عازمین حج کا چھٹواں قافلہ شہر گلستان سے رخصت ہوا، حج بھون میں عازمین حج کیلئے انتظامات ملک بھر میں مثالی: واسو

Source: S.O. News Service | By Jafar Sadique Nooruddin | Published on 13th August 2017, 1:07 AM | ریاستی خبریں |

بنگلورو:12/ اگست(ایس او نیوز) شہر بنگلور کے حج بھون سے عازمین حج کی روانگی کا سلسلہ جاری ہے۔ کل بھی رات 12-40 بجے 340 عازمین پر مشتمل قافلہ رخصت ہوا۔ اب تک چھ قافلے بنگلور سے جدہ کیلئے روانہ ہوچکے ہیں۔ عازمین حج کی روانگی کیلئے حج بھون اور کیمپے گوڈا انٹرنیشنل حج ٹرمینل میں حسب معمول انتظامات کئے گئے ہیں۔ جن کی نگرانی وزیر شہری ترقیات وحج اور ریاستی حج کمیٹی کے چیرمین جناب روشن بیگ ، حج کمیٹی کے ایگزی کیٹیو آفیسر سرفراز خان ، حج کیمپ کے چیف والینٹر رومان بیگ اور ان کے ساتھ کام کرنے والے حج کمیٹی کے تمام اراکین اور تقریباً پانچ سو رضاکار کررہے ہیں۔ کل شام شہر بھر میں موسلادھار بارش کے سبب جہاں ٹریفک کا نظام پوری طرح درہم برہم رہا اس کے درمیا ن ہی حج بھون سے عازمین حج کے بسوں کی بروقت روانگی کا اہتمام کیاگیا۔ کل عازمین حج کو وداع کرنے والوں میں آئی ایم اے کے منیجنگ ڈائرکٹر محمد منصور خان ، میسور کے چامراج اسمبلی حلقہ کے رکن اسمبلی واسو اور دیگر اہم شخصیات موجود رہیں۔ مسجد قادریہ کے خطیب وامام مولانا محمد لطف اﷲ مظہر رشادی کی دعا کے ساتھ عازمین حج کی بسوں نے ایرپورٹ کی طرف اپنا سفر لبیک اللہم لبیک کے نعروں کے ساتھ شروع کیا۔ حج کیمپ کا معائنہ کرنے آئے ہوئے مسٹر واسو نے یہاں کے انتظامات کو سراہا اور حج بھون میں جناب روشن بیگ کی سرپرستی میں ہونے والے انتظامات کو سارے ملک کیلئے ایک مثال قرار دیا۔ اس موقع پر انہوں نے عازمین حج سے اپنی نیک خواہشات کا اظہار کیا اور ریاست کرناٹک اور وطن عزیز کی ترقی ،خوشحالی اور امن وامان کیلئے مقامات مقدسہ پر دعا کرنے کی گذارش کی ۔ شدید بارش کے باوجود عازمین حج کے قافلوں کی روانگی کا نظارہ کرنے چھتریاں اور رین کوٹ پہن کر ان کے رشتہ دار حج بھون کے صحن میں جمع رہے۔ 

ایک نظر اس پر بھی

کرناٹک میں عازمین حج سے ضرورت سے زائد رقم کی جارہی ہے وصول ، نئے وزیرحج ضمیراحمد خان کا الزام

کرناٹک کے نئے وزیرحج ضمیراحمد خان نے الزام عائد کیا ہے کہ سفرحج کےنام پر عازمین حج کو لوٹا جارہاہے۔ بنگلورو میں ضمیراحمد خان نے کہاکہ مرکزی حج کمیٹی عازمین حج سے کیوں زائد رقم وصول کررہی ہے؟ ضمیر احمد خان نے اس پورے معاملے میں اشاروں ہی اشاروں میں  ہیراپھیری کا بھی الزام ...

جنرک میڈیکل اسٹورس میں دوائیوں کی مانگ پوری کی جائیگی منظم نیٹ ورک کے ذریعہ دوائیاں تقسیم کرنے کیلئے نیا سافٹ ویر تیار ہوگا : اننت کمار

مرکزی حکومت کی طرف سے قائم کردہ جنرک میڈیکل اسٹورس میں دوائیوں کی مانگ میں جو دن بہ دن اضافہ ہورہاہے اس کے متعلق مرکزی حکومت کو حال ہی میں اطلاع ملی ہے ۔ مزید ایک ماہ میں یہ مسئلہ حل کرلیا جائے گا۔

حج بھون کے معاملے کو لے کر بی جے پی کی سیاسی رنگ دینے کی کوشش؛ ضمیر احمد نے شوبھا کرندلاجے سے کہا؛ اپنے مفاد کے لئے گندی سیاست اور عوام کو گمراہ نہ کریں

ریاستی وزیر برائے اقلیتی امور،اوقاف وحج وغذا شہری رسد بی زیڈ ضمیر احمد خان نے کہا کہ حج گھر کو حضرت ٹیپو سلطان شہیدؒ کے نام سے منسوب کرنے کو لے کر فرقہ پرست جماعت گندی سیاست نہ کرے۔

بنگلورو میں سڑک پر ملے یتیم بچے کو دودھ پلانے والی کانسٹیبل کی عزت افزائی

کوڑا کرکٹ کے ذخیرہ سے قریب ملے یتیم بچے کی جان بچانے کے لئے اپنا دودھ پلاکر انسانیت کی مثال قائم کرنے والی الیکٹرانک سٹی پولیس تھانے کی خاتون کانسٹیبل ارچناکو مےئر سمپت راج نے آج اپنے دفتر میں اس اقدام کو سراہتے ہوئے تہنیت پیش کی۔ مےئر سمپت راج نے اپنے دفترمیں ارچنا کو ایک ...

کے پی سی سی صدارت حاصل کرنے ایچ کے پاٹل اور دنیش گنڈوراؤ کے درمیان رسہ کشی منی اپا بھی دعویدار۔ پاٹل دوڑمیں آگے،کئی سینئر لیڈروں کی تائید حاصل

کرناٹک پردیش کانگریس کمیٹی( کے پی سی سی) کے صدر کا عہدہ حاصل کرنے کے لئے ریاستی لیڈروں کے درمیان رسہ کشی جاری ہے۔ ایک دن ایک لیڈر کے نام کا اعلان ہوتا ہے تو دوسرے دن کسی دوسرے لیڈر کا نام لیا جاتا ہے۔

ڈاکٹر جی پرمیشور بنگلور کو ’’جنگی پیمانہ‘‘ پر بچانا چاہتے ہیں

شہری مسائل جو ہمارے شہر گلستاں بنگلور کو سالوں سے پریشان کئے ہوئے ہیں وہ اب بہت جلد ماضی کا باب بننے والے ہیں ، اس لئے کہ ریاستی حکومت نے کہا ہے کہ وہ اس تیز رفتاری کے ساتھ بڑھتے ہوئے شہر کو پلاسٹک سے پاک کر دے گی اور شہر کے تالابوں کو آلودگی سے محفوظ رکھنے کے لئے جنگی پیمانہ پر ...