اپنی ہی شادی میں دوستوں کے ساتھ ناچ رہے دولہا کی ہوئی موت، چھایا ماتم
وڈودرہ، 12؍مئی(ایس او نیوز؍آئی این ایس انڈیا )بارات لے کر دلہن کے دروازے پر پہنچا دولہا دوستوں کے کہنے پر ان کے ساتھ ناچنے لگا، کچھ دیر جم کر ناچنے کے بعد اچانک اس کو دل کا دورہ پرا اور اس کی موت ہوگئی۔دولہے کی موت کی خبر سن کر وہاں موجود تمام لوگ صدمے میں آگئے۔اطلاع کے مطابق یہ واقعہ گجرات کے آنند ضلع میں واقع بورساڈ شہر کا ہے، جہاں شادی کا ماحول ماتم میں تبدیل ہو گیا ۔دلہن کے گھر کے لیے روانہ بارات میں دوستوں کے ساتھ ناچتے ہوئے 25سالہ دولہے کی ہارٹ اٹیک کی وجہ سے موت ہو گئی، اس واقعہ سے دونوں طرف کے لوگ دنگ رہ گئے ۔دولہا ساگر کے والد راجیش سولنکی نے بتایاکہ منگل کی رات دلہن کے گھر کے لیے روانہ ہوئی بارات میں شامل باراتی پورے جوش اور خوش تھے۔اسی خوشی میں شرابور دولہا بنا ساگر سولنکی بھی اپنے دوستوں کے کندھے پر بیٹھا ناچنے کے موڈ میں دکھائی دے رہا تھا، تبھی اس کو دل کا دورہ پڑا، جس کے بعد اس کو نزدیک کے ایک اسپتا ل میں لے جایا گیا جہاں ڈاکٹروں نے اسے مردہ قرار دے دیا۔ساگر آنند کے رانولی گاؤں کا رہنے والا تھا اورایک پرائیویٹ کمپنی میں کام کرتا تھا۔