ہلیال :مرکزی وزیر حلف لینےکے دوران لی ہوئی قسم بھول گئے ہیں ، باہمی منافرت کے بیانات قابل مذمت : دیش پانڈے
ہلیال:23/ اکتوبر (ایس اؤنیوز)ٹیپو سلطان جینتی کو لے کر مرکزی وزیر اننت کمار ہیگڈے اور رکن پارلیمان پرہلاد جوشی کے بیانات کو اترکنڑا ضلع نگراں کاروزیر آر وی دیش پانڈے نے جمہوری نظام کے خلاف قرار دیتے ہوئے تنقید کی۔
22اکتوبرکو ہلیال میں پریس کانفرنس کے ذریعے بات کرتے ہوئے کہاکہ اننت کمار ہیگڈے مرکزی وزیر کا حلف لیتے ہوئے دستور پر ایمان ، اعتماد رکھتے ہوئے اسی کے مطابق عمل کرنے کی قسم کھا کر حلف لیا ہے شاید وہ قسم بھول گئےہیں۔ سماجی مساوات اور بھائی چارگی کا تحفظ ہر ایک کی ذمہ داری ہےاسی لئے طبقاتی کشمکش کے بیانات جاری کرنا قابل مذمت ہے۔
ہم سب ایک ہی ماں کے بچوں کی طرح آپسی پیار ومحبت ، باہمی اعتماد کے ساتھ زندگی گزارنی چاہئے، ہماری ہندو تہذیب ’’سروے جنا سکھینو بھونتو‘‘کی تعلیم دیتی ہے ۔ تمام دھرم والوں کو انسانی تعلقات کی پاسداری کرنی چاہئے۔ لیکن طبقات کے درمیان آپسی منافرت پھیلانے کے بیانات دینا ٹھیک نہیں ہونےکی بات کہی۔ پریس کانفرنس میں ودھا ن پریشد کے ممبر ایس ایل گھوٹنیکر، ضلع وقف بورڈ صدر قیم مگد، بلاک کانگریس صدر سبھاش کوریکر موجود تھے۔