عازمین حج اللہ تعالیٰ کی رضا جوئی کا جذبہ پیدا کریں:مولانا جمال

Source: S.O. News Service | By Shahid Mukhtesar | Published on 12th August 2017, 10:52 AM | ریاستی خبریں |

بنگلورو،11/اگست (ایس او نیوز) نماز جمعہ سے قبل مولانا محمد جمال الدین صدیقی رشادی مہتمم مدرسہ عربیہ تعلیم الدین گنگانگر بنگلور32- نے حج کی فضیلت واہمیت ا ور حجاج کرام کی ذمہ داری کے موضوع پر خطاب کرتے ہوئے کہا کہ حج دین اسلام میں بڑا اونچا اورافضل عمل ہے۔ زندگی میں عام طور پر ایک بار ہی یہ فریضہ انجام دیا جاتا ہے۔ یاد رکھنے والی بات اور خیال رکھنے والی چیز یہ ہے کہ جسے بھی جب بھی سفر حج نصیب ہوجائے یہ اعلیٰ ترین اور افضل عمل ہے۔ اس میں اخلاص کی بڑی ضرورت ہے۔ ہر عازمین حج کو چاہئے کہ مرد ہو یا عورت ،جوان ہو یا بوڑھا حج میں اللہ تعالیٰ کی رضا جوئی کا جذبہ پیدا کریں۔ خالق کائنات کو راضی اور خوش کرنے کی نیت ہو۔ ارکان حج ادا کررہا ہو۔ مکۃ المکرمہ کا قیام ہو۔ در اقدس خیرالانام سرکار دوعالم فخربنی آدم نبی اکرم صلی اللہ علیہ وسلم پر حاضری اور سلام پیش کرنے کا موقع ہو۔ مسجد الحرام یا مسجد نبویؐ میں نمازیں ادا کرنے کی سعادت ان سب کے پیچھے اللہ تعالیٰ کو راضی کرنے کا جذبہ ہونا ہی عازمین حج کی قبولیت اور سفر حج کی کامیابی کی ضمانت ہے۔ اگر دل کے کسی کونے اور گوشے میں ذرہ برابر بھی نام ونمود ، شہرت دکھلاوا اپنے کو حاجی یا الحاج کہلوانے کا جذبہ ہوگا ایسی بری نیت یا غلط ارادہ ہوگا۔ یاد رکھیں پھر تو پورا کا پورا عمل ہی برباد ہوکر رہ جائے گا۔ اس عمل کی کوئی قیمت اور حیثیت اللہ کی نظر میں نہیں ہوگی۔ رسول اللہ ﷺ نے ارشاد فرمایا ہے کہ جس نے اللہ کے لئے حج کیا اور اس میں نہ تو کسی شہوانی اور فحش بات کا ارتکاب کیا اور نہ اللہ کی نافرمائی کی تو وہ گناہوں سے ایسا پاک وصاف ہوکر واپس ہوگا جیسا اس دن تھا جس دن اس کی ماں نے اس کو جنا تھا۔ مولانا نے کہا حج بندۂ مومن کے ایمان کی تکمیل کا ذریعہ ہے۔ حج مقبول حج مبرور کا بدلہ اللہ تعالیٰ بندوں کو جنت دیتے ہیں ہر عازم حج کو چاہئے کہ اپنی نیت کو بالکل پاک وصاف رکھے۔ 

ایک نظر اس پر بھی

بعض ریاستی وزراء اور اراکین اسمبلی کی بی جے پی میں شمولیت :یڈیورپا

سابق وزیر اعلیٰ اور ریاستی بی جے پی صدر بی ا یس یڈیورپا نے کہاکہ 2؍ نومبر کو بی جے پی کے قومی صدر امیت شاکی قیادت میں پارٹی کی طرف سے شروع کی جانے والی پرورتن ریلی کے مرحلے میں ریاستی کانگریس حکومت کے بعض وزراء اور اراکین اسمبلی باضابطہ بی جے پی میں شامل ہوجائیں گے۔

ودھان سودھا کی ڈائمنڈ جوبلی کا رنگا رنگ پروگرام؛صدر ہند رامناتھ کووند لیجسلیچر اجلاس سے خطاب کریں گے

ریاست کے مرکز اقتدار ودھان سودھا کی ڈائمنڈ جوبلی تقریبات کیلئے تیاریاں مکمل کرلی گئی ہیں۔ 25اور26اکتوبر کو یہ تقریبات ودھان سودھا میں ہی منعقد ہونے جارہی ہیں۔ اس کیلئے ودھان سودھا کے رنگ وروغن کا کام مکمل کرلیاگیا ہے۔