کمار سوامی کی راہل گاندھی سے ملاقات ،کابینہ میں توسیع جلد کرنے کی خواہش کا اظہار

Source: S.O. News Service | By Shahid Mukhtesar | Published on 30th August 2018, 11:00 PM | ریاستی خبریں | ملکی خبریں |

بنگلورو،30؍اگست(ایس او نیوز) ریاست میں کانگریس جنتادل (ایس) مخلوط حکومت کے سو دن کی تکمیل پر آج وزیراعلیٰ ایچ ڈی کمار سوامی نے دہلی میں صدر کانگریس راہل گاندھی سے ملاقات کی اور ان کا شکریہ ادا کیا اور ساتھ ہی ان سے گز ارش کی کہ ریاست میں حکومت کے استحکام کو نقصان پہنچانے والے بیانات دینے سے گریز کرنے ریاست کے کانگریس قائدین کو ہدایت دی جائے۔

آج دہلی کے تغلق روڈ پر واقع راہل گاندھی کی رہائش گاہ پر کمار سوامی نے اے آئی سی سی جنرل سکریٹری کے سی وینو گوپال اور جنتادل (ایس) کے جنرل سکریٹری دانش علی کے ہمراہ راہل گاندھی سے ملاقات کی۔ اس ملاقات کے دوران بتایاجاتا ہے کہ کمار سوامی نے ریاستی حکومت کی طرف سے کسانوں کے قرضوں کی معافی کے لئے لئے گئے فیصلے سے راہل گاندھی کو آگاہ کرایا اور کہاکہ ان قرضوں کی معافی کی وجہ سے ریاستی خزانے پر جو بوجھ پڑے گا اس کے لئے حکومت ٹیکسوں کے ذریعے متبادل مالی وسائل یکجا کرنے پر فکر مند ہے۔

انہوں نے کہاکہ ریاستی حکومت کو اگر ٹھیک طرح سے کام کرنے دیا جائے تو آنے والے دنوں میں حکومت اور بھی فلاحی اقدامات اٹھا سکتی ہے۔ حالانکہ یہ قیاس کیا جارہاتھا کہ کمار سوامی رابطہ کمیٹی کے چیرمین اور سابق وزیراعلیٰ سدرامیا کے خلاف راست شکایت کریں گے ،اور حکومت کے استحکام کو متاثر کرتے ہوئے ان کی طرف سے دئے جارہے بیانات پر روک لگانے کی مانگ کریں گے، لیکن کمار سوامی نے ایسا نہیں کیا۔ انہوں نے کہاکہ ریاستی حکومت مستحکم ہے اور سدرامیا کی رہنمائی میں عوام کی فلاح کے لئے شب وروز متحرک ہے، جہاں تک وزیر اعلیٰ بننے کے متعلق سدرامیا نے بیان دیا اس سلسلے میں وہ وضاحت کرچکے ہیں۔ دوبارہ وزیراعلیٰ بننے کی خواہش جمہوری نظام کے تحت کوئی بھی کرسکتا ہے، اگر ریاستی عوام نے سدرامیا کی قیادت پر اعتماد ظاہر کیا تو وہ وزیراعلیٰ بن جائیں تو کسی کو اس پر اعتراض کیوں ہو۔اسی طرح سدرامیا کی مانند ایک اور سینئر لیڈر آر وی دیش پانڈے بھی وزیر اعلیٰ بننے کی خواہش رکھتے ہیں ، بارہا اس معاملے کو موضوع بحث نہیں بنانا چاہئے۔

ملاقات کے بعداخباری نمائندوں سے بات چیت کرتے ہوئے کمار سوامی نے کہاکہ راہل گاندھی سے یہ ملاقات صرف خیر سگالی کے لئے تھی۔ حکومت کے سو دن کی تکمیل پر صدر کانگریس کا شکریہ ادا کرنے کے ساتھ انہوں نے آنے والے دنوں میں کانگریس اور جنتادل (ایس) کی طرف سے مل کر ریاست کو ترقی کی جانب لے جانے کے لئے منصوبہ سازی کے عزم کا اس موقع پر اظہار کیا۔ بتایاجاتاہے کہ کمار سوامی نے اس ملاقات کے دوران راہل گاندھی سے گزارش کی کہ ریاستی کابینہ کی توسیع کو جلد از جلد انجام دینے کے لئے کانگریس کے وزراء کی فہرست کو وہ منظوری دیں ، اس کے علاوہ حکومت کے استحکام کو یقینی بنانے کے لئے اراکین اسمبلی کو سرکاری بورڈز اور کارپوریشنوں کی چیرمین شپ دینے کی تجویز کو بھی منظور ی دیں۔ وزیر اعلیٰ ایچ ڈی کمارسوامی کی طرف سے ریاستی کانگریس قائدین کو نظر انداز کرتے ہوئے راست طور پر راہل گاندھی سے ملاقات کرنے پر ریاست کے بعض کانگریس قائدین چراغپا ہوگئے ہیں۔

