بیدر شاہین ادارہ جات میں ملک گیر سطح پرشروع کئے گئے حفظ القُرآن پلس کورس میں حفاظ طلباء کے داخلے جاری ؛ حفاظ کرام توجہ دیں

Source: S.O. News Service | By I.G. Bhatkali | Published on 18th May 2017, 3:20 PM | ریاستی خبریں | ملکی خبریں |

بیدر۔19؍مئی(ایس او نیوز/محمدامین نواز ) بیدر کا معروف تعلیمی ادارہ شاہین ادارہ جات  میں  ملک گیر سطح پر 12تا 17سال کے حفاظ کرام کیلئے عصری تعلیم کے حصول کا 4سالہ انٹی گریٹیڈ کورس حفظ القرآن پلس کے نام سے شروع کیا گیا ہے جس کے ذریعے حفاظ کرام کو عصری تعلیم سے ہمکنار کیاجارہا ہے۔ اس تعلق سے پریس کانفرنس کا انعقاد کرتے ہوئے  شاہین ادارہ جات کے سکریٹری جناب ڈاکٹر عبدالقدیر نے بتایا کہ  اس کورس کے ذریعہ حفاظ کرام ،   ڈاکٹر ، انجینئر، لکچرر، ٹیچر ، مینجمنٹ کے ماہر گریجویٹ اور دیگر کورسیس میں مسابقتی امتحانات NEET-IIT JEEوغیرہ کے ذریعہ داخلے لے سکتے ہیں۔

انہوں نے کہا کہ  یہ چارسالہ کورس چار مرحلوں پر مشتمل ہے فاؤنڈیش کورس (6ماہ ) جس میں انگریزی ، ہندی لکھنے اور پڑھنے کے علاوہ حساب کی بنیادی تعلیم کی تربیت دی جاتی  ہے‘ برج کورس (6ماہ ) جس میں جماعت دہم کی اہلیت کیلئے بنیادی سائنس ،ریاضی ، انگریزی اور زبانوں کی قواعدسکھائے جاتے ہیں ‘ جماعت دہم (ایک سال ) جس میں میں اعلیٰ نشانات سے کامیاب کرنے کی مکمل تیاری کرائی جاتی ہے ۔ا سکے بعد جونئیر کالج (2سال ) بارہویں کلاس کے ساتھ مسابقتی امتحان کی تیاری کی جاتی ہے ۔ انھو ں نے کہا کہ الحمد اﷲیہ کورس گذشتہ پانچ سالوں سے شاہین اسکول وکالج بیدرکرناٹک میں نہایت کامیابی کے ساتھ چل رہاہے، عصری تعلیم سے نا بلد کئی حفاظ تین تا چار سال کی قلیل   مدت میں Xthاور XI & XII)  +2) سائنس سے پاس کرتے ہوئے میڈیکل ، انجینئرنگ ،مینجمنٹ، بی یس سی سائنس گرایجویٹ، وغیرہ ڈگری کورس میں داخلے لے چکے ہیں۔انھوں نے کہا کہ ملک بھر کے معروف ، علماء کرام ماہرین تعلیم ، دانشور حضرات اس پروگرام کی سرپرستی ،تائید وستائش کررہے ہیں اور انکی خواہش ہے کہ اس پروگرام کو عالم کے کونے کونے میں متعارف کرایا جائے۔

 الحمداﷲایسے ہی چند فکر مند حضرات مندرجہ ذیل مقامات پر اس پروگرام کا آغاز کرر ہے ہیں۔ جہاں حفاظ کے داخلے جاری ہیں ۔داخلے کے خواہشمند حفاظ ملک بھر میں اپنے قریبی مرکز سے مستفید ہوسکتے ہیں ۔

زیب اکاڈیمی کولکتہ موبائیل نمبر09331037356‘حنیفہ انگلش میڈیم اسکو ل جھرولا بورسد موبائیل نمبر09722760730‘مدرسہ تجوید القُرآن آزاد مارکیٹ دہلی فون نمبر011-23620889‘مدرسہ المعہد الاسلامی دہلی موبائل نمبر 09810011414‘دارالعلوم عربیہ اسلامیہ جودھپور راجستھان 09636287006‘مدرسہ تحفیظ القُرآن پٹنہ (بہار)موبائیل نمبر09504318932‘الحفیظ ایجوکیشنل اکاڈیمی سہسوان ضلع بداؤن (اُتر پردیش )موبائیل نمبر09997060339‘دارالعلوم قاسمیہ ٹرسٹ ممبئی موبائیل نمبر09819646928‘مامون نیشنل اسکول میماری ضلع بردہا مان( مغربی بنگال) موبائیل نمبر09434022706‘صُفہ اسکول مظفر نگر (اُتر پردیش) موبائل نمبر 09410473481‘ویژن انٹر نیشنل اکاڈیمی پھلت مظفر نگر (اُتر پردیش) موبائیل نمبر09760214596 ہیں ۔

ڈاکٹر عبدالقدیر نے علماء کرام اور مدارس کے ذمہ داران و اساتذہ کرام سے گذارش کی ہے کہ وہ زیادہ سے زیادہ حفاظ کو اس پروگرام سے متعارف کرائیں ۔خطیب حضرات سے انہوں نے گذار ش کی  کہ وہ خطبہ جمعہ کے موقع پر اس پروگرام کا اعلان کریں۔انھوں نے کہا کہ ملک کے کسی بھی ریاست سے تعلق رکھنے والے جماعت دہم پی یو سی (بارہویں) سائنس سے پاس حفاظ کیلئے بیدر سنٹر میں خصوصی بیاچ کا انتظام کیا جارہا ہے خواہشمند حفاظ بذریعہ ای میل [email protected] رابطہ کرسکتے ہیں۔online رجسٹریشن داخلے بھی جاری ہیں‘ انشاء اللہ رمضان کے فوری بعد تمام مراکز میں کلاسیس کا آغاز عمل میں آئے گا۔

