انتخابات کو لے کر ہند- نیپال سرحد پر نگرانی میں اضافہ ہوا، سیکورٹی ایجنسیاں الرٹ
گورکھپور، 18جنوری(ایس او نیوز/آئی این ایس انڈیا)گریجویشن الیکشن اور اسمبلی انتخابات کے پیش نظر ہند- نیپال سرحد پر سخت نگرانی ہے۔انتخابات کوپر امن کروانے کے لئے سیکورٹی ایجنسیاں حرکت میں ہیں۔ہندوستان سے نیپال جانے والوں اور نیپال سے ہندوستان آنے والی گاڑیوں کی سخت چیکنگ جاری ہے۔ایک ایک شخص کی سخت تلاشی لی جا رہی ہے۔سیکورٹی ایجنسیاں لوگوں سے پوچھ گچھ بھی کر رہی ہیں۔کشی نگر، سنت کبیر نگر، گورکھپور اور سدھارتھ نگر میں کافی احتیاطی تدابیر برتی جا رہی ہیں۔سدھارتھ نگر ضلع کی نیپال سے کھلی کل 68کلومیٹر کی طویل سرحد ہے،آنے جانے کے کئی غیر روایتی راستے بھی ہیں۔یہاں نگرانی کا چیلنج سیکورٹی ایجنسیوں کے سامنے زیادہ ہے،ضلع کی بڑھنی سرحد پر نگرانی سخت ہے۔انتخابات میں کسی طرح کی رکاوٹ نہ ہو اس کے لئے ایجنسیاں مستعدی سے کام کر رہی ہیں۔سرحد پر اپنی مرضی کے علاوہ سیول پولیس، ایس ایس بی اور دیگر کئی انٹیلی جنس ایجنسیاں نگرانی کر رہی ہیں،سب مکمل طور محتاط ہیں۔ہند- نیپال کی کھلیں ہوئی سر حد ہے سے روزمرہ ہزاروں کی تعداد میں لوگوں کی بے روک ٹوک نقل و حرکت ہے۔