بھٹکل میں ایئر پورٹ تعمیرکرنے کے لئے ہائی کورٹ میں پی آئی ایل

Source: S.O. News Service | By Shahid Mukhtesar | Published on 6th March 2019, 12:30 PM | ساحلی خبریں | ان خبروں کو پڑھنا مت بھولئے |

بھٹکل 6؍مارچ (ایس او نیوز) بنگلورو ہائی کورٹ میں ایک عوامی مفاد کی عرضی (پی آئی ایل) داخل کرتے ہوئے مطالبہ کیاگیا ہے کہ بھٹکل میں ہوائی اڈے کی تعمیر کے لئے مرکزی حکومت کی وزارت شہری ہوابازی کو ہدایات جاری کی جائیں۔

کاروار تعلقہ کے مادی باغ کے رہنے والے سنجے ریوینکرکی عوامی مفاد کی عرضداشت قبول کرتے ہوئے عبوری چیف جسٹس ایل نارائن سوامی اور جسٹس پی ایس دنیش کی ڈیویژن بینچ نے مرکزی وزارت شہری ہوابازی سمیت مدعاعلیہ کے طور 8افرادکو نوٹس جاری کیا ہے، اور 2ہفتوں کے اندر اس تعلق سے جواب داخل کرنے کو کہا ہے۔

مدعی نے اپنی پی آئی ایل میں دعویٰ کیا ہے کہ سیاحت کے فروغ کے لئے ہر طرح کی سہولت موجود رہنے والے بھٹکل شہر میں ہوائی اڈے کی تعمیر بہت ہی ضروری ہے۔اس کے علاوہ اس درخواست میں مطالبہ کیا گیا ہے کہ گوا کے مڈگاؤں سے بنگلورو کے درمیان کارواراور بی سی روڈ کے راستے سے گزرنے والی رات کی ٹرین سروس شروع کرنے کے لئے بھی ہدایات جاری کی جائیں۔عرضی گزار کے لئے ایڈوکیٹ آر جی کولّے نے عدالت میں پیروی کی ہے۔

ایک نظر اس پر بھی

اگر آپ عزت دار ماہی گیر ہیں تو آننت کمار ہیگڈے کو ہرگز ووٹ نہ دیں؛ بھٹکل میں ماہی گیروں سے پرمود مدھوراج کی اپیل

اگر آپ عزت دار ماہی گیر ہیں تو  آپ کو چاہئے کہ  ماہی گیروں کی پرواہ نہ کرنے والے بی جے پی اُمیدوار آننت کمار ہیگڈے  کو ہرگز ووٹ  نہ دیں۔ ملپے سے نکلی سات ماہی گیروں پر مشتمل بوٹ لاپتہ ہوکر  پانچ ماہ ہوچکے ہیں مگر مرکزی وزیر آننت کمار ہیگڈے کو ماہی گیروں کی پرواہ ہی نہیں ہے۔ ...

منگلورو میں ایک عجیب سانحہ۔بوتھ کے آخری ووٹر نے ووٹ دینے کے بعد لی آخری سانس

پاجیرو گاؤں کے پانیلا میں ایک شخص نے پولنگ بوتھ میں اپنا ووٹ ڈالنے کے بعد گھر لوٹتے ہی دم توڑ دیا۔پانیلا کے رہنے والے والٹر ڈیسوزا(۴۰سال) گردے کی بیماری میں مبتلا تھاجس کے لئے وہ بہت عرصے سے زیرعلاج تھا۔

دو مراحل میں ایس پی۔بی ایس پی اور کانگریس ’ صفر‘: یوگی

اتر پردیش کے وزیر یوگی آدتیہ ناتھ نے جمعہ کو کہا کہ لوک سبھا انتخابات کے لئے ووٹنگ کے اختتام پذیر ہو چکے دو مراحل میں ایس پی، بی ایس پی اور کانگریس ’ صفر‘ رہی ہیں۔ یوگی نے سنبھل میں ایک جلسہ عام میں کہا کہ ووٹنگ کے دو مرحلے ہو چکے ہیں۔ بی جے پی کو سب سے زیادہ ووٹ ملے ہیں۔ انہوں نے ...

لوک سبھا انتخابات: کیا اُترکنڑا میں انکم ٹیکس کے مزید چھاپے پڑنے والے ہیں؟

پارلیمانی الیکشن کے پس منظر میں محکمہ انکم ٹیکس اور انتخابی نگراں اسکواڈ کی طرف سے مختلف ٹھکانوں پر جو چھاپے مارے جارہے ہیں، اس تعلق سے خبر ملی ہے کہ ضلع شمالی کینرا میں مزیدکئی سیاسی لیڈروں اورتاجروں کے ٹھکانوں پر چھاپے پڑنے والے ہیں۔