جی ایس ٹی سے آپ کا کریڈٹ کارڈ بل اور انشورنس پریمیم مہنگاہوجائے گا
نئی دہلی، 21؍جون(ایس او نیوز؍آئی این ایس انڈیا )کریڈٹ کارڈ یوزر ، بینک اور انشورنس کمپنیوں نے اپنے صارفین کو یکم جولائی سے گڈس اینڈ سروس ٹیکس (جی ایس ٹی)نافذ ہونے کے بعد زیادہ ٹیکس لگنے کے بارے میں آگاہ کرنا شروع کر دیا ہے۔فی الحال صارفین ایسی خدمات کے لیے 15فیصد سروس ٹیکس دیتے ہیں، یکم جولائی 2017سے جی ایس ٹی سروس ٹیکس اورویٹ جیسے تمام بالواسطہ ٹیکس کو شامل ہو گا۔مالیاتی خدمات اور ٹیلی کمیونی کیشن کو 18فیصد جی ایس ٹی سلیب میں رکھا گیا ہے،ایس بی آئی کارڈ نے اپنے صارفین کو ایس ایم ایس بھیج کر زیادہ ٹیکس اثرات کے بارے میں ہوشیار کیا ہے، ایس بی آئی کارڈ کے ایس ایم ایس کے مطابق، اہم حکومت ہند نے جی ایس ٹی نافذ کرنے کرنے کی تجویز دی ہے، یہ شاید یکم جولائی 2017سے نافذ ہو سکتا ہے، اس کی وجہ سے 15؍فیصد موجودہ سروس ٹیکس کی جگہ پر 18؍فیصد جی ایس ٹی لگے گا، اسٹینڈرڈ چارٹرڈ اور ایچ ڈی ایف سی نے بھی اپنے صارفین کو جی ایس ٹی سے متعلق ایس ایم ایس بھیجے ہیں۔آئی سی آئی سی آئی پروڈنشیل لائف انشورنس نے ای میل پیغام میں اپنے صارفین سے کہا کہ نئے بالواسطہ ٹیکس نظام کے نفاذ کے بعد ٹرم پالیسی کے لیے دیئے جانے والے پریمیم اور یونٹ لنکڈ انشورنس پالیسی پر 18فیصد جی ایس ٹی لگے گا،ان مصنوعات پر فی الحال 15فیصد جی ایس ٹی لگتا ہے۔جی ایس ٹی اینڈومانٹ پالیسی کے لیے پریمیم کی ادائیگی پر 2.25فیصد جی ایس ٹی لگے گا، فی الحال صارفین کو 1.88فیصد سروس ٹیکس اینڈومانٹ پالیسی پر دینا ہوتا ہے۔