کارکلا میں بس میں سفر کے دوران دل کا دورہ؛ پولیس ہیڈکانسٹیبل فوت
کارکلا21؍اپریل (ایس او نیوز) ہیری اڈکا پولیس اسٹیشن میں ہیڈکانسٹیبل کے عہدے پر فائز نرسمہا بھنڈارکر (۵۵سال) کی بس میں سفر کے دوران دل کا دورہ پڑنے سے موت واقع ہوگئی۔
موصولہ اطلاع کے مطابق نرسمہا ڈیوٹی ختم کرکے رات 9.30بجے بس میں بیٹھ کر اپنے گھر جارہا تھا۔ اس دوران اس نے اپنے سینے میں درد کی شکایت کی، تو فوری طور پر اسے قریبی اسپتال لے جایا گیا۔ وہاں ابتدائی علاج کے بعد کے ایم سی منی پال میں بھیجا گیا، مگر وہاں پہنچنے پر ڈاکٹروں نے اسے مردہ قرار دیا۔نرسہما بھنڈارکر نے اس سے پہلے کنداپور، اجیکر اور دیگر پولیس اسٹیشنوں میں اپنی خدمات انجام دی تھی۔