اقوام متحدہ کی نئی فہرست میں داؤدابراہیم۔حافظ سعید کا نام بھی شامل

Source: S.O. News Service | By Shahid Mukhtesar | Published on 5th April 2018, 12:34 AM | عالمی خبریں |

واشنگٹن4اپریل( ایس او نیوز؍آئی این ایس انڈیا ) اقوام متحدہ کی سلامتی کونسل کی دہشت گردوں اور شدت پسندوں کی تازہ فہرست میں پاکستان سے ہی139 افرادکے نام شامل ہیں۔ اس فہرست میں ہندوستان کاموسٹ وانٹیڈ گینگسٹر(انتہائی مطلوبہ شخص) داؤد ابراہیم اور ممبئی حملہ کا ماسٹر مائنڈ حافظ سعید کی تنظیم لشکر طیبہ کا بھی نام شامل ہے۔ڈان نیوز کی خبر کے مطابق اس میں سرفہرست اسامہ بن لادن کے جانشین ایمن الظواہری کا نام ہے۔ واضح ہو کہ اس فہرست میں ان تمام افراد کو شامل کیا گیا ہے جوپاکستان میں قیام کر چکے ہیں، وہاں سے اپنی سرگرمیوں کو انجام دیا ہے یا پھر اپنی سرگرمیوں کے لیے پاکستان کی سر زمین کااستعمال کرنے والی تنظیموں سے وابستہ رہے ہیں۔ لشکر طیبہ سربراہ حافظ سعید کو ایک ایسے شخص کے طور پر شامل کیا گیا ہے جو انٹرپول کو مطلوب تھا اورمبینہ دہشت گردانہ سرگرمیوں میں ملوث تھا۔ امریکہ نے حافظ سعید کی سیاسی پارٹی ایم ایم ایل کوبھی دہشت گرد تنظیم قرار دیا ہے۔لشکر طیبہ نے ممبئی میں کئی مقامات پر دہشت گرد حملے کئے تھے جس میں 6 امریکی شہریوں سمیت 166 افراد ہلاک ہوئے تھے۔ خبر کے مطابق، اقوام متحدہ کی اس فہرست میں بھارتی شہری داؤد ابراہیم کاسکر کا نام بھی شامل ہے۔ اقوام متحدہ کی سلامتی کونسل کے مطابق داؤدا براہیم کے پاس کئی پاسپورٹ ہیں جو راولپنڈی اور کراچی سے جاری ہوئے ہیں۔ اقوام متحدہ کا دعوی ہے کہ کراچی کے نورآباد علاقہ میں داؤد کا ایک بڑا بنگلہ ہے، وہ 1993 کے ممبئی بم دھماکوں کا ماسٹر مائنڈ ہے ۔ اس کے علاوہ کئی اور افراد کے نام اس فہرست میں شامل ہیں جن میں جماعت الاحرار وغیرہم کے نام بھی درج ہیں۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...