گجرات فسادات: 26نومبر تک ٹلی ذکیہ جعفری کی درخواست پر سماعت
نئی دہلی:19/نومبر(ایس او نیوز/آئی این ایس انڈیا)سپریم کورٹ نے 2002میں گودھرا سانحہ کے بعد ہوئے فسادات کے سلسلے میں گجرات کے سابق وزیر اعلی نریندر مودی کو خصوصی تحقیقات ٹیم کی طرف سے کلین چٹ دئے جانے کو چیلنج کرنے والی ذکیہ جعفری کی درخواست پر پیر کو سماعت 26نومبر تک کے لیے ملتوی کر دی۔جسٹس اے ایم کھانولکر کی سربراہی میں والی بنچ نے کہا کہ مقدمے کی سماعت میں کچھ وقت لگے گا،درخواست پر 26نومبر کو سماعت کی جائے گی۔معاملے کی سماعت شروع ہوتے ہی خصوصی تفتیشی ٹیم کی جانب سے سینئر وکیل مکل روہتگی نے کہا کہ یہ پٹیشن قابل غور نہیں ہے اور اس میں تیستا سیتلواڑ دوسری درخواست کنندہ نہیں ہو سکتی ہیں۔بنچ نے کہا کہ سیتلواڑکودوسرا مدعی بنانے پرسماعت سے پہلے اس درخواست پرغورکیاجائے گا۔