ہاپوڑ لنچنگ کیس: میرٹھ زون کے آئی جی کی نگرانی میں ہو معاملے کی جانچ : عدالت عظمیٰ 

Source: S.O. News Service | By Shahid Mukhtesar | Published on 6th September 2018, 12:39 PM | ملکی خبریں | ان خبروں کو پڑھنا مت بھولئے |

نئی دہلی6ستمبر ( ایس او نیوز؍آئی این ایس انڈیا ) ہاپوڑلنچنگ معاملے میں سپریم کورٹ نے خصوصی حکم جاری کیا ہے۔ کورٹ نے اپنے حکم میں اس معاملے کی جانچ میرٹھ رینج کے آئی جی کی نگرانی میں کرانے کی بات کہی ہے۔ کورٹ نے آئی جی کو کہا کہ وہ لنچنگ کو لے کر سپریم کورٹ کے فیصلے کے تحت کارروائی کریں گے۔ غور طلب ہے کہ کورٹ کی طرف سے جاری گائیڈلائن میں کہا گیا ہے کہ جو پولیس افسر کارروائی نہیں کرتے ان پر ایکشن لیا جائے۔ وہیں اس معاملے میں آئی جی میرٹھ زون نے اپنی رپورٹ مہر بند لفافے میں سپریم کورٹ کو سونپ دی ہے۔ اس صورت میں متاثرسمیع الدین کی جانب سے پیش ہوئی وکیل ورندا گروور نے کورٹ کو بتایا کہ سپریم کورٹ کی ہدایات کے بعد مجسٹریٹ نے سی آر پی سی کی دفعہ 164 کے تحت 31 اگست کو سمیع الدین کا بیان درج کیا ہے۔وہیں یوپی پولیس نے کورٹ کو بتایا کہ ابھی تک اس معاملے میں 11 ملزمان میں سے دس کی گرفتاری ہو چکی ہے۔ جبکہ ایک ملزم جو اب بھی فرار ہے اس کو بھگوڑا اعلان کرنے کی کارروائی چل رہی ہے۔ اس صورت میں درخواست گزار کی جانب سے کہا گیا کہ ہم معاملے کی جانچ یوپی سے باہر کرنا چاہتے ہیں۔ ساتھ ہی اس معاملے کی جانچ ایس آئی ٹی کو دی جائے۔ اگرچہ اس معاملے میں یوپی حکومت نے کہا کہ وہ 60 دن کے اندر اندر اپنی انکوائری مکمل کر لیں گے۔ اب اس معاملے میں اگلی سماعت دو ہفتے بعد ہو گی۔غور طلب ہے کہ NDTV انڈیا کے اسٹنگ آپریشن کی بنیاد پر ہاپوڑ میں لنچنگ کے شکار اور خصوصی گواہ کی درخواست پر سپریم کورٹ نے سماعت کی تھی۔ متاثرسمیع الدین نے عرضی دائر کرکے ملزمان کی ضمانت منسوخ کئے جانے کی درخواست کی تھی ۔درخواست میں کہا گیا ہے کہ مجسٹریٹ کے سامنے گواہ کا بیان درج ہو اور ملزمان کی شناخت کرائی جائے۔خاص بات یہ ہے کہ ملزم نے خفیہ کیمرے پر لنچنگ میں شامل ہونے کی بات قبول کی تھی ساتھ ہی اس نے یہ بھی بتایا تھا کہ کس طرح کورٹ میں غلط بیانی کر اسے ضمانت مل گئی۔

ایک نظر اس پر بھی

سون بھدر معاملے میں انصاف کا مطالبہ، پرینکا گاندھی کو حراست میں رکھنے کی مخالفت میں کانگریس کا پارلیمنٹ کے احاطے میں مظاہرہ

اتر پردیش کے سون بھدر ضلع میں 10 قبائلیوں کے قتل کے معاملے میں انصاف کی طلب اور پرینکا گاندھی واڈرا کو حراست میں رکھے جانے کی مخالفت کرتے ہوئے کانگریس کے ممبران پارلیمنٹ نے پیر کو پارلیمنٹ ہاؤس کے احاطے میں مظاہرہ کیا۔

منگلورو میں ڈینگی سے ٹی وی جرنلسٹ ہلاک 

بی ٹی کے لئے ویڈیو جرنلسٹ کے طور خدمات انجام دینے والے ناگیش پاڈوکی موت کے ساتھ منگلورو میں ڈینگی بخار سے ہونے والی ہلاکتوں میں ایک او ر اضافہ ہواہے۔خیال رہے کہ اس سے قبل ڈینگی بخار میں مبتلا تین افراد کی موت واقع ہوچکی ہے۔

جنوری 19 کو ہوں گےانجمن حامئی مسلمین بھٹکل کے انتخابات؛ اسحاق شاہ بندری الیکشن کمشنر منتخب

قومی تعلیمی ادارہ انجمن حامئی مسلمین بھٹکل کے عام انتخابات اگلے سال 19 جنوری کو ہوں گے جس کے لئے آج سنیچر کو  ہوئی انتظامیہ میٹنگ میں  الیکشن کمشنر کا انتخاب عمل میں آیا ہے۔  اس بات کی تصدیق انجمن کے جنرل سکریٹری جناب صدیق اسماعیل نے کی ہے۔ انہوں نے بتایا کہ  آج کی میٹنگ میں ...

بھٹکلی جماعت المسلمین مینگلورو کا مستحسن اقدام : بنٹوال میں ہوئے سڑک حادثے میں شدید زخمیوں کی عیادت کرنے اور اُنہیں ہرممکن تعاون دینے جماعت کے وفد کا اسپتال دورہ

بھٹکلی  جماعت المسلمین مینگلور کے ایک وفد نے  مینگلور کے مختلف اسپتالوں کا دورہ کرتے ہو ئے  کل جمعہ کو سڑک حادثے میں ہوئے زخمی بھٹکلی لوگوں کی عیادت کی اور اُن کے رشتہ داروں سے بات چیت کرتے ہوئے جماعت کی جانب سے ہر ممکن تعاون کا یقین دلایا۔

انکولہ میونسپالٹی چیف آفیسر کو ڈی سی نے لیا آڑے ہاتھ۔ کہا؛ اگر تم ایماندار ہوتے تو کٹہرے میں کھڑے نہ ہوتے

انکولہ میونسپالٹی میں ڈھنگ سے کام نہ ہونے کی شکایت ملنے پر  اُترکنڑا کے ڈپٹی کمشنر  ڈاکٹر ہریش کمار انکولہ پہنچ کر  میونسپل چیف آفسر بی پرہلاد کو آڑے ہاتھوں لیا اور کہا کہ اگر تم  ایمانداری سے اپناکام انجام دے رہے ہوتے  تو اس طرح کٹہرے میں کھڑے ہونے کی نوبت نہ آتی ۔ ڈپٹی ...