ہبلی دھارواڑ کے حسین اورپُر فضا مقام پر ’’اوشین پرل لگزورئیس ہیلتھی کاؤنٹی ریسارٹ کا خوبصورت افتتاح
ہبلی:27/ستمبر (ایس اؤنیوز)ہبلی دھارواڑ کے درمیان سنجیونی پارک کے سامنے ایک خوب صورت پُرفضا مقام پر ’’اوشین پرل کے لگزوررئیس ہیلتھی کاؤنٹی ریسارٹ کا دھارواڑ ضلع کے نگراں کاروزیر ونئے کلکرنی نے دیا سلائی کرتے ہوئے افتتاح کیا۔
افتتاح کے بعد خطاب کرتےہوئے موصوف وزیر نے ریسارٹ کے مالکان پردیپ پائی برادران اور پرموٹرس کو ہبلی دھارواڑ کے شہریوں کی تندورستی کی خاطر صحت مرکز کے قیام پر مبارکباد پیش کی ۔ انہوں نے کہاکہ ہبلی جیسے مقام پر یہ پہلا لگزورئیس ریسارٹ ہے ، کئی ہوٹلوں اور عمارات کی موجودگی کے باوجود اس طرح سہولیات سے آراستہ ہوٹل نہیں تھا جس کی کمی آج پوری ہوئی ہے۔ مزید کہا کہ ہبلی شہر سے ہی ایک چھوٹی سی ڈائری سے اپنے کاروبار کا آغا ز کرنےو الے پائی برادران نے کٹھن محنت کرتے ہوئے آج ترقی کے اس مقام پرپہنچے ہیں۔
پروگرام میں وی آر ایل کے چیرمن اور مینجنگ ڈائرکٹر ڈاکٹر وجئے شنکیشور نے ریسارٹ سے منسلک تمام مالکان کو مبارکبادی دیتے ہوئے کہاکہ پائی برادران پہلے دن سے سخت کوشش کرتے ہوئے تجارتی میدان میں آج ایک اہم سنگ میل کو پار کررہے ہیں۔
شری کرشنا ملکس پرائیویٹ لمیٹیڈ اور ہیانگو آئس کریم کے چیرمن پردیپ پائی نے اس موقع پر خطاب کرتے ہوئے کہاکہ ہم نے ہبلی دھارواڑ کے شہریوں کو دھیان میں رکھتے ہوئے مناسب اور موزوں جگہ کا انتخاب کرتے ہوئے اس ریسارٹ کو شروع کیا ہے ، ریسارٹ کے ذریعے اپنے مہمانوں کو بہتر سے بہتر سہولیات فراہم کرتے ہوئے انہیں صحت مند اورتنو مند بنانا ہمارا اہم مقصد ہے۔ بنگلورو اور گوا کے بعد برق رفتاری سے ترقی کی طرف گامزن ہبلی دھارواڑ جڑواں شہر کاانتخاب اس کی جغرافیائی حیثیت اور تاریخی شہر ہمپی سے قربت کو دیکھتے ہوئے اس لگزورئیس ریسارٹ کا قیام عمل میں لایاگیا ہے۔ جس کے لئے ہم نے اوشین پرل کے ساتھ ملحق ہیں۔
اوشین پرل کے نائب صدر بی این گریش نے تقریب میں مندوبین کو بتایا کہ ریسارٹ میں سماجی تقریبات اور شادی بیاہ کے لئے بہترین سہولیات حاصل ہیں۔ انہوں نے ریسارٹ کے متعلق جانکاری دیتے ہوئے کہاکہ ریسارٹ میں کل تین ریسٹورنٹ ہونگے ، جس میں سبزی خورمارواڑی قسم کا ’’ شرمان ‘‘،مختلف نوع کے کھانوں پر مشتمل ’’کورال‘‘ نامی ہوٹل ہوگا۔ اس کے علاوہ ہر طرح کے پروگراموں کے لئے ہال بھی دستیاب ہے۔ریسارٹ میں پریسڈنٹیل سوئٹس ، پرمیم رومس، فیاملی رومس اور اسٹانڈرڈ رومس ہونگے اور کھلا تھیٹر اور سوئمنگ پول بھی ہوگا۔ اس کے علاوہ اسپا، جمنازیم جیسی سہولیات بھی میسر ہیں۔
پروگرام میں رکن اسمبلی اروند بیلد، ایم ایل سی پردیپ شٹر، انفوسس کے رام داس کامت، جے آر بی اور سواگت رتنا کے چیرمن جئے رام بنان ،کامت گروپس آف ہوٹلس کے آر آر کامت ،بھٹکل کے اسلم بھالی سمیت کئی ایک شخصیات موجود تھیں۔ ہیانگوآئس کریم کے میجنگ ڈائرکٹر پردیپ پائی نے استقبال کیا تو منوہر پرساد نے نظامت کی۔ دوپہر 30-12 کے بعد پوجا پروگرام منعقد ہوا۔ پروگرام میں منگلورو،بھٹکل ، کمٹہ ، گوا، ممبئی ، ہبلی ، دھارواڑ سے ہزاروں لوگ شریک تھے۔ پروگرام کے بعد طعام کا انتظام تھا۔