بنگلور میں سو سے زائد عازمین حج کا پیسہ لے کرفرار ہونے والا ایجنٹ گرفتار؛ 4 کروڑ روپئے ہڑپنے کا الزام

Source: S.O. News Service | By I.G. Bhatkali | Published on 9th August 2018, 9:19 PM | ریاستی خبریں |

بنگلورو 9/اگست (ایس او نیوز) عازمین حج کو دھوکہ دے کر فرار ہونے والے   بنگلور کے حریم ٹورس کے مالک صبغت اللہ شریف سمیت 6 افرادکو پولس نے بالاخر گرفتار کرلیا ہے جن پر عازمین حج کو حج کے نام پر لوٹنے کا الزام ہے۔

ذرائع سے ملی اطلاع کے مطابق  حریم ٹورس نامی ایجنسی پر 100 سے زائد عازمین حج کو دھوکہ دینے کا الزام  ہے۔ بتایاجارہا تھا  کہ یکم اگست سے حریم ٹورس کا دفتر بندہے اور اس کا مالک صبغت اللہ شریف عازمین حج کی رقم اور پاسپورٹ لے کر فرار ہوگیا ہے ، مگر آج جمعرات کو بنگلوروکی تِلک نگر پولیس نے صبغت اللہ شریف سمیت   اُن کے فرزند عبدالرحمن،عبدالرضوان،عبدالذیشان سمیت6 ملزمین کو سلاخوں کے پیچھے پہنچادیا ہے۔

اطلاع کے مطابق حریم ٹورس نے فی عازم ڈھائی سے تین لاکھ روپئے کی رقم حاصل کی تھی ۔ خیال رہے کہ گزشتہ کئی سالوں سے صبغت اللہ شریف اوراس کا بیٹا حج اور عمرہ کے سفرسے وابستہ تھے۔کم لاگت پر لوگوں کو حج کرانے کے پمفلٹ دیکھنے کے بعد لوگوں نے حج جانے کے مقصد سے رقومات اور پاسپورٹ ان کے حوالے کئے تھے۔ مگر اچانک دفتر بند ہوجانے اور فون پر بھی رابطہ نہ ہونے پر عازمین نے تلک نگر پولس تھانہ میں شکایت درج کی۔ اس پورے معاملے  کے بعد اب  حج اورعمرہ کے نجی ٹور آپریٹرس بھی سوالات کے گھیرے میں آگئے ہیں۔

بتایا گیا ہے کہ حریم ٹورس اینڈ ٹراویلس پر113عازمین حج سے تقریبا4 کروڑروپئے وصول کرنے کا الزام ہے۔ پولیس تمام ملزمین کوعدالت میں پیش کرتے ہوئے معاملے کی مزید تحقیقات میں جٹی ہوئی ہے۔

 متاثر عازمین حج کا کہنا ہے کہ نجی ٹور آپریٹر نے ان کےجذبات کےساتھ کھلواڑکیا ہے۔ کئی دنوں پہلے ہی اُنہوں نے مقدس سفر کی تیاریاں مکمل کرلی تھیں۔ اپنے دوستوں اور رشتہ داروں سے ملاقاتیں، دعوتیں، سب پوری ہو گئی تھیں ۔ لیکن 2/ اگست کو جب پتہ چلا کہ صبغت اللہ شریف فرار ہوگئےہیں تو ایسا لگا کہ پیروں تلے زمین کھسک گئی۔

ایک نظر اس پر بھی

ہندو لیڈر سورج نائک سونی نے اننت کمار ہیگڈے کو کہا،مودی حکومت کا داغدار وزیر؛ اُس کی مخالفت میں کام کرنے کے لئے نوجوانوں کی ٹیم تیار

ضلع شمالی کینرا میں ایک نوجوان ہندو لیڈر کے طور پر اپنی پہچان رکھنے والے کمٹہ کے سورج نائک سونی نے اخباری کانفرنس سے خطاب کرتے ہوئے کہا کہ’’ وزیر اعظم نریندر مودی کی قیادت میں چل رہی مرکزی حکومت میں اننت کمار ہیگڈے کی حیثیت ایک داغداروزیر کی ہے۔ اور ایسا لگتا ہے کہ انہیں ...

کرناٹک میں نوٹیفکیشن کے پہلے دن 6؍امیداروں کی نامزدگیاں داخل 

ریاست میں لوک سبھا الیکشن کے پہلے مرحلہ میں 14؍سیٹوں پر 18؍اپریل کو ہونے والے الیکشن کے لئے پرچہ نامزدگی کرنے کا آغاز ہوگیا ۔ پہلے دن چار حلقوں میں6؍ امیدواروں کی جانب سے 11؍ مزدگیاں داخل کئیں۔ یہ اطلاع ریاستی الیکشن افسر سنجیو کمار نے دی۔

بنگلورو کے تینوں پارلیمانی حلقوں میں ڈی سی پیز کی زیرنگرانی سخت بندوست لائسنس یافتہ 7؍ہزار ہتھیارات تحویل میں :پولیس کمشنر ٹی۔ سنیل کمار

پولیس کمشنر ٹی۔ سنیل کمار نے بتایا کہ بنگلور سنٹرل ،بنگلور نارتھ اور بنگلور ساؤتھ لوک سبھا حلقوں میں ہونے والے پارلیمانی انتخابات کے لئے ڈپٹی کمشنر آف پولیس (ڈی سی پی) سطح کے پولیس افسروں کی نگرانی میں پولیس کا سخت بندوبست کیاگیا ہے۔