آدھار کارڈ لنک کرانے کے لیے فون آتا ہے تو ہوجائیں خبردار ہوسکتا ہے لاکھوں کا نقصان
نئی دہلی ،13؍اکتوبر (ایس او نیوز؍آئی این ایس انڈیا) گزشتہ کچھ سالوں سے ملک کے لوگ جس کام کو سب سے زیادہ انجام دے رہے ہیں وہ ہے آدھا ر کارڈ کو لنک کروانا۔ کبھی ہم نے آدھارکارڈ کو پین کارڈ سے لنک کیا تو کبھی بینک اکاؤنٹ سے۔یہاں تک کہ اب تو فون نمبر کو بھی آدھار کارڈ سے لنک کروانا ضروری ہوگیا ہے۔اس دوڑ بھاگ کی زندگی میں بدلتے قوانین کیساتھ کنفیوژن بھی بڑھنے لگتا ہے ۔اور اگر آخری تاریخ نزدیک آ رہی ہو تو اور بھی سمجھ میں نہیںآتا ہے کہ کب کیا کرنا ہے۔کس کو اور کیسے لنک کرنا ہے۔کچھ لوگ اسی کنفیوژن اور ہڑبڑی کا فائدہ اٹھانے کی فراق میں رہتے ہیں اور ایسے ہی ایک شخص دھوکہ دھڑی کا شکار ہوا ہے ممبئی کا رہنے والا ششوت گپتا ۔آدھارکارڈ سے لنک کرا لیں سم کارڈ، ورنہ ہوجائے گا بند۔ ۔ششوت کیرل کے کوچھی کوڈ کی ایک پرائیویٹ فرم میں کام کرتے ہیں۔ان کے پاس ایک فون آیا۔ فون کرنے والے شخص نے ان سے آدھارکارڈ کو فون نمبر سے لنک کرنے کیلئے کہااور اسی کوشش میں اس دھوکے بازنے ان سے 1 لاکھ 30 ہزار روپیہ ہڑپ لیا۔