حالانکہ اس وقت دہلی میں نائب وزیراعلیٰ ڈاکٹر جی پرمیشور ، وزیر مالگزاری آر وی دیش پانڈے وغیرہ موجود ہیں، لیکن وزیراعلیٰ کمار سوامی نے ان میں سے کسی کو بھی راہل گاندھی سے ملاقات کے دوران اپنے ساتھ نہیں رکھا، اس کے بعد کمار سوامی کی قیادت میں ان وزراء نے وزیر داخلہ راجناتھ سنگھ سے ملاقات کی۔راہل گاندھی سے ملاقات کے بعد کمار سوامی نے سدرامیا کی تعریفوں کے پل باندھتے ہوئے کہاکہ ریاست میں حکومت سدرامیا کی ہی رہنمائی میں چل رہی ہے اور سدرامیا ہی اس حکومت کے استحکام کی ضمانت ہیں۔ انہوں نے کہاکہ مخلوط حکومت بغیر کسی پریشانی کے سودن پوری کرسکی ہے تو سدرامیا سمیت تمام کانگریس قائدین کے تعاون کی بدولت ہی ممکن ہوپایا ہے۔اسی طرح کا تعاون آنے والے دنوں میں بھی برقرار رہے گا اور مخلوط حکومت ریاستی عوام کی فلاح وبہبود کے لئے کام کرے گی۔ 

ایک نظر اس پر بھی

سیلاب زدہ کورگ کیلئے اضافی تعاون کا اعلان فی کنبہ 50ہزار روپئے رقم دینے کا فیصلہ

ورگ ضلع میں حال ہی میں ہوئی موسلا دھار بارش اور سیلاب کی وجہ سے کئی گھر تباہ وبرباد ہوگئے ۔ متاثرہ کنبوں کیلئے کپڑے اور روز مرہ کی ضروریات کی خریداری کے مقصد سے وزیر اعلیٰ ریلیف فنڈ کے تحت فی کنبہ 50ہزار روپئے اضافی رقم جاری کرنے کا ریاستی حکومت نے فیصلہ کیا ہے۔

سدارامیا کے دست راست ضمیر احمد خان حکومت کی حفاظت کی خاطر ناراض اراکین اسمبلی کو منانے میں سرگرداں

سابق وزیر اعلیٰ سدارامیا کی ترغیب پر جے ڈی ایس کو خیر باد کہتے ہوئے کانگریس میں شمولیت اختیار کرنے والے بی زیڈ ضمیر احمد خان مخلوط حکومت کی حفاظت پر مامور دکھائی دے رہے ہیں، سدارامیا کے ناراض اراکین اسمبلی کو منانے کی کوشش میں بی زیڈ ضمیر احمد خان سرگرم ہوگئے ہیں، ناراضی کی لہر ...

ریاستی مخلوط حکومت کو گرانے میں بی جے پی بری طرح ناکام لوک سبھا انتخابات پر توجہ مرکوز کرنے کی ہدایت ، آخری دم تک فرقہ پرستی کے خلاف لڑتا رہوں گا:سدارامیا

ریاستی مخلوط حکومت میں ساجھیدار کانگریس اور جے ڈی ایس کے اراکین اسمبلی کے درمیان جن اختلافات کا فائدہ اٹھا کر اپوزیشن بی جے پی نے پچھلے دو ہفتوں سے آپریشن کنول کے ذریعہ مخلوط حکومت کو گرانے کی جو کوشش کی تھی ،اب وہ ناکام ہوچکی ہے۔

ویمن انڈیا موؤمنٹ کی جانب سے 23 ستمبر کو بنگلور سے شروع ہورہی ہے خواتین کے تحفظ کو لے کر ملک گیر مہم

ویمن انڈیا موؤمنٹ (Women India Movement) نے 23ستمبر 2018تا 8 مارچ 2019 " خواتین پر تشدد بند کرو " اور "ّ آئیے ہمارے تحفظ کیلئے لڑائی لڑیں " کے نعروں کے تحت  ایک ملک گیر مہم  شروع  کرنے کا اعلان کیا ہے جس کے لئے  ملک کی خواتین سے اپیل کی گئی  ہے کہ وہ اس ملک گیر تحریک میں شامل ہوکر اپنے حالات ...

جنوبی ہند کے مشہور ومعروف عالم دین حضرت مولانا زکریا والا جاہی کا انتقال

نوبی ہند کے مشہور ومعروف،ممتاز جیدعالم دین زکریا صاحب والا جاہی طویل علالت کے بعد آج صبح 10؍بجے اپنے مالک حقیقی سے جاملے۔ مولانا کو شیواجی نگرکے براڈوے کی ان کی رہائش پر آخری دیدار کے لئے رکھا گیا تھا۔

پٹرول ڈیزل کی قیمتوں میں اضافہ بدستور جاری

پٹرول ڈیزل کی قیمتوں میں آج ایک بار پھر اضافہ ہوا ہے۔پٹرول 17 پیسے اور ڈیزل 10 پیسے مہنگا ہوا ہے۔اضافے کے بعد راجدھانی دہلی میں ایک لیٹر پیٹرول کی قیمت 82.61 روپے فی لیٹر ہو گئی ہے۔وہیں ڈیزل 73.97 روپے فی لیٹر ہو گئی۔ راجدھانی دہلی میں کل پٹرول 82.44 روپے فی لیٹر اور ڈیزل 73.87 روپے فی لیٹر ...

رافیل کو لے کر فرانس کے سابق صدر اولند کے تبصرے پر بولے ارون جیٹلی؛ وہ اپنی ہی بات کاٹ رہے ہیں

رافیل سودے میں ریلائنس کے لئے لابنگ کرنے کے الزام میں گھری مودی حکومت کے دفاع میں وزیر خزانہ ارون جیٹلی نے فیس بک پر پوسٹ لکھا ہے۔جیٹلی نے فرانس کے سابق صدر فرانسوا اولند کے اس بیان پرسوال اٹھائے ہیں کہ جس میں انہوں نے کہا ہے کہ حکومت ہند نے ہی ریلائنس کا نام تجویز کیا تھا اور اس ...

اکتوبر 2 سے لوک سبھا الیکشن لڑنے کے لئے کانگریس گھر گھر جا کر مانگے گی چندہ

لوک سبھا انتخابات کی تیاریوں میں مصروف کانگریس آئندہ دو اکتوبر سے ’ڈور ٹو ڈور ‘رابطہ مہم شروع کرنے جا رہی ہے جس میں وہ لوگوں سے ووٹ کے ساتھ ساتھ انتخابی چندہ بھی مانگے گی۔پارٹی نے دو اکتوبر سے 19 نومبر تک چلنے والے اس مہم کو ’عوامی رابطہ مہم‘ کا نام دیا ہے۔کانگریس صدر راہل ...

ہریانہ گینگ ریپ کیس: مفروراہم ملزم فوج کے جوان پنکج اور منیش کو پولیس نے کیا گرفتار

ہریانہ گینگ ریپ معاملے میں تقریباً واقعہ کے 10 دن بعد ریاست کی پولیس نے اس معاملے میں مفروردو ملزمان کو اتوار کو گرفتار کر لیا۔پولیس ڈائریکٹر جنرل (ڈی جی پی)بی ایس سندھونے کہا کہ منیش اور بری فوج کے جوان پنکج کی گرفتاری کے ساتھ ہی اس کیس میں شامل تمام اہم ملزمان کو گرفتار کیا جا ...

سعودی عربیہ کاقومی دن:دہلی میں شاندا ر تقریبات کا اہتمام

سعودی عربیہ کے قومی دن کے موقع پر سعودی سفیر ڈاکٹر سعود محمد الساطی نے کل یہاں ایک پروقار اور شاندا ر تقریب کا اہتمام کیا جس میں انفارمیشن و ٹکنالوجی اور کلچر و سیاحت کے مرکزی وزیر مملکت الفونس جوسف کنن تھنم مہمان خصوصی کے طورپرشریک ہوئے۔