ہیماوتی اور یتنا ہولے پراجکٹوں کے لئے اراضی پر قبضہ، اراضی مالکوں کو معاوضہ جلد ادا کرنے کمار سوامی کی ہدایت

Source: S.O. News Service | By Shahid Mukhtesar | Published on 10th January 2019, 2:23 PM | ریاستی خبریں |

بنگلورو 9جنوری (ایس او نیوز) ہیماوتی اور یتینا ہولے آبپاشی پراجکٹ کے لئے جتنی زمین اکوائر کی جائے گی اس کے مالکوں کو معاوضے کی فراہمی جلد کرنے کی وزیر اعلیٰ ایچ ڈی کمارسوامی نے افسروں کو ہدایت دی ہے۔

آج اس سلسلے میں محکمے کے افسروں کے ساتھ ایک جائزہ میٹنگ کے دوران کمار سوامی نے کہا کہ ہاسن ضلع میں ہیماوتی پراجکٹ کے دائرے میں آنے والے ہیماوتی اور یگ چی آبی ذخائر کے لئے 2228 فریقوں سے زمین اکوائر کی گئی ہے۔ان لوگوں کو 350کروڑ روپیوں کی رقم ادا کرنا باقی ہے۔ انہوں نے کہاکہ جن لوگوں نے زمین دینے سے انکار کرتے ہوئے عدالت سے رجوع کیا ہے ان کے معاوضے کی رقم عدالت میں جمع کرادی جائے گی۔ باقی لوگوں کو رقم کی فراہمی بلاتاخیر کی جائے۔ عدالتی تنازعے کا شکار ہونے والی زمین کے عوض 94.28 کروڑ روپیوں کی رقم عدالت میں جمع کرادی جائے گی۔

انہوں نے کہاکہ معاوضے کی تقسیم میں کسی طرح کا امتیاز نہ ہو اس کے لئے سرویئرس کی خصوصی ٹیم تشکیل دی گئی ہے تاکہ ایک بار پھر وہ رقبے کا جائزہ لے کر حکومت کو رپورٹ پیش کریں۔ انہوں نے کہاکہ اراضی اکوائر کرنے کے لئے حکومت نے 2013میں جن ضوابط کی ترتیب دی ہے، اس کے مطابق معاوضے کا تعین کیاگیا ہے۔ جہاں پر لوگوں کو معاوضے کی رقم کم لگتی ہے، حکومت نے وہاں پچھلے دو سال کے دوران زمین کی قیمت ، یہاں پر زمین کو فراہم آبپاشی سہولت اور دیگر بنیاد پر معاوضے پر نظر ثانی کے لئے بھی تیار ہے۔ اس سلسلے میں محکمۂ مالگزاری کو ہدایت بھی دی گئی ہے۔اس کے ساتھ ہی ریاست کے اڈوکیٹ جنرل ادے ہولا کو ہدایت دی گئی ہے کہ اس کے لئے ایک ایسا ضابطہ وضع کیا جائے جس سے اراضی مالکوں کو سہولت ہو۔

یتنا ہولے آبپاشی پراجکٹ کے تحت اراضی اکوائر کرنے کے لئے لینڈ اکویزیشن افسر کے مخلوعہ عہدے کو جلد پر کرنے کا تیقن دیتے ہوئے کمار سوامی نے کہا کہ اس افسر کے تقرر کے ساتھ ہی پراجکٹ کے لئے درکار زمین حاصل کرنے کے عمل کو بھی تیزی سے آگے بڑھایا جائے گا۔ میٹنگ میں وزیر برائے تعمیرات عامہ ، ایچ ڈی ریونا، کولار کے رکن اسمبلی کے سرینواس گوڈا، ہاسن کی ڈپٹی کمشنر روہنی سندوری ، محکمۂ پارلیمانی امور کے سکریٹری وینکٹ رام ، لاء سکریٹری سرینواس ، وزیر اعلیٰ کے پرنسپل سکریٹری ای وی رامنا ریڈی وغیرہ موجود تھے۔

ایک نظر اس پر بھی

ہندو لیڈر سورج نائک سونی نے اننت کمار ہیگڈے کو کہا،مودی حکومت کا داغدار وزیر؛ اُس کی مخالفت میں کام کرنے کے لئے نوجوانوں کی ٹیم تیار

ضلع شمالی کینرا میں ایک نوجوان ہندو لیڈر کے طور پر اپنی پہچان رکھنے والے کمٹہ کے سورج نائک سونی نے اخباری کانفرنس سے خطاب کرتے ہوئے کہا کہ’’ وزیر اعظم نریندر مودی کی قیادت میں چل رہی مرکزی حکومت میں اننت کمار ہیگڈے کی حیثیت ایک داغداروزیر کی ہے۔ اور ایسا لگتا ہے کہ انہیں ...

کرناٹک میں نوٹیفکیشن کے پہلے دن 6؍امیداروں کی نامزدگیاں داخل 

ریاست میں لوک سبھا الیکشن کے پہلے مرحلہ میں 14؍سیٹوں پر 18؍اپریل کو ہونے والے الیکشن کے لئے پرچہ نامزدگی کرنے کا آغاز ہوگیا ۔ پہلے دن چار حلقوں میں6؍ امیدواروں کی جانب سے 11؍ مزدگیاں داخل کئیں۔ یہ اطلاع ریاستی الیکشن افسر سنجیو کمار نے دی۔

بنگلورو کے تینوں پارلیمانی حلقوں میں ڈی سی پیز کی زیرنگرانی سخت بندوست لائسنس یافتہ 7؍ہزار ہتھیارات تحویل میں :پولیس کمشنر ٹی۔ سنیل کمار

پولیس کمشنر ٹی۔ سنیل کمار نے بتایا کہ بنگلور سنٹرل ،بنگلور نارتھ اور بنگلور ساؤتھ لوک سبھا حلقوں میں ہونے والے پارلیمانی انتخابات کے لئے ڈپٹی کمشنر آف پولیس (ڈی سی پی) سطح کے پولیس افسروں کی نگرانی میں پولیس کا سخت بندوبست کیاگیا ہے۔

کرناٹک میں انتخابات متحد ہوکر لڑنے کانگریس جے ڈی ایس کا فیصلہ 

اگلے لوک سبھا انتخابات کی تیاریوں کے درمیان کانگریس اور جے ڈی ایس کو مقامی سطحوں پر جن مشکلوں کاسامنا کرنا پڑرہاہے ان سے نپٹنے اور متحد ہوکر انتخابات لڑنے کے ساتھ ریاست میں زیادہ سے زیادہ سیٹوں پر کامیابی حاصل کرنے کے لیے آج کانگریس اور جے ڈی ایس قائدین کااعلیٰ سطحی اجلاس ہوا۔ ...

دھارواڑمیں زیر تعمیر عمارت گر گئی ، 2افراد ہلاک ، کئی زخمی 

دھارواڑ میں زیر تعمیر 5منزلہ عمارت بیٹھ گئی جس کے سبب 2افراد ہلاک اورکئی افراد کے زخمی ہونے کی اطلاع ملی ہے ۔ اس حادثے میں سلیم مکاندار (28)ہلاک ہوگئے ہیں ۔ دھارواڑ کے کمار میشورنگر میں زیر تعمیر کامپلکس گرگیا۔ ملبے کے نیچے دبے ہوئے افراد کو باہر نکالنے کے لیے محکمۂ پولیس ، فارئر ...