انھوں نے کہا کہ حفظ القُرآن پلس کے ملک بھر میں مُختلف مراکز پر الگ الگ فیس مقرر ہے لیکن غریب و مستحق حفاظ کیلئے100فیصد تک فیس میں رعایت دی جارہی ہے۔جناب ڈاکٹر عبدالقدیر نے حفظ القُرآن پلس کے نئے مراکز قائم کرنے کے خواہشمند سے اس نمبر09341111560پر رابطہ کرنے کی بات کہی اور کہا کہ اس ضمن میں بھر پور رہنمائی کی جائے گی۔اور وہ حضرات جو اس پروگرام کی مزید تفصیلات حاصل کرنا چاہتے ہیں بیدر مرکز کے مشاہدے کیلئے بیدر تشریف لاسکتے ہیں ۔انھوں نے خصوصی طورپر بتایا کہ کرناٹک کے معروف غوثیہ کالج آف انجینئرنگ رام نگرم نے10حفاظ کیلئے مفت داخلہ معہ قیام و طعام دینے کا اعلان کیا ہے۔

انہوں نے  عوام الناس سے بھی اپیل کی کہ وہ بھی  حافظ قران کو اس خبر کے متعلق معلومات فراہم کریں۔ اُن کی رہنمائی فرمائیں اور اگر کوئی  کسی غریب حافظ قران کی کفالت کرنے کے خواہشمند ہوں تو اس ای [email protected] پر رابطہ کریں۔*** 

ایک نظر اس پر بھی

میسورو:سرکاری ہال میں سیمینارکے دوران بیف کھانے پر تنازعہ 

چارواک سوشیل اینڈ کلچرل ٹرسٹ کے زیر اہتمام کلامندر میسورو کے مانیانگلا ہال میں 145Food Habits and Freedom of Expression146 کے عنوان سے جو سیمینار منعقد کیا گیا تھااس کے دوران اسٹیج پر بیف کھانے اور کھلانے کی وجہ سے ہندتووادی تنظیموں کی طرف سے اعتراضات اور مذمت کے ساتھ ایک نیا تنازعہ کھڑا ہوگیا ...

ایس ڈی پی آئی کے علاقائی صدر اشرف کے قتل میں ملوث 5ملزمین گرفتار۔۔قاتلوں اور سنگھی لیڈرپربھاکربھٹ کے رابط !۔۔قتل کا مقصدفرقہ وارانہ فساد بھڑکانہ تھا!!

انسپکٹر جنرل آف پولیس پی ہری شیکھرن کے بیان کے مطابق بنٹوال کے بینجن پدوی میں گزشتہ حال ہی میں ہوئے ایس ڈی پی آئی کے علاقائی صدر محمداشرف کلائی کے قتل میں ملوث 5ملزمین گرفتارکیا گیا ہے۔

109؍ کروڑ کا دھوکہ، کلرک اور آڈٹ افسر ملزم

بروہت بنگلور مہانگر پالیکے(بی بی یم پی) کو جعلی بل ا ور دستاویزات منسلک کرکے 109؍ کروڑ روپیوں کا دھوکہ دینے پر انفراسٹرکچر ڈیولپمنٹ محکمہ کے فرسٹ ڈویژن کلرک ماینا اور محکمہ آڈٹ کے افسر ناگراج کارنت کے خلاف السور گیٹ پولیس تھانہ میں ایف آئی آر درج کی گئی ۔

کرناٹک کا دیرینہ خواب شرمندۂ تعبیر بنگلور شہر اسمارٹ سٹی کی فہرست میں شامل

بشمول راجدھانی بنگلور ملک کے 30؍شہروں کو مرکزی حکومت نے اسمارٹ سٹی کے طورپر ترقی دینے کے لئے منتخب کرلیاہے۔ مرکزی وزیر برائے شہری ترقیات وینکیا نائیڈونے آج اس کا اعلان کرتے ہوئے کہاکہ مرکزی اسمارٹ سٹی اسکیم کے تحت ان 30؍شہروں کو ترقی دی جائے گی۔

جلد25وزارتیں اور محکمے ای۔ آفس میں بدل جائیں گے:ڈاکٹر جتیندر سنگھ

عملہ ،عوامی شکایت اور پنشن محکمہ (ڈی اے آرپی جی)کی جانب سے اٹھائے گئے اقدامات سے 25وزارتیں اور محکمے اس مہینے کے آخر تک ای۔ آفس میں بدل جائیں گے۔محکمہ کے وزیر مملکت ڈاکٹر جتیندر سنگھ منگل کو یہاں کہا کہ ای-فائلوں کی تعداد میں 6000فیصد اضافہ ہوا ہے۔

امرناتھ یاترا پر دہشت گردانہ سایہ، گرینیڈ سے ہو سکتا ہے حملہ!

29جون سے شروع ہونے والی شری امرناتھ یاترا کو لے کر انٹیلی جنس رپورٹ سامنے آئی ہے کہ دہشت گرد ناخوشگوار واقعہ کو انجام دینے کی فراق میں لگے ہیں۔سیکورٹی ایجنسیوں کے سامنے امرناتھ یاترا کو بحفاظت کرانا بڑا چیلنج ہے۔