الیکشن سے قبل گجرات بی جے پی کوزوردارجھٹکا،جے شاہ کے بعداینٹی کرپشن دعووں کی پھرہوانکلی، بی جے پی کی حقیقت آشکارا کرنے کیلئے ایک کروڑ کی ڈیل کی تھی : نریندر پٹیل 

Source: S.O. News Service | By Shahid Mukhtesar | Published on 23rd October 2017, 9:32 PM | ملکی خبریں |

احمد آباد،23؍ اکتوبر(ایس او نیوز؍آئی این ایس انڈیا )بی جے پی جس میں ملک کے ماہر سیاسیات اور امیت شاہ جیسے قدآور لیڈر شامل ہیں اور اس پارٹی کو ’وکاس ‘ پر اعتماد ہی نہیں ؛بلکہ ایمان بھی ہے۔ بدعنوانی کے خلاف بی جے پی کی جنگ ملک گیر سطح پر جاری ہے اسی بی جے پی کے اوپر ایک کروڑ روپے کی پیشکش دینے کاالزام لگانے والے پاٹیدار تحریک سے وابستہ لیڈر نریندر پٹیل نے برق گرا دی اور بی جے پی کی بدعنوانی مخالف تحریکوں کا پردہ فاش کردیا۔ انہوں نے کہا کہ یہ سودا اس لئے کیا تھا تاکہ پاٹیدار سماج کومعلوم ہوسکے کہ بی جے پی کی سچائی کیا ہے اور بی جے پی بدعنوانی کو کس طرح پرورش کرتی ہے ۔ نریندر پٹیل نے کہا کہ بی جے پی کے لئے کوئی بڑی بات نہیں ہے وہ پیسہ سے سب کچھ خرید سکتی ہے۔نریندر پٹیل نے کہا کہ ورون پٹیل کے ذریعہ 10 لاکھ روپے دیئے گئے ہیں۔ انہوں نے کہا کہ وزیر اعظم مودی کو چیلنج کرتے ہوئے کہا کہ ان کا بھی نام نریندر ہے اور وہ بھی مہسانا سے تعلق رکھتے ہیں ، مہسانا سے ان کو جیت دلاکر اسمبلی تک پہنچایا گیاتھا ان کو مہسانا لاکر رہیں گے ۔ غور طلب ہے کہ گجرات اسمبلی انتخابات سے پہلے پاٹبدارو کو بی جے پی اور کانگریس اپنی اپنی جماعت میں شامل کرنے کی کوشش میں ہے ،ہاردیک پٹیل کے اتحادی ورون پٹیل اور ریشما پٹیل جو پاٹیدار تحریک میں سرگرم رکن کی حیثیت سے تھے انہوں نے بی جے پی میں شمولیت اختیار کی ہے۔ دوسری طرف او سی بی سی۔ایس ایس۔ایس ٹی ایکتا منچ کے رہنما الپیش ٹھاکر کانگریس میں شامل ہو گئے ہیں۔ اسی درمیان نریندر پٹیل کے متعلق بی جے پی میں جانے کی بحث تیز تھی تاہم انہوں نے پریس کانفرنس کرکے بی جے پی پر بڑا الزام لگاکر بی جے پی کو بیک فٹ پر دھکیل دیا ہے۔تاہم اس پر بی جے پی سے کوئی وضاحت نہیں کی ہے ۔ وہیں پاٹی دار سماج کے ہی ایک اور رہنما نکھل سوانی بی جے پی پر خرید و فروخت کا الزام لگا کر استعفی دے دیا ہے وہ کچھ روز قبل انہوں نے بی جے پی میں شمولیت اختیار کی تھی۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...