نام نہاد’ دھرم سنسد ‘ کے نام پر سادھو کے دو گروپ میں سر پھٹول : سورپانند سرسوتی کا ’پرم دھرم سنسد‘ جعلی ہے: ہنس دیو اچاریہ
نئی دہلی:31/ جنوری (ایس اونیوز /آئی این ایس انڈیا) نام نہاد’ پرم دھرم سنسد‘ جمعرات کو الہ آباد میں وی ایچ پی کا نام نہاد’د ھرم سنسد‘ہو رہا ہے۔ 2019 انتخابات سے قبل رام مندر کے لئے سادھو سنتوں کا یہ سب سے بڑا اجتماع ہے ۔ اس نام نہاد دھرم سنسدمیں وی ایچ پی سے منسلک سادھو سنت رام مندر کے نام پر وزیر اعظم نریندر مودی کو مہلت دیتے دکھائی دیئے۔ اس دوران سادھو سنتوں نے پرم دھرم سنسد کو جعلی قرار دیا گیا۔ اس نام نہاد’ دھرم سنسد ‘ میں حصہ لینے کے لئے خود آر ایس ایس سربراہ موہن بھاگوت، رام جنم بھومی ٹرسٹ کے صدر نرتیہ گوپال داس اوررام دیو پہنچے ہیں۔جمعرات کو ہوئے نام نہاد’ دھرم سنسد میں سوامی ہنس دیو اچاریہ نے کہا کہ نقالی کرنے والے لوگوں نے ’ دھرم سنسد کی نقل کرکے ملک کے بھولے بھالے ’عوام‘ کو گمراہ کرنے کی کوشش کر رہے ہیں۔ 99 فیصد لوگ ان کے ’ دھرم سنسد‘ کے ساتھ ہیں اور 1 فیصد لوگ ملک کو گمراہ کرنے کی کوشش کر رہے ہیں۔ گمنامی کے اندھیرے میں یہ لوگ تھے۔ میڈیا میں سرخیاں حاصل کرنے کے لئے نام نہا د ’پرم دھرم سنسد‘ میں رام مندر کی تعمیر کا اعلان کیا گیا۔ہنس دیو اچاریہ نے کہا کہ سنت سماج کسی پارٹی کی محتاج یا پیروکار نہیں ہے۔ سوروپانند سرسوتی کانگریس کے اشارے پر کام کر رہے ہیں۔ کانگریس کے وکلاء نے مندر کی تعمیر کی راہ میں روڑے اٹکائے ہیں ۔ انہوں نے کہا کہ موجودہ حکومت کے راج میں پوری دنیا میں ملک کا ’نام‘ ہورہا ہے. رام مندر کی تعمیر کے لئے ہم فکر مند ہیں، لیکن اس حکومت نے زمین کو ٹرسٹ کو دینے کی بات تو کی، ہمیں اس حکومت پر شک نہیں ہے۔ وی ایچ پی کا نام نہاد’ دھرم سنسد ‘شنکراچاریہ سوروپانند سرسوتی کے اس نام نہاد’ دھرم سنسد‘ کے بعد ہو رہا ہے، جس میں 21 فروری کو ایودھیا میں رام مندر کے سنگ بنیاد کا اعلان کر دیا گیا ہے۔ بدھ کو آل انڈیا اکھاڑہ پریشد کے مہنت نریندر گری نے 21 فروری سے رام مندر کی تعمیر کا اعلان کیا تھا۔انہوں نے کہا تھا کہ وشو ہندو پریشد اور آر ایس ایس ، دراصل بی جے پی کے ہی تنظیم ہیں اور ہم نہیں چاہتے کہ سیاسی تنظیم ابھی رام مندر پر مسئلہ آگے بڑھائیں۔ انہوں نے صرف سیاست کی ہے، 4 سال تک یہ لوگ رام مندر پر خاموش رہے اچانک کیوں جاگ اٹھے ہیں ؟ سادھوؤں میں کوئی اختلاف نہیں ہے ،ہم صرف یہ کہہ رہے ہیں کہ مندر اب حکومت نہیں بنا سکتی سادھو ہی بنائیں گے۔