ہلیال گناکاشت کاروں کا بند مکمل کامیاب :وکلاء تنظیم کی حمایت ،18ستمبر کو ودھان سودھا گھیراؤ کا فیصلہ

Source: S.O. News Service | By Abu Aisha | Published on 6th September 2018, 9:31 PM | ساحلی خبریں |

ہلیال:6/ستمبر(ایس اؤ نیوز) شکرکارخانے کی انتظامیہ  نے  گنا کاشت کاروں سے کئے گئے وعدے کے مطابق اضافی معاوضہ اداکئے جانےکی مذمت کرتے ہوئے ریاستی حکومت کی مداخلت کا مطالبہ لے کر گنا کاشت کاروں کی طرف سے بدھ کو اعلان کیا گیا ہلیال بند مکمل کامیاب ہواہے۔

کسانوں کی طرف سے اعلان کردہ بند کو دیکھتے ہوئے ہلیال شہر میں کوئی لین دین نہیں ہوا، بازار،ہوٹل، دوکانیں وغیرہ  پوری طرح بندرہیں۔ دیہی علاقوں کے لئے بسوں کا آنا جانا بہت ہی کم رہا۔ علاقے میں چوطرفہ کسی بھی انہونی سے روکنے کےلئے سخت پولس سکیورٹی لگائی گئی تھی۔

اضافی معاوضہ فی ٹن 305روپئے کا مطالبہ لے کر گنا کاشت کاروں نے 6اگست سے کارخانے کے روبرو اپنا مسلسل احتجاج جاری رکھا ہواہے، ایک ماہ گزرنےکے بعد بھی کوئی حل نظر نہیں آیا تو کاشت کاروں نے بند کا اعلان کرتے ہوئے احتجا ج منایا۔ مراٹھا بھون سے نکلی احتجاجی ریلی تعلقہ دفتر اور پولس تھانہ کے سامنے شیواجی سرکل کی قومی شاہراہ پر احتجاجی پروگرام منعقد کیا۔ جہاں گنا کاشت کار سنگھ کے ریاستی نائب صدر ایم وی گھاڑی ، ایس کے گوڈا، یوکے بوباٹے، شنکر کاجگار، اشوک میٹی وغیرہ نے اپنے خیالات کااظہارکیا۔ تحصیلدار ودیا دھر نے کسانوں کے میمورنڈم کو حاصل کیا۔ بدھ کے بند کو شہر کی وکلاء تنظیم نے حمایت کرتے ہوئے عدالتی کارروائیوں کا بائیکاٹ کرتے ہوئے کسانوں کے ساتھ احتجاج میں شامل ہوئے۔ کسانوں نے اضافی معاوضہ ملنے تک اپنا احتجاج جاری رکھنے کا انتباہ دیتے ہوئے کہاکہ 18ستمبر کو بنگلورو میں سنگھ کے ریاستی صڈر کروبرو شانت کمار کی قیادت میں  وزیر اعلیٰ کمار سوامی کی رہائشی کے سامنے احتجاج کرنے کا فیصلہ لیاہے۔

ایک نظر اس پر بھی

بھٹکل  رکن اسمبلی نے ریلوے اسٹیشن سڑک تعمیر کی سنگ بنیاد رکھی

تعلقہ کے مٹھلی گرام پنچایت کوبھٹکل  ریلوے اسٹیشن  سے جوڑنے والی سڑک کی تعمیر کے لئے رکن اسمبلی سنیل نائک نے پوجا پاٹ کے ساتھ سنگ بنیاد رکھا۔ اس موقع پر کرشنانائک، شیوانی شانتارام، چندرہاس، آنند نائک وغیرہ موجود تھے۔

بھٹکل میونسپالٹی کی عام میٹنگ میں نئی مچھلی مارکیٹ کے لئے دوبارہ نیلامی کا فیصلہ : کئی دیگر مسائل پر بھی بحث

بھٹکل میونسپالٹی میں منعقدہ عام میٹنگ میں پرانی اور نئی مچھلی مارکیٹ  کے مچھلی بیوپاریوں کو لےکر کافی بحث ہوئی ، بعد میں  اس بات کا فیصلہ لیا  گیا کہ اگلے دو دن کے اندرنئی مچھلی مارکٹ   کی نیلامی کا اعلامیہ شائع کرتے ہوئے  ایک ہفتہ کے اندر  بولی کی  کارروائی انجام دی جائے۔

منگلورو: زیر سماعت قیدیوں نے ڈسٹرکٹ جیل میں سیکیوریٹی اسٹاف پر کیا حملہ

ڈسٹرکٹ جیل میں زیر سماعت قیدیوں کی طرف سے دو سیکیوریٹی اسٹاف پر حملہ کیے جانے کا حیرت انگیز واقعہ پیش آیا ہے۔ موصولہ رپورٹ کے مطابق قتل کے الزام میں قید مشتاق اور اس کے دیگر ساتھیوں نے مل کر سیکیوریٹی اسٹاف پر حملہ کیا ہے۔