گجرات انتخابات:راہل گاندھی کے یہ چار کارڈ یا نتیش کمار کا ایک دعوی، کون ثابت ہوگا صحیح؟

Source: S.O. News Service | By Shahid Mukhtesar | Published on 15th November 2017, 1:12 AM | ملکی خبریں |

گاندھی نگر،14؍نومبر (ایس او نیوز؍آئی این ایس انڈیا) گجرات میں اسمبلی انتخابات کی تاریخوں کے اعلان کے بعد انتخابی مہم عروج پر پہنچ گئی ہے۔اس بار گجرات میں کانگریس جیتنے کے لئے ہر ممکن کوشش کر رہی ہے اور اس کے لئے وہ کسی سے بھی پیچھے نہیں ہے۔وہیں بی جے پی جہاں وہ 22سالوں سے اقتدار پر قابض ہے اسے اپنا گڑھ بچانے کا چیلنج ہے۔اتنے سالوں میں ایسا پہلی بار ہے جب بی جے پی کو گجرات میں اچھا خاصا مقابلہ دیکھنے کو مل رہا ہے۔کانگریس کے نائب صدر راہل گاندھی بھی اپنے سیاسی کیریئر میں پہلی بار اس انداز میں دکھائی دے رہے ہیں۔ ان کے حکمت عملی کا طریقہ ویسا ہی ہے جیسا مودی اپناتے ہیں۔اسٹیج سے نعروں کو گڑھنا، عوام کی چھوٹے چھوٹے مسائل پر ریلیوں میں بولنا اور ساتھ ہی مخالف رہنماؤں پر طنز کسنا۔یہ کتنا فائدے مند ثابت ہوگایہ وقت بتائے گا۔ پاٹیدارو اور دلت لیڈروں کو وہ اپنی طرف لا چکی ہے۔پاٹیدار ابھی تک بی جے پی کا ہی ووٹ بینک مانے جاتے رہے ہیں لیکن اس بار ریزرویشن کی مانگ کو لے کر ناراضگی کو کانگریس ختم کرنا چاہتی ہے۔ماہرین کا کہنا ہے کہ اگر تھوڑا سا بھی ووٹ فیصد میں تبدیلی ہوئی تو کانگریس کو فائدہ ہو سکتاہے۔لوک سبھا انتخابات میں شکست کی وجوہات کو بتانے والی اے کے انٹونی رپورٹ میں کہا گیا ہے کہ کانگریس کی ہار کی وجہ اس کی ٹوڑنے کی شبیہہ بھی رہی ہے۔اس کے بعد سے راہل نے اس شبیہ کو توڑنے کی پوری کوشش کی ہے۔راہل نے اس بار وی آئی پی اور سیکورٹی گھیرے میں رہنے والے لیڈر کی شبیہ توڑنے کی کوشش کی ہے۔وہ عام لوگوں سے ملتے ہیں۔وہ اسٹیج پر بھیڑ میں سے کسی کو بلاتے ہیں، سیلفی کھنچواتے ہیں، لوگوں کے درمیان جاتے ہیں، ایسا کرنا لوگوں کو اچھا بھی لگ رہا ہے۔دراصل یہ دیکھ کر اس لئے بھی نیا لگا رہا ہے کیونکہ گزشتہ کئی دہائیوں کے بعد پہلی بار کانگریس کا کوئی بڑا لیڈر عوام سے ایسے بات چیت کر رہا ہے۔اس بات کا تجزیہ ہم پہلے بھی کر چکے ہیں، جس میں کہا گیا ہے گجرات اسمبلی انتخابات کے نتائج کچھ بھی آئیں لیکن فائدہ راہل گاندھی کا ہی ہوگا۔کانگریس کو بھی ایسا لگتا ہے کہ لوک سبھا انتخابات آتے آتے ملک کا حال بدلے گا اور جن مسائل کو راہل گاندھی اٹھا رہے ہیں وہ 2019 تک کافی کارگر ثابت ہوں گے۔

ایک نظر اس پر بھی

ڈوکلام علاقے میں چینی فوج کے قبضے کی مبینہ تصویر،کانگریس نے مودی سرکارکوگھیرا،سرحدکی حفاظت میں ناکامی کاسنگین الزام

کانگریس نے ڈوکلام علاقے میں چینی فوج کے ذریعہ ایک بڑا فوجی ٹھکانہ بنانے کے سلسلے میں آرہی میڈیا رپورٹس اورسیٹیلائٹ تصویروں پر تشویش ظاہر کرتے ہوئے آج کہا کہ اس سلسلے میں حکومت کو گمراہ کرنے کے بجائے ملک کے عوام کواصلیت بتانی چاہیے۔

ای ڈی کے سامنے پیش ہوئے کارتی چدمبرم

سابق مرکزی وزیر پی چدمبرم کے بیٹے کارتی چدمبرم آئی این ایکس میڈیا منی لانڈرنگ معاملے کی جانچ کے سلسلے میں ای ڈی کے سامنے پیش ہوئے۔ای ڈی نے کارتی کو اس معاملے کے تفتیشی افسر (آئی او)کے سامنے پیش ہونے کا نوٹس بھیجا تھا۔

سپریم کورٹ نے دی فلم ’پدماوت‘ کی ملک بھر میں نمائش کی اجازت؛ بی جے پی کو زبردست دھچکا؛ کرنی سینا کی تھیٹروں میں توڑپھوڑ

سپریم کورٹ نے فلم ’’پدماوت‘‘ پر جاری تنازعہ پر ایک اہم فیصلہ سناتے ہوئے ملک کی چار ریاستوں میں عائد پابندیوں پر حکم التواء جاری کردیا اور ملک کی تمام ریاستوں کو ہدایت جاری کی ہے کہ وہ بغیر کسی روک ٹوک فلم کی نمائش کی اجازت دے،