حرا گولڈ سے سیاست دان بننے والی ایم ای پی چیف نوہیرا شیخ پر دھوکہ دہی کے الزامات۔پولیس میں شکایت درج

Source: S.O. News Service | By Shahid Mukhtesar | Published on 17th May 2018, 5:20 PM | ریاستی خبریں | ملکی خبریں |

بنگلورو17؍مئی (ایس او نیوز) ’حرا گولڈ ‘انویسٹمنٹ کمپنی سے نام و شہرت پانے کے بعد اچانک ’مہیلا ایمپاورمنٹ پارٹی ‘ بناکر سیاسی میدان میں قدم رکھنے والی ڈاکٹر نوہیرا شیخ اب دھوکہ دہی کے الزامات کے ساتھ اخباروں کی سرخی میں آگئی ہیں۔

ایک  انگریزی اخبار کی رپورٹ کے مطابق کرناٹک اسمبلی انتخابات میں ایم ای پی کا امیدوار بنانے کے نام پر پیسے وصول کرنے ، امیدواروں سے بلینک چیکس حاصل کرنے اور وعدے کے مطابق انتخابی اخراجات کے لئے رقم فراہم نہ کرنے کے الزامات ایم ای پی کی قومی صدر نوہیرا شیخ پر لگائے گئے ہیں۔ بعض امیدواروں نے پولیس اسٹیشن میں باقاعدہ شکایتیں درج کروائی ہیں تو بعض نے کہا ہے کہ پارٹی کے ذمہ داروں نے دوچار دنوں میں اس مسئلے کو حل کرنے کا وعدہ کیا ہے اس لئے وہ کچھ دن کے لئے خاموش ہیں ، اور اگر یہ وعدہ پورا نہیں ہوتا ہے تو پھر وہ بھی اگلے اقدامات کرنے والے ہیں۔

ایم ای پی کے امیدواروں کے سلسلے میں عام رائے تو یہ تھی کہ نوہیرا شیخ نے بی جے پی کے ساتھ اندرونی سازش کے تحت اس طرح کا سیاسی کھیل شروع کیا ہے۔ اس لئے کئی مقامات پر اس پارٹی کی تشہیری مہم کو مقامی لوگوں نے آگے بڑھنے نہیں دیا۔ الیکشن کے بعد نتائج میں بھی اس پارٹی کی کوئی کارکردگی سامنے نہیں آئی۔ البتہ امیدواروں کا کہنا ہے کہ نوہیرا شیخ اور پارٹی کے دیگر ذمہ داروں نے وعدہ کیا تھا کہ انہیں الیکشن کمیشن کی طرف سے طے شدہ اخراجات کی حد کے مطابق 28لاکھ روپے پارٹی کی طرف سے فراہم کیے جائیں گے۔مگر شروعات میں امیدواروں سے ہی لاکھوں روپے کی رقم لی گئی اور بعض لوگوں سے بلینک چیکس بھی لیے گئے۔امیدواروں نے ڈاکٹر نوہیرا اور اس پارٹی کے دیگر ذمہ داران کے بھروسے پراپنی جمع پونجی سے یا پھر قرضے لے کر انتخابی اخراجات برداشت کیے اور پارٹی نے ان کے ساتھ دھوکہ کرتے ہوئے پارٹی فنڈ سے ایک روپیہ بھی انہیں فراہم نہیں کیا۔

ایم ای پی کی اسٹیٹ ایڈوائزری کمیٹی کی رکن وندنا جین کا کہنا ہے کہ ’’میڈم(نوہیراشیخ) نے کسی بھی امیدوار کو فنڈفراہم کرنے کا وعدہ نہیں کیا تھا۔ صرف انتخابی تشہیر کے لئے ضروری اشیاء فراہم کرنے کا وعدہ کیا گیا تھا۔انہوں نے بلینک چیکس بھی کسی سے نہیں لیے ہیں۔ امیدواروں سے جو رقم لی گئی تھی، وہ ٹکٹ اور بی فارم دینے کے لئے تھی۔‘‘

جبکہ اس کے برعکس پارٹی کے ایک اور مشیر کا کہنا ہے کہ’’ امیدواروں نے رضاکارانہ طورپر ٹکٹ کے لئے رقم دی تھی۔ ہم نے کسی کو بھی پارٹی فنڈ دینے کا  وعدہ نہیں کیا تھا۔ بلینک چیکس امیدواروں سے اس لئے حاصل کیے گئے تھے کہ وہ کسی اور پارٹی میں شامل نہ ہوجائیں۔ ہم نے وہ چیکس استعمال بھی نہیں کیے۔ امیدواراپنے چیکس پر ادائیگی رکوا بھی سکتے ہیں۔‘‘ایم ای پی کے کچھ لیڈران پر امیدواروں کو ڈرانے اور دھمکانے کے بھی الزامات لگائے جارہے ہیں۔

اس دوران جیون بیمہ نگر پولیس کا کہنا ہے کہ ایم ای پی کی نوہیرا شیخ اور دیگر افراد کے خلاف دھوکہ دہی کے الزامات میں آئی پی سی کی مختلف دفعات کے تحت مقدمہ درج کرلیا گیا ہے اور پولیس اس معاملے کی چھان بین کررہی ہے۔شکایت کنندگان کے اکاؤنٹ کی تفصیلات بھی دیکھی جارہی ہیں ۔ جس کے بعد مناسب کارروائی کی جائے گی۔

ایک نظر اس پر بھی

کانگریس تشہیری کمیٹی کے نئے صدر ایچ کے پاٹل نے عہدہ کا جائزہ لے لیا ملک کواچھے دن کا وعدہ کرکے اقتدار پرآئی بی جے پی کے لیڈروں نے ملک کوبے روزگاروں کا مرکز بنا دیاہے:وینو گوپال

سابق ریاستی وزیر ایچ کے پاٹل نے آج کرناٹک پردیش کانگریس تشہیری کمیٹی کے صدر کی حیثیت سے عہدہ کاجائزہ لے لیا ۔

بی جے پی کوابھیشک منوسنگھوی نے کہا ، کرناٹک میں کھلواڑہوتاتوقانونی منصوبہ تیارتھا

کرناٹک کے تازہ سیاسی واقعات کے پس منظر میں کانگریس کے سینئر لیڈر ابھیشیک منو سنگھوی نے جمعرات کو کہا کہ اگر بی جے پی ریاست کی مخلوط حکومت کو غیر مستحکم کرنے کے لیے اپنے ’آپریشن لوٹس‘پر آگے بڑھتی تو اس کومنہ توڑجواب دینے کے لیے کانگریس نے منصوبہ تیار کر رکھا تھا۔

مالیگاؤں 2008ء بم دھماکہ معاملہ، بم دھماکوں میں زخمی ہونے والے دو افراد نے گواہی دی، دفاعی وکلاء عدالت سے غیر حاضر ، جرح اگلے ہفتہ متوقع

مالیگاؤں ۲۰۰۸ء بم دھماکہ معاملے میں سماعت روز بہ روز جاری ہے ، آج اس معاملے میں بم دھماکوں میں زخمی ہونے والے دو افراد کی گواہی عمل میں آئی

مثبت فکر اورتوانائی سے ملک کی ترقی ہوتی ہے:ارون جیٹلی 

مودی حکومت کے ناقدین کو بات بات پر احتجاج کرنے والا بتاتے ہوئے وزیر خزانہ ارون جیٹلی نے جمعرات کو ان پر جھوٹ گھڑنے اور ایک منتخب حکومت کو کمزور کرکے جمہوریت کو برباد کرنے کا الزام لگایا۔ طبی معائنہ کے لیے امریکہ دورہ پر گئے ارون جیٹلی نے ایک فیس بک پوسٹ میں کہا کہ اظہار رائے کی ...

عد لیہ نے مہاراشٹر میں ڈانس بار پر پابندی لگانے والی کئی تجاویزمستردکیں 

سپریم کورٹ نے مہاراشٹر میں ڈانس بار کے لئے لائسنس اور اس کاروبار پر پابندی لگانے والے کچھ تجاویز جمعرات کومنسوخ کردیئے۔ جسٹس اے کے سیکری کی صدارت والے بنچ نے مہاراشٹر کے ہوٹل، ریستوران اور بار ہاؤس میں فحش رقص پر پابندی اورعورتوں کے وقار کی حفاظت سے متعلق قانون 2016 کے کچھ دفعات ...