ہماچل پردیش انتخاب: سی ایم ویر بھدر سنگھ نے ارکی سیٹ سے پرچہ نامزدگی داخل کیا
دہرادون، 20 اکتوبر (ایس او نیوز؍آئی این ایس انڈیا )ہماچل پردیش کے سی ایم اور کانگریس رہنما ویربھدر سنگھ آج صبح ایس ڈی ایم آفس ارکی میں اپنا پرچہ نامزدگی داخل کیا۔ پرچہ نامزدگی کے بعد ویربھدر سنگھ ارکی کے شالا گھاٹ میں عوام سے خطاب کرتے ہوئے کہا کہ یہاں کانگریس کمزور ہے۔ لیکن یہیں سے کانگریس کو جیت ملے گی۔ ویربھدر سنگھ کو کانگریس نے سولن ضلع کے اَرکی سیٹ سے ٹکٹ دیا تھا۔ویربھدر سنگھ 2012 میں شملا گاؤں سے کاؤنسلر متعین ہوئے تھے۔غور طلب ہے کہ ہماچل پردیش اسمبلی انتخابات میں پرچہ نامزدگی داخل کرنیکی آخری تاریخ 23 اکتوبر ہے۔ 68 سیٹوں والی صوبہ کی اسمبلی کیلئے یہاں9نومبر کو انتخابات ہوگا اور اس کے نتائج کااعلان 18 دسمبر کو کیاجائیگا۔آپ کو بتا دیں کہ کانگریس 59 امیدواروں کی اپنی پہلی لسٹ جاری کی ہے جس میں وزیر اعلیٰ ویربھدر سنگھ اور ریاستی کانگریس کے نامور سکھوندر سنگھ سکھو کے نام شامل ہیں ۔ہماچل پردیش کانگریس کمیٹی کے چیئرمین سکھوندر سنگھ سکھو کو نادون سیٹ سے ٹکٹ دیا گیا ہے ۔دوسری بار کی حکومت کی دوڑ میں کانگریس نے صوبے کے اپنے سبھی سینئر رہنماؤں کو انتخابات میں اتار دیا ہے۔ممبراسمبلی رکن وپلوٹھاکر کو دہرا سے ٹکٹ دیا ہے جہاں سے وہ 2012 میں ہار گئی تھیں۔ اس کے ساتھ ہی اے آئی سی سی سیکرٹری امید کماری، کول سنگھ ٹھاکر ، جی جی ایس بالی، مکیش اگنہوتر اور گنگا رام مسافر کوڈلہوجی، درنگ، نگروٹا ، ہرولی اور پچھاد سے اتارا گیا ہے۔ابھی نو سیٹوں کیلئے امیدوار کااعلان نہیں کیا گیا ہے۔ان سیٹوں میں کلو، منڈی اور ٹھیوگ شامل ہیں ۔