بنٹوال:ہندو توادی تنظیم کے کارکن پر موٹر بائک سواروں کا حملہ
بنٹوال 19؍اگست(ایس او نیوز) مرنابیل کے پاس کرانجے نامی علاقے میں سنیچر کی رات کو ایک ہندوتوادی تنظیم کے کارکن پر موٹر بائک پر سوار ہوکر آنے والوں نے حملہ کردیا جس کے بعد اسے زخمی حالت میں منگلورو کے نجی اسپتال میں داخل کیا گیا ہے۔
موصولہ رپورٹ کے مطابق دکشن نامی ایک ہندوتوادی کارکن جب اپنی موٹر بائک پرکہیں جارہا تھا تو چند افراد پر مشتمل موٹر بائک سواروں کی ایک ٹولی نے اس کا راستہ روکا اور اس پر حملہ کردیا۔حملے کی وجوہات یا حملہ آوروں کے بارے میں مزید کوئی تفصیل معلوم نہیں ہوئی ہے۔بنٹوال پولیس نے جائے وقوع پر پہنچ کر معائنہ کیااورمعاملہ درج کرلینے کے بعد تحقیقات شروع کردی ہے۔
پتہ چلا ہے کہ رکن پارلیمان نلین کمار کٹیل اور رکن اسمبلی راجیش نائک نے اسپتال میں جاکر زخمی دکشن سے ملاقات کی اور اس کی مزاج پرسی کی ہے۔