کانگریس کو علاقائی پارٹیوں کے ساتھ اچھا برتاؤ کرناچاہئے لوک سبھا انتخابات کے لئے سیٹوں کی تقسیم پر بات چیت جاری ہے: دیوے گوڈا

Source: S.O. News Service | By Shahid Mukhtesar | Published on 5th January 2019, 3:12 PM | ریاستی خبریں |

بنگلورو5؍جنوری(ایس او  نیوز)سابق وزیراعظم و جے ڈی ایس کے سربراہ دیوے گوڈا نے مخلوط ساجھیدار کانگریس سے کہا ہے کہ وہ علاقائی پارٹیوں سے اچھا سلوک کرے آئندہ ہونے والے لوک سبھا انتخابات میں اتحاد کے لئے یہ ضروری ہے ۔کل رات دیر گئے پارٹی ورکرس سے خطاب کرتے ہوئے انہوں نے کہا کہ کرناٹک میں کانگریس اورجے ڈی ایس کے درمیان لوک سبھا حلقوں کی سیٹوں کی تقسیم پر ابھی بات چیت چل رہی ہے۔ انہوں نے بتایا کانگریس سکیولر پارٹیوں کے لئے بڑے بھائی کا مقام رکھتی ہے۔انہیں ( کانگریس) کو لوک سبھا انتخابات کیلئے سکیولر پارٹیوں کے ساتھ اتحاد کوکامیاب بنانے کے لئے ان کے ساتھ اچھا برتاؤ کرناچاہئے ۔اپنے فرزند وزیر اعلیٰ ایچ ڈی کمار سوامی کو مشورہ دیا ہے کہ وہ ایک مخلوط حکومت کی قیادت کررہے ہیں، اس لئے انہیں حکومت کو چلانے کے لئے درد کو برداشت بھی کرنا ہوگا ۔ ہمیشہ کی طرح انہوں نے کہا کہ میں کسی پر بھی الزام نہیں لگاؤں گا لیکن مجھے معلوم ہے کہ مخلوط حکومت چلانے کے لئے کمار سوامی کو کیا کیا برداشت کرناپڑ رہا ہے ۔ انہیں اپنے مقصد کو حاصل کرنے کے لئے صبر سے کام لینا ہوگا ۔ انہوں نے اپنے بیٹے سے یہ بھی کہا ہے کہ اس راستہ میں جو بھی مشکلات آئیں برداشت کرتے رہو۔پیچھے مڑنے کے بجائے آگے بڑھتے جائیں۔ اگلے لوک سبھا انتخابات کے لئے دوتہائی سیٹوں کی تقسیم فارمولہ پرعمل کرنے کانگریس کی تجویز کے بعد گوڈا ان خیالات کااظہارکرنے لگے ہیں ۔ جے ڈی ایس اس وقت کانگریس سے اس لئے بیزار ہے کہ مخلوط ساجھیدار سے مشورہ کئے بغیر کانگریس نے چند بورڈس اور کارپوریشنوں کے لئے صدراور چیرمینوں کے نام منتخب کرلئے ہیں۔کمار سوامی اور جے ڈی ایس لیڈر پی جی آر سندھیا نے بھی کہاہے کہ کانگریس ان کی پارٹی کو اس لئے آسان نہ لے کیونکہ کانگریس کے ساتھ ان کااتحاد ہے۔ اس اجلاس میں پارٹی ورکرس سے خطاب کرتے ہوئے کمارسوامی نے کہاکہ مخلوط حکومت میں ساجھیدار کو دوتہائی فارمولہ کی بجائے ایک مناسب فارمولہ پر غور کرنا چاہئے تاکہ لوک سبھا انتخابات کے لئے سیٹوں کی تقسیم سے مخلوط حکومت پر کوئی آنچ نہ آئے ۔ انہوں نے پارٹی ورکرس سے یہ بھی کہا کہ اس مرتبہ جے ڈی ایس سے 11تا 12ارکان پارلیمان کو منتخب کرنے کمر بستہ ہو جائیں ۔ یہاں دلچسپ بات یہ ہے کہ زرعی قرضے معافی کا سہراوہ جے ڈی ایس کو باندھ رہے ہیں۔ کیونکہ کانگریس نے اس اسکیم کو نظر انداز کردیا تھا اور دعویٰ کیا کہ کرناٹک میں زرعی قرضے معافی پورے ملک کے لئے نمونہ ہے ۔ انہوں نے یہ بھی کہا کہ جنتادل حکومت نے اس کوکردکھایا ہے ۔بورڈس اورکارپوریشنوں کے لئے تقررات سے متعلق کما ر سوامی نے کہا کہ اس معاملہ پر ان کی پارٹی بہت جلد مناسب اقدامات کرے گی۔حالانکہ انہوں نے پارٹی کے اراکین اسمبلی سے یہ درخواست بھی کی ہے کہ 2018ء کے اسمبلی انتخابات میں ہار جانے والے پارٹی امیدواروں کو بورڈساورکارپوریشنوں کے سربراہ بننے کاموقع دیں۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