آلہ آباد ہائی کورٹ کا پیپر لیک معاملے میں مداخلت سے انکار
لکھنؤ، 22/فروری (ایس او نیوز/آئی این ایس انڈیا)الہ آباد ہائی کورٹ کی لکھنؤ بنچ نے آبکاری سپاہی اور جائزہ افسر پیپر لیک معاملے میں ایف آئی آر درج کرائے جانے کے بعد جانچ ایس ٹی ایف سے کرائے جانے کے لیے دائر درخواست پر بدھ کو مداخلت کرنے سے انکار کر دیا ہے۔ڈاکٹر نوتن ٹھاکر نے بتایا کہ جسٹس اجے لامبا اور جسٹس ڈاکٹر وجے لکشمی کی بنچ نے کہا کہ یہ معاملے ابھی حال ہی میں درج ہوئے ہیں اور ان معاملوں کی نوعیت کو دیکھتے ہوئے ابھی اس میں مداخلت کرنا مناسب نہیں ہوگا۔اس بحث میں امیتابھ نے کہا تھا کہ ان دونوں معاملوں میں مقامی پولیس پر زبردست سیاسی دباؤ ہے،جس میں عدالت کے احکامات کے بعد ہی مقدمہ درج ہوا تھا اور مقدمے میں شدید لاپروائی برتی جا رہی ہے،اس لیے اس کی صحیح جانچ کے لیے معاملے کو ایس ٹی ایف کے سپردکیا جائے۔