جی ایس ٹی کونسل کی 18جنوری کواہم میٹنگ، پٹرولیم۔ رئیل اسٹیٹ سمیت اہم مسائل پرہوگی نظر

Source: S.O. News Service | By Shahid Mukhtesar | Published on 13th January 2018, 11:14 AM | ملکی خبریں |

نئی دہلی، 12؍جنوری(ایس او نیوز؍آئی این ایس انڈیا)مودی حکومت کے بجٹ پیش کرنے سے قبل 18جنوری کو جی ایس ٹی کونسل کی میٹنگ منعقد ہوگی۔بجٹ سے چند دن پہلے ہورہی اس میٹنگ میں اہم فیصلے ہوسکتے ہیں۔نئے سال میں پٹرول اور ڈیزل کوجی ایس ٹی کونسل کے تحت لانے سمیت کئی اہم مطالبات پر کوئی فیصلہ کرسکتی ہے۔پٹرول اور ڈیزل کی بڑھتی ہوئی قیمتوں کودیکھتے ہوئے جی ایس ٹی کونسل نے ان دونوں کو جی ایس ٹی کے تحت لانے پر غورکرسکتی ہے،اگر ایسا ہوتا ہے تو عام آدمی کے لئے پٹرول اور ڈیزل لینابہت سستا ہوسکتا ہے۔ وزیر خزانہ ارون جیٹلی سمیت تیل وزیردھرمندر پردھان بھی پٹرولیم اور ڈیزل کو جی ایس ٹی کے تحت لانے کا مطالبہ کرچکے ہیں۔پٹرول اور ڈیزل کی قیمتیں ایک بار پھر ریکارڈ کی سطح پر پہنچ گئی ہے۔ممبئی میں جہاں لوگ ایک لیٹر پٹرول کے لیے65.10روپے دے رہے ہیں۔وہیں دہلی میں ڈیزل کی قیمت 60روپے تک پہنچ گئی ہے۔پیٹرول بھی ایک بارپھر80تک پہنچنے کی تیاری کر رہا ہے۔فی الحال ممبئی میں ایک لیٹر پیٹرول 77روپے میں مل رہا ہے۔جی ایس ایس کے تحت رئیل اسٹیٹ لانے کابھی فیصلہ 18جنوری کوہونے والی اس میٹنگ میں لیا جا سکتا ہے۔ وزیرخزانہ ارون جیٹلی نے خود اشارہ دیا ہے کہ رئیل اسٹیٹ کو جی ایس ٹی کے تحت لایا جائے گا۔اس میٹنگ میں ایک اور اہم اعلان کیاجاسکتاہے،اوروہ ہے جی ایس ٹی ٹیکس سلیب کو کم کرنے کا اعلان ۔ وزیرخزانہ ارون جیٹلی سمیت دیگر مرکزی رہنما کہ چکے ہیں کہ جی ایس ٹی میں موجودہ ٹیکس سلیب کو کم کیاجاسکتا ہے۔ایسے میں جی ایس ٹی کونسل اس میٹنگ میں جی ایس ٹی ٹیکس سلیب کو کم کرنے کے بارے میں کوئی اعلان کر سکتا ہے۔

ایک نظر اس پر بھی

وزیر اعظم کی کسان بہبود ریلی کا ہفتہ کو انعقاد 

وزیر اعظم نریندر مودی کل شاہ جہاں پور میں کسان بہبود ریلی سے خطاب کریں گے۔ اس دوران وہ کسانوں کے لیے کئی اعلانات کر سکتے ہیں۔ وزیر اعظم کے سرکاری پروگرام کے مطابق مودی کل دہلی سے بریلی واقع اتر ترشول ہوائی اڈے پر اتریں گے اور وہاں سے ہیلی کاپٹر سے دوپہر 12 بج کر 20 منٹ پر روضہ واقع ...

وزیر اعظم مودی آئندہ ہفتہ جنوبی افریقہ سمیت کئی ممالک کے دورے پر

وزیر اعظم نریندر مودی اگلے ہفتے 23 سے 27 جولائی تک روانڈا، یوگنڈا اور جنوبی افریقہ کے دورے پر جائیں گے۔ جنوبی افریقہ کے دورے کے دوران وہ برکس کانفرنس میں بھی حصہ لیں گے جس میں بین الاقوامی امن اور سلامتی سمیت کئی عالمی مسائل پر بات چیت متوقع ہے۔وزارت خارجہ کے سکریٹری نے صحافیوں ...

عدم اعتماد تحریک میں مودی حکومت کو ملی بڑی کامیابی، اپوزیشن کواُٹھانی پڑی سخت ہزیمت

اپوزیشن کانگریس کو آج جمعہ کو اُس وقت سخت حزیمت کا سامنا کرنا پڑا، جب لوک سبھا میں ​عدم اعتماد کی تحریک پر 12 گھنٹے کی بحث کے بعد مودی حکومت نے اعتماد کا ووٹ حاصل کرلیا۔ عدم اعتماد کی تحریک کی مخالفت میں اور مودی حکومت کی حمایت میں 325 ووٹ پڑے جبکہ عدم اعتماد کی تحریک کی ...

نئی دہلی میں چھ ستمبر کو ہو گی پہلی امریکہ ۔بھارت مذاکرات: امریکی وزارت خارجہ

طویل انتظار اور بار بار تاریخ مقرر کرنے کے بعد بالآخر امریکہ اور بھارت کے درمیان پہلی مذاکرات چھ ستمبر کو نئی دہلی میں ہونی طے ہوئی ہے۔امریکہ نے ناگزیر وجوہات کا حوالہ دیتے ہوئے گزشتہ ماہ مذاکرات ملتوی کر دی تھی۔ مذاکرات بھارت اور امریکہ کے وزیر اور وزرائے دفاع کے درمیان ہونے ...

ہیلی کاپٹر اسکینڈل میں ای ڈی کے چارج شیٹ پر عدالت 23 جولائی کو کرے گی غور

دہلی کی ایک عدالت نے وی وی آئی پی ہیلی کاپٹر رشوت معاملے میں ای ڈی کی طرف سے دائر چارج شیٹ پر 23 جولائی کو نوٹس لے گی ۔ خصوصی جج اروند کمار نے تفتیشی افسر کے موجود نہ ہونے کا نوٹس لیتے ہوئے معاملے کو پیر کے لئے درج کر دیا ہے۔ ای ڈی نے کہا کہ اس نے تمام ملزمان کے خلاف الزامات کی حمایت ...