نئی دہلی ،20؍اپریل (ایس او نیوز؍ آئی این ایس انڈیا )ایک سیٹوں پر ٹی ایم سی کے امیدوار بغیر لڑے ہی الیکشن جیت گئے، جبکہ 19پنچایت کمیٹیوں میں سے 14پر ٹی ایم سی امیدواروں کو بلامقابلہ فاتح قرار دے دیا گیا۔مرشدآباد میں بھی ٹی ایم سی نے 30 پنچایت کمیٹیوں میں سے29پربلامقابلہ کامیابی حاصل کی۔بھرت پور میں ٹی ایم سی نے 21پنچایت کمیٹیوں کی سٹیوں پر کامیابی حاصل کی ہے۔وہیں بردوان میں بھی ممتا بنرجی کی پارٹی کو تمام 39پنچایت کمیٹیوں کی سیٹ پر یکطرفہ کامیابی ملی تھی۔پہلے سے طے شدہ پروگرام کے مطابق پنچایتی انتخابات ایک، تین اور پانچ مئی کو تین مراحل میں کرائے جانے تھے۔جس میں پرچہ نامزدگی داخل کرنے کی آخری تاریخ9اپریل تھی،جب کہ کمیشن نے اس کی مدت10اپریل تک کے لیے بڑھادی تھی۔اس کے بعدہائی کورٹ نے12اپریل کو تمام طرح کے انتخابی عمل پر 16اپریل تک روک لگا دی اور کمیشن سے تفصیلی رپورٹ طلب کی تھی۔اس سے پہلے مغربی بنگال کی وزیر اعلی ممتا بنرجی نے سی پی ایم، کانگریس اور بی جے پی پر ریاست میں پنچایت انتخابات عمل میں جان بوجھ کر تاخیر کرنے کا الزام لگایا۔انہوں نے کہا تھاکہ سی پی ایم، کانگریس اور بی جے پی تین بھائی ہیں جو نئی دہلی میں ایک کردار ادا کرتے ہیں اور مغربی بنگال میں دوسرا۔وہ بے بنیاد خبریں اور افواہ پھیلا رہے ہیں اور بنیادی طور پر ٹیلی ویژن شو پر اپنے چہرے دکھانے کے لئے یہ سب کرتے ہیں۔