بنگلورو2؍ستمبر(ایس او نیوز) وزیر اعلیٰ ایچ ڈی کمارسوامی نے کہا ہے کہ خراب صحت کی وجہ سے انہوں نے اب تک دیہاتوں میں قیام کا سلسلہ شروع کرنے کے متعلق کوئی فیصلہ نہیں کیا ہے۔

 اخباری نمائندوں سے بات چیت کرتے ہوئے انہوں نے کہاکہ ڈاکٹروں نے اگر انہیں اجازت دی کہ وہ دیہاتوں میں قیام کرسکتے ہیں تو وہ ضرور اپنے گرام واستویہ پروگرام کو دوبارہ شروع کریں گے۔

انہوں نے کہاکہ عہدیداروں کو انہوں نے یہ ہدایت نہیں دی ہے کہ ان کی جگہ وہ دیہاتوں میں قیام کریں ، بلکہ اتنا ضرور کہا ہے کہ دیہاتوں تک پہنچ کر عوام کو درپیش مسائل سے آگاہ ہوں اور انہیں سلجھانے کی کوشش کریں۔

کمار سوامی نے کہاکہ انہوں نے طے کیا ہے کہ ہفتے میں چار دن وہ ہر محکمے کی پیش رفت کا جائزہ لیتے رہیں گے اور اعلیٰ افسروں سے ملاقات کرکے عوام کو درپیش مسائل کو سلجھانے کی کوشش کریں گے۔