کورگ میں تازہ موسلادھار بارش سے عوام میں دہشت

Source: S.O. News Service | By Shahid Mukhtesar | Published on 6th October 2018, 9:47 PM | ریاستی خبریں | ان خبروں کو پڑھنا مت بھولئے |

بنگلورو،6؍اکتوبر(ایس او نیوز) گزشتہ ماہ موسلادھار بارش ، تباہ کن سیلاب اور زمین کھسکنے کے واقعات سے بدحال کورگ ضلع میں ایک بار پھر موسلادھار بارش کا سلسلہ چل پڑا ہے۔ محکمۂ موسمیات نے پیشین گوئی کی ہے کہ ضلع میں آنے والے 48 گھنٹوں کے دوران بارش کا یہ سلسلہ اور شدت اختیار کرسکتاہے۔ کورگ ضلع کے مرکیرہ ، ویراج پیٹ اور سوموار پیٹ میں بارش کی شدت محسوس کی گئی۔ ویراج پیٹ میں بارش کے سبب بجلی کا نظام درہم برہم ہوگیا۔ گزشتہ ماہ طوفان ، سیلاب اور زمین کھسکنے کے واقعات سے تباہ ہونے کے بعد ابھی یہ علاقے سنبھلنے بھی نہیں پائے ہیں کہ بارش کا سلسلہ دوبارہ چل پڑا ہے۔ یہاں کے 32 دیہاتوں میں زمین کھسکنے سے متاثرہ لوگوں کو محفوظ مقامات پر منتقل کرنا پڑا تھا، اب دوبارہ بارش شروع ہونے کے سبب ان کا مستقبل پھر خطرے میں نظر آنے لگاہے ۔زمین کھسکنے کے واقعات سے گھاٹ سیکشن کے سڑکوں کی بڑے پیمانے پر مرمت کی گئی تھی۔موسلادھار بارش کی وجہ سے ایک بار پھر یہاں زمین کھسکنے کے خدشے ظاہر کئے گئے ہیں۔ بارش شروع ہوتے ہی اس علاقے میں ٹریک بھی رک گئی ہے، خاص طور پر گھاٹ سیکشن کی ان پہاڑیوں اور ڈھلانوں کی طرف گاڑیوں کو جانے سے روک دیاگیا ہے جن میں دراڑیں پڑ چکی ہیں۔ ضلع بھر میں گزشتہ ماہ کی تباہی کے نتیجے میں اکھڑنے والے بجلی کے کھمبوں کی مرمت کا کام ابھی مکمل نہیں ہوا ہے اس دوران تازہ بارشوں نے یہاں کے لوگوں کو دہشت زدہ کردیاہے۔ بارش کی وجہ سے مرکیرہ کا بازار زیر آب آچکا ہے۔ اور تاجروں نے دہشت کے مارے اپنی تجارت کل ہی سے بند کردی ہے۔

ایک نظر اس پر بھی

امبیڈنٹ گھوٹالہ پر پردہ ڈالنے کی منظم سازش گھپلہ باز وجئے تا تا کو بچانے میں سینئر پولیس افسرملوث :ویدیکے

امبیڈنٹ چٹ فنڈ کمپنی کے گھوٹالہ معاملہ پر پردہ ڈالنے کی منظم کوشش ہورہی ہے ۔ حکومت کرپٹ سیاستدانوں کو بچانے کیلئے امبیڈنٹ سے دھوکہ کھائے متاثرین کے ساتھ ناانصافی کررہی ہے۔

ریاست کرناٹک میں پلاسٹک پر پابندی سے تمام اقتصادی شعبہ جات متاثر

یاست کرناٹک اور خاص طور پر بنگلور شہر میں پلاسٹک پر پابندی کے اقدام کو حکام اور افسران کی طرف سے پوری شدت کے ساتھ نافذ کیا جا رہا ہے اور اس کی وجہ سے پلاسٹک کا کاروبار کرنے والے افراد خاص طورپر بہت ہی زیادہ متاثر ہو رہے ہیں۔

بی جے پی سیاسی فائدہ کی خاطر ایوان میں غیر ضروری معاملے نہ اٹھائے :ضمیر احمد خان وقف بورڈ میں دھاندلیوں کاجائزہ لینے حکومت نے کوئی کمیٹی تشکیل نہیں دی۔مانپاڑی کمیٹی غیر قانونی

ریاستی وزیر برائے امور اقلیت ، اوقاف اور حج بی زیڈ ضمیر احمد خان نے آج ریاستی قانون ساز کونسل میں کہا کہ بشمول شمالی کرناٹک ریاست کی ترقی اور مسائل پر بحث و مباحثہ کے لئے بیلگاوی اسمبلی سیشن منعقد کیا گیا ہے ۔

بھٹکل کے مرڈیشور میں دو لوگوں پر حملے کی پولس تھانہ میں دو الگ الگ شکایتیں

تعلقہ کے مرڈیشور میں کل جمعرات کو  دو لوگوں پر حملہ اور پھر جوابی حملہ کے تعلق سے آج مرڈیشور تھانہ میں دو الگ الگ شکایتیں درج کی گئی ہیں اور پولس نے دونوں پارٹیوں کی شکایت درج کرتے ہوئے چھان بین شروع کردی ہے۔