کابل: مسلح افراد کا انٹیلی جنس مرکز پر حملہ

Source: S.O. News Service | By Shahid Mukhtesar | Published on 18th August 2018, 11:30 AM | عالمی خبریں |

کابل / اسلام آباد18اگست (ایس او نیوز؍آئی این ایس انڈیا ) مسلح افراد نے کابل میں افغانستان کے خفیہ ادارے کے دفتر کے میدان پر واقع تربیتی مرکز پر حملہ کیا، جس سے ایک ہی روز قبل دارالحکومت کے ایک تعلیمی ادارے پر حملے میں درجنوں افراد ہلاک ہوئے تھے۔

وزیر داخلہ کے مشیر، بہار مہر نے ’وائس آف امریکہ‘ کو بتایا کہ جمعرات کے تازہ دھماکے میں چار خودکش حملہ آور ملوث تھے۔

اُنھوں نے کہا کہ ایک بم حملہ آور کے علاوہ تین خودکش حملہ آوروں نے سکیورٹی فورسز کے ساتھ لڑتے ہوئے جسم سے بندھا آتشیں مواد بھک سے اڑا لیا۔

صفایا کرنے والی کارروائی کے دوران افغان سکیورٹی کے تین اہلکار بھی زخمی ہوئے، تاہم کسی شہری کو نقصان نہیں پہنچا۔

بدھ کے روز قصبے کے شیعہ اکثریتی آبادی والےعلاقے میں ’موعود اکیڈمی‘ پر خودکش حملہ ہوا جس میں کم از کم 34 افراد ہلاک ہوئے۔

یہ دھماکہ اُس وقت ہوا جب طالب علم یونیورسٹی میں داخلہ کا امتحان دے رہے تھے۔

افغان طالبان نے حملے میں ملوث ہونے کی تردید کی ہے۔ داعش کابل میں شیعہ آبادی پر ہونے والے گذشتہ حملوں کی ذمہ داری قبول کرتا رہا ہے۔

ایک نظر اس پر بھی

پاکستان جب تک دہشت گردی کے خلاف مؤثرکاروائی نہیں کرتا، ایئر اسٹرائک جیسے قدم اٹھاتے رہیں گے: وزارت دفاع

وزارت دفاع نے دو ٹوک کہا ہے کہ جب تک پاکستان دہشت گرد گروپوں کے خلاف قابل اعتماد کارروائی نہیں کرتا، تب تک ہندوستان اپنی قومی سلامتی کو یقینی بنانے کے لئے سخت اقدامات اٹھاتا رہے گا۔

2008 ممبئی حملے کا ماسٹر مائنڈ حافظ سعید گرفتار

  ممبئی دہشت گردانہ  حملے کے ماسٹرمائنڈ اور تنظیم جماعت الدعوۃ (جےیوڈی) کے چیف حافظ سعید کو Counter Terrorism Department (سی ٹی ڈی) نے پاکستان کے پنجاب  سے بدھ کو گرفتار کر لیا۔افسروں نے بتایا کہ سعید سی ٹی ڈی میں پیش ہونے کے لئے لاہور سے گجرانوالا آیا تھا، تبھی اس کو گرفتار کر لیا گیا۔ اس کے ...

پاکستانی جیل میں قید سابق ہندوستانی افسر کلبھوشن پر بین الاقوامی عدالت کا فیصلہ آج

پاکستان کی جیل میں بند ہندوستانی بحریہ کے سابق فوجی افسر کلبھوشن جادھو کے معاملے میں بدھ کو ہیگ واقع بین الاقوامی عدالت (آئی سی جے) اپنا فیصلہ سنائے گی۔ ’دی ہیگ‘ کے پیس پیلس میں 17 جولائی کو ہندوستانی وقت کے مطابق شام ساڑھے چھ بجے کھلی سماعت ہوگی جس کے بعد چیف جسٹس عبدالقوی ...

سری لنکا چرچ بم بلاسٹ میں ڈرگ مافیاکا ہاتھ ہے۔ صدر سیری سینا کا بیان

انگریزی اخبار دی نیو انڈین ایکسپریس میں شائع ایک رپورٹ کے مطابق سری لنکا کے صدر مائتھری پالا سیری سینا نے کہا ہے کہ عیسائی تہوار ایسٹر کے موقع پر چرچ کے اندر جو ہولناک بم دھماکے ہوئے تھے اس کے پیچھے بین الاقوامی ڈرگ مافیاکاہاتھ ہے۔

 ورلڈ کپ پا کر انگلینڈ جھوم اُٹھا مگر فتح کے فارمولہ پر تنقیدیں ، آئی سی سی کو متنازع ضابطے پر نظرثانی کا مشورہ دیا 

اتوار کو اعصاب شکن میچ میں انگلینڈ کی فتح سے جہاں پورا برطانیہ جھوم اٹھا ہے اور ملک بھر میں جشن کا ماحول ہے وہیں انٹر ننشنل کرکٹ کونسل (آئی سی سی ) کا وہ ضابطہ تنقیدوں کی زد پر آگیا ہے جس کی وجہ سے میچ اور بعد میں سُوپر اوور کے بھی ٹائی ہونے کے باوجودانگلینڈ کو فاتح قرار دیا گیا۔ ...