عازمین حج سفر کاہر لمحہ عبادت میں گزاریں ایک روزہ تربیتی کیمپ میں وزیر برائے حج الحاج روشن بیگ کاخطاب

Source: S.O. News Service | By Shahid Mukhtesar | Published on 17th July 2017, 11:29 AM | ریاستی خبریں |

بنگلورو،16؍جولائی(ایس او نیوز) ریاستی حج کمیٹی کی جانب سے روانہ ہونے والے بنگلورشہری اور دیہی اضلاع کے عازمین حج کے لئے پیالس گراؤنڈ کے ٹینس پویلین میں ایک روزہ تربیتی کیمپ منعقد کیاگیا۔ آج صبح ریاستی وزیر برائے حج وشہری ترقیات الحاج،آر روشن بیگ نے اپنے خطاب میں عازمین حج بیت اللہ کو مبارکباد پیش کرتے ہوئے کہا کہ مبارک سفر کے دوران عازمین ہر لمحہ عبادت میں گزارتے ہوئے اپنے مقصد کو پورا کرنے کی کوشش کریں۔ جناب روشن بیگ نے عازمین سے گزارش کی کہ حج کیمپ اور بنگلور انٹرنیشنل ایر پورٹ پر قائم حج ٹرمنل میں انہیں دستیاب سہولتوں کا بھرپور استفادہ کریں اور ہمہ وقت ان کی خدمت کے لئے مستعد رضاکاروں کے حق میں خصوصی دعافرمائیں۔ انہوں نے کہا کہ ہمیشہ سے ان کی یہ دلی تمنارہی ہے کہ حاجیوں کی بہتر سے بہتر خدمت کی جائے اور اللہ کے مہمان بن کر سرزمین حجاز جانے والے تمام افراد کو اچھی سے اچھی خدمت کے ساتھ ان کی دعائیں لے کر روانہ کیا جائے ۔وزیر حج نے وقت کی پابندی پر زور دیتے ہوئے انہوں نے کہا کہ ایک حاجی کی تاخیر سے بھی تمام حاجیوں کو پریشانی اٹھانی پڑتی ہے ، انہوں نے عازمین سے گزارش کی کہ سعودی عرب میں قیام کے دوران وہاں کے قوانین کا پاس ولحاظ رکھیں ورنہ ان کے لئے پریشانی کا سبب بن سکتا ہے۔ انہوں نے کہا کہ ہر چیز یہاں مل سکتی ہے لیکن حرمین شریفین کے اندر گزار نے والے لمحات نہیں مل سکتے۔ اس لئے عازمین وقت کی قدر کرتے ہوئے خانہ کعبہ میں وقت گزاریں۔ انہوں نے عازمین سے گزارش کی کہ وہ ایسی چیز نہ خریدیں جس پر کسٹم افسر اعتراض کریں۔ انہوں نے بتایا کہ ایر پورٹ اتھارٹی کی جانب سے جو ہدایات دی گئی ہیں اس پر عمل کرتے ہوئے اپنے لگیج کو حد سے زیادہ لانے کی کوشش نہ کریں۔ اس موقع پر تربیتی خطاب کرتے ہوئے مولانا محمد لطف اللہ صاحب رشادی خطیب وامام مسجد قادریہ نے کہا کہ اللہ رب العزت نے جن بندوں کو منتخب کیاہے وہ امسال اس کے گھر حاضری کے لئے روانہ ہورہے ہیں، کسی بھی شہنشاہ کے دربار میں جانے کے لئے جس ادب کا اہتمام کیاجاتا ہے اس سے بھی کہیں اور زیادہ تمام جہانوں کے مالک کے دربار میں حاضری کا شرف پانے والے عازمین کو ادب واحترام کا لحاظ رکھنا چاہئے۔ یہ یقینی بنائیں کہ ہماری کوئی بھی کوتاہی اللہ تعالیٰ کی ناراضگی کا سبب نہ بنے، ہمارا ہر عمل اللہ کی رضا کے لئے ہو، انہوں نے سفر کی شروعات، عمرہ کی ادائیگی، مناسک حج کی تکمیل، قربانی، مدینہ طیبہ کی زیارت اور دیگر اعمال کے متعلق تفصیلی جانکاری دی۔ اس موقع پر وظیفہ یاب کے اے ایس افسر سیداعجاز احمد نے سفر حج کے متعلق جانکاری اور سعودی عرب میں قیام، سفر ، حرم شریف کی زیارت، منیٰ، مزدلفہ، عرفات وغیرہ میں حاصل سہولتیں اور دیگر امور پر روشنی ڈالی۔ اس موقع پر محکمہ اقلیتی بہبود کے پرنسپل سکریٹری محمد محسن آئی اے ایس نے وزیراعلیٰ سدارامیا کی جانب سے عازمین حج کو مبارکباد پیش کی اورگزارش کی کہ تربیت میں جو کچھ بھی بتایا جارہاہے اس کو ذہن میں رکھ کر اپنے سفر کو کامیاب بنائیں اور ریاست اور وطن کی ترقی اور سلامتی کے لئے خصوصی دعا کریں ۔ اس موقع پر نوجوان قائد آر رومان بیگ، آئی ایم اے کے ڈائرکٹر نظام،حج کمیٹی کے اراکین ایم ایس ارشد،ثناء اللہ، حج کمیٹی کے ایکزی کیٹیو افسر سرفراز خان اور دیگر موجود تھے۔

ایک نظر اس پر بھی

سدارامیا کے ساتھ کھلی بحث کیلئے تیار ہوں‘‘ میسور میں منعقدہ کمار پروار ریلی میں کمار سوامی کا چیلنج

میسور کے اسمبلی حلقہ چامراجہ میں واقع ہبال میں جنتا دل ( یس ) کی جانب سے ’’کمار پروا ریلی ‘‘ کا انعقاد کیا گیا۔ اس موقع پرسابق وزیر اعلیٰ و جنتا دل ( دل ) کے ریاستی صدر ایچ ڈی کمار سوامی نے اپنے خطاب میں وزیر اعلیٰ سدارامیا کو چیلنج کرتے ہوئے کہا کہ بھارتیہ جنتا پارٹی کو بر سر عام ...

بنگلوروشہرکے 98؍فیصد ذخائر آب کا پانی استعمال کے لائق نہیں ای ایم پی آر آئی کی تحقیقاتی رپورٹ میں چونکا دینے والا انکشاف

گزشتہ روز دوحصوں پر مشتمل تحقیقاتی جائزہ رپورٹ کا پہلا جائزہ رپورٹ کا مسودہ ماحولیاتی مینجمنٹ اور پالیسی ریسرچ انسٹی ٹیوٹ (ای ایم پی آر آئی) کی طرف سے پیش کیا گیاہے۔

کرناٹک کی بیٹی دپیکاپڈوکون کی حفاظت ہماری ذمہ داری پدماوتی اداکارہ کو سکیورٹی فراہم کرنے سدارامیا کا کھٹر سے اصرار

کرناٹک کی بیٹی بالی وڈ کی معروف اداکارہ دپیکا پڈوکون کی فلم پدماوتی کی یکم دسمبر کو ہونے والی نمائش آخرکار ملتوی کردی گئی۔ ہدایت کار سنجے لیلا بھنسالی کی فلم پدماوتی آغاز شوٹنگ سے ہی مختلف تنازعات کا شکار رہی۔

بابری مسجدمعاملہ میں تمام مسلمان مسلم پرسنل لابورڈ کے ساتھ، قاضی رضوان صدیقی مشہود صدر بہمنی فاؤنڈیشن گلبرگہ کا بیان

ممتاز سماجی خدمت گزار و صدر بہمنی فاؤنڈیشن ،گلبرگہ قاضی رضوان الرحمٰن صدیقی نے بابری مسجد مسئلہ کے ضمن میں آرٹ آف لیونگ کے ذمہ دار شری شری روی شنکر کی بے جا مداخلت کی مذمت کرتے ہوئے کہا ہے کہ خود ان کے مذہب سے تعلق رکھنے والے آل انڈیا اکھاڑا پریشد کے صدر نریندر گری نے بھی بابری ...

بیماریوں کی روک تھام کے لئے گلبرگہ یونیورسٹی میں سہ روزہ بین الاقوامی کانفرنس

رجسٹرار گلبرگہ یونیورسٹی پروفیسر دیانند اکسر اور پروفیسر کے لنگ اپا آرگنائیزنگ سیکریٹری بین الاقوامی کانفرینس Advances in disease managemrnt کے بیان کے بموجب بیماریوں کی روک تھام سے متعلق گلبرگہ نیورسٹی کیمپس میں یہ کانفرینس 21نومبر سے شروع ہورہی ہے