان رہے۔