ہلیال :مکانات میں چور ی کرکے فرار ہوئے ملزم کی گرفتاری
ہلیال:23اگست (ایس اؤنیوز)شہری حدود میں 7اور3پہلے مکانوں سے نقد اور زیورات کی چوری کرنے کے بعد فرار ہوئے ملزم کو پولس نے کچھ زیورات کے ساتھ گرفتارکرلیا ہے۔
ملزم چور کی شناخت ڈانڈیلی ، گاندھی نگر کے ڈرائیور جعفر علی حنیف صاحب ساگر (22)بتائی گئی ہے۔ سال 2016کے نومبر میں درگا نگر کے جئے شری نیل کنٹھ گوڈا اور سال 2017اپریل میں سداشیو نگرکے وجئے کمار بابو پاٹل کے گھروں میں جب کوئی نہیں تھا تو فائدہ اٹھاتے ہوئے جعفر گھرسے سونے ، چاندی کے زیورات چوری کرکے فرار ہوگیا تھا۔ جعفر علی کے گرفتاری کارروائی میں محکمہ پولس کے سی پی آئی سندریش، پی ایس آئی ہوگار، اے ایس آئی پاؤسکر، سولاپور، اشوک، تڈکوڈ، سنجو، گوند وغیرہ شریک تھے۔ اس کے ساتھ چوری میں شریک دوسرے ملزموں کی تلاش جاری ہے۔