کنبہ پروری کا الزام لگنے پر ریلی میں اپنے بیٹے اور پوتے کے ساتھ رونے لگے سابق وزیراعظم دیوگوڑا

Source: S.O. News Service | By Shahid Mukhtesar | Published on 14th March 2019, 11:36 PM | ملکی خبریں |

نئی دہلی، 14 مارچ(ایس او نیوز؍آئی این ایس انڈیا) کنبہ پروری کا الزام لگتے ہی سابق وزیر اعظم ایچ ڈی دیوگوڑا رو پڑے،ان کے ساتھ ہی بڑے بیٹے ایچ ڈی ریوننا اور پوتے پرجول ریوننا بھی رو پڑے۔بتا دیں، دیوگوڑا کے دونوں پوتوں۔ نکھل کمارسوامي کو ماڈيا اور پرجول ریوننا کو ہاسن سیٹ سے لوک سبھا کا ٹکٹ دیا گیا ہے،اس کے بعد دیوگوڑا پر کنبہ پروری کا الزام لگ رہا ہے۔ہاسن میں ایک ریلی سے خطاب کرتے ہوئے دیوگوڑا نے کہا کہ چنن کیشو بھگوان اور آپ کی دعا سے میں نے ہاسن سے پرجول ریوننا کو میدان میں اتارا ہے۔جذباتی ہوکر دیوگوڑا نے کہا کہ میں نے سب کو ترجیح دی ہے،ہم نے ساکلیش پور میں لنگایت لیڈرکو ایم ایل سی بنایا لیکن الزام ہے کہ میں صرف اپنے بیٹوں اور پوتوں کو ہی نشستیں دیتا ہوں،میں اس وقت تک کام کروں گا جب تک میرے جسم میں طاقت ہے،میں اپنا وقت ضائع نہیں کرتا۔بتا دیں کہ پرجول، دیوگوڑا کے بڑے بیٹے اور کرناٹک حکومت میں عوامی امورکے وزیر ایچ ڈی ریوننا کے بیٹے ہیں،وہ ہاسن سیٹ سے کانگریس جے ڈيایس اتحاد کے امیدوار ہیں۔

دیوگوڑا کی آنکھوں سے آنسو نکلتے وہاں موجود جے ڈيایس حامیوں نے ان سے پرسکون ہو جانے کی درخواست کی۔اس پروگرام میں پرجول اور ان کے والد ریوننا بھی جذباتی ہو گئے،پرجول اس وقت رو پڑے، جب دیوگوڑا نے انہیں امیدوار قرار دیا اور ریوننا تب روئے جب ممبر اسمبلی بال کرشن اس بار ہاسن سیٹ سے دیوگوڑا کے الیکشن نہیں لڑنے کا ذکر کر رہے تھے۔

سابق وزیر اعظم نے کہا کہ ماڈيا میں ان کے پوتے نکھل کی امیدواری کو لے کر پیدا کئے گئے تنازعہ سے وہ دکھی ہیں۔انہوں نے کہا کہ ماڈیا سے نکھل کو امیدوار بنانے کا فیصلہ جے ڈيایس لیڈروں کا تھا،میں نے اعلان نہیں کیا،مجھے بہت دکھ ہوا ہے، وہ کہہ رہے ہیں کہ نکھل واپس جاؤ،انہوں نے کہا کہ میں ماڈیا جاؤں گا،انہیں واپس جاؤ کے نعرے لگانے دیں،میں نے گزشتہ 60 برسوں میں کس کے لئے جنگ لڑی ہے،میں ماڈیا کے لوگوں کے سامنے ساری باتیں رکھوں گا۔

ایک نظر اس پر بھی

وی وی پیٹ مشین کے تعلق سے عدالت اعلیٰ نے الیکشن کمیشن سے مانگا جواب 

سپریم کورٹ نے آج الیکشن کمیشن کوہدایت دی کہ 28مارچ تک سیمپلس کی تعدا د میں اضافہ کرے بارے میں جواب داخل کیاجائے اور فی اسمبلی حلقہ وی وی پی اے ٹی مشینوں کی تعداد میں اضافہ کے امکانات پر اظہار خیال کیاجائے ۔ چیف جسٹس رنجن گوگوئی اور جسٹس دیپک مشرا پر مشتمل سپریم کورٹد کی بنچ نے ...

الیکشن جیتنے پر کانگریس کا اعلان ، غریب خاندان کو ملے گا سالانہ 72 ہزار روپئے 

ایک زبردست انتخابی تیقن دیتے ہوئے صدر کانگریس راہول گاندھی نے آج اعلان کیاکہ غریب ترین زمرہ سے تعلق رکھنے والوں کو فی کس 72,000روپئے سالانہ اقل ترین أجرت دی جائے گی بشرطیکہ ان کی پارٹی برسراقتدار آجائے ۔ نئی دہلی میں منعقد ہ ایک پریس کانفرنس میں یہ اعلان کرتے ہوئے کہاکہ 5کروڑ ...